Fréttablaðið - 15.12.2011, Blaðsíða 10

15. desember 2011 FIMMTUDAGUR10
ICESAVE: ÍSLANDI STEFNT FYRIR EFTA-DÓMSTÓLINN
FRÉTTASKÝRING
Hvað þýðir málssókn ESA vegna
Icesave?
ESA, Eftirlitsstofnun EFTA, hefur
stefnt Íslandi fyrir EFTA-dómstól-
inn. Stofnunin telur Ísland hafa
brotið tilskipun um innstæðutrygg-
ingu. Þessi skoðun ESA á ekki að
koma á óvart, stofnunin hefur hald-
ið þessu fram
um hríð.
E SA sendi
ríkis stjórn
Íslands áminn-
ingarbréf í maí
þar sem þessi
skilningur
stofnunarinn-
ar var áréttað-
ur. Stjórnvöld
fengu frest til að svara því bréfi,
en skiluðu rökstuddu áliti í október.
Þar kom fram að innstæðueigend-
ur í Hollandi og Bretlandi hefðu
ekki borið skarðan hlut frá borði
ef áætlanir um uppgjör þrotabús
Landsbankans stæðust.
Þær áætlanir hafa staðist og
gott betur; útlit er fyrir yfir 100
prósent heimtur í forgangskröfur.
Stjórnvöld bundu vonir við að það
hefði áhrif á afstöðu ESA. Árni Páll
Árnason, efnahags- og viðskipta-
ráðherra, ritaði stofnuninni bréf
fyrr í vikunni þar sem farið var
yfir stöðu þrotabúsins. Góð staða
þess þýddi að Bretar og Hollend-
ingar töpuðu ekki á málinu.
ESA féllst ekki á þessar rök-
semdir og ítrekar álit sitt um meint
brot Íslendinga.
„ESA heldur við fyrri afstöðu
sína. Ísland verður að uppfylla þær
skyldur sem það hefur undirgeng-
ist með aðild að EES-samningn-
um. Því ber að tryggja greiðslur til
allra innstæðueigenda, án mismun-
unar, samkvæmt þeim skilyrðum
sem mælt er fyrir um í tilskipun-
inni um innstæðutryggingar,“ segir
Oda Helen Sletnes, forseti stofnun-
arinnar, í fréttatilkynningu.
Orðalagið „án mismununar“
vekur upp spurningar hvort það
þýði að Íslendingar verði að tryggja
innstæður Breta og Hollendinga að
fullu, líkt og gert var hér á landi, en
ekki aðeins lágmarkstrygginguna,
rúmlega 20 þúsund evrur. Trygve
Melvang-Berg, upplýsingafulltrúi
ESA, sagði hins vegar við Frétta-
blaðið að málið snerist aðeins um
lágmarkstrygginguna.
Lárus Blöndal, sem sat í nefnd
um Icesave-viðræðurnar undir
stjórn Lee Buchheit, segir að við
stefnunni hafi mátt búast. Ekkert
nýtt sé að finna í rökstuðningi ESA.
„Menn vonuðust til að áhuginn
á málssókn færi að minnka eftir
því sem peningar færu að skila sér
úr þrotabúinu, en svo hefur ekki
verið.“
Lárus segir að búast megi við að
niðurstaða fáist ekki úr málinu fyrr
en eftir að minnsta kosti ár. Kom-
ist dómstóllinn að því að Íslending-
ar hafi mismunað innstæðueigend-
um gætu Bretar og Hollendingar
beitt þeim rökum að það gildi ekki
aðeins um lágmarkstrygginguna.
Það þýðir kröfu um tæpa 1.200
milljarða í stað 670.
Tapi Íslendingar málinu á einnig
eftir að takast á um vexti. Bretar
og Hollendingar féllust á 5,55 pró-
sent vexti eftir nokkurt þóf. Þeir
féllust á að lækka þá niður í 2,25
prósent, gegn því að fá aukinn hlut
úr endurheimtum. Allsendis óljóst
er hver krafan verður, tapi Íslend-
ingar málinu.
Samkvæmt heimildum Frétta-
blaðsins lítur ESA svo á að nauð-
synlegt sé að fá úr málinu skorið,
varðandi innstæðutrygginguna.
Samningar um greiðslur á milli
ríkja snerti ekki þá grundvallar-
spurningu. kolbeinn@frettabladid.is
Ísland þarf að svara
til saka fyrir dómi
Eftirlitsstofnun EFTA hefur stefnt Íslandi fyrir dóm vegna meintra brota á
tilskipun um innstæðutryggingar vegna Icesave. Landið sagt skuldbundið til
greiðslu samkvæmt EES-samningi. Útgreiðslur úr þrotabúi höfðu ekki áhrif.
SAMNINGUM HAFNAÐ Ólafur Ragnar Grímsson, forseti Íslands, hefur í tvígang neitað
að skrifa undir lög frá meirihluta Alþingis um lausn á Icesave-deilunni. Eftirlits-
stofnun EFTA hefur nú stefnt Íslandi fyrir EFTA-dómstólinn vegna deilunnar.
FRÉTTABLAÐIÐ/VALLI
LÁRUS BLÖNDAL
Menn vonuðust til að
áhuginn á málssókn
færi að minnka eftir því sem
peningar færu að skila sér úr
þrotabúinu.
LÁRUS BLÖNDAL
FYRRUM FULLTRÚI Í ICESAVE-VIÐRÆÐUM
Gylfi Arnbjörnsson, forseti ASÍ, segir stöðuna tengjast
niðurstöðum þjóðaratkvæðagreiðslna varðandi Icesave.
Ágreiningur sé uppi um túlkun þeirra reglugerða sem ESA
vísar til. Hann vonar að fjárhagsleg áhætta sé ekki mikil,
enda bendi allt til þess að hinn fallni Landsbanki eigi fyrir
öllum innstæðum.
„Hættan af svona máli var að það yrði ekki bara um
lágmarkstrygginguna heldur mundi ESA láta á það reyna að
innstæðutryggingin gilti jú fyrir allar reikningsupphæðir á
Íslandi. Það gæti verið mismunun gagnvart EES-borgurum,
um það var óvissa og er.“
Gylfi segist hafa verið þeirrar skoðunar að best hefði
verið að leysa málið með samningum. „Í svona málum eru
það hagsmunir aðila, bæði okkar sem þjóðar og þeirra sem
við erum að vinna með, að leysa þetta með pólitískum hætti.“ - kóp
GYLFI ARNBJÖRNSSON, FORSETI ASÍ:
Þrotabúið virðist duga til
GYLFI
ARNBJÖRNSSON
Már Guðmundsson seðlabankastjóri segir málssókn-
ina ekki munu hafa mikil áhrif á horfur í efnahags-
málum. Fjárhagsleg áhætta Breta og Hollendinga
hafi minnkað með bættum
endurheimtum í þrotabú Lands-
bankans. Frekar sé á ferðinni
spurning um að skýra ákveðnar
Evrópureglur um innstæðutrygg-
ingar.
„Og hitt sem hefur gerst er
að okkur hefur tekist að útskýra
þetta fyrir markaðnum og öllum
aðilum. Þetta er því ekki óvænt
og ég held að markaðirnir og
flestir hafi reiknað með því að
þetta færi svona.
Ég á því ekki von á því að þetta verði mikil áhrif
þó þau geti auðvitað orðið einhver til skemmri tíma.
En maður veit auðvitað aldrei með markaði, þeir
lúta sálfræði til skemmri tíma, en þegar frá líður held
ég að þau verði ekki mikil.“
- mþl
MÁR GUÐMUNDSSON SEÐLABANKASTJÓRI:
Reiknuðu flestir með því að
málið færi fyrir dómstóla
Sigmundur Davíð Gunnlaugsson, formaður Framsóknar-
flokksins, segir dómsmálið ekki koma að öllu leyti á óvart.
Forstöðumaður ESA hafi tjáð sig á þennan veg í haust á fundi
með þingmönnum EFTA og Evrópuþingsins.
Sigmundur segir hins vegar undarlegt að
ESA taki ekki tillit til erindis efnahags- og
viðskiptaráðherra um bætta stöðu þrotabús
Landsbankans.
Sigmundur segir að í því bréfi hafi verið
sýnt fram á að Bretar og Hollendingar hefðu
ekki orðið fyrir tjóni vegna þeirrar leiðar sem
farin var. Þvert á móti hefðu þeir hagnast
á því að sú leið var farin frekar en að ríkið
greiddi út lágmarkstryggingu, sem það hefði
hvort eð er ekki getað gert.
„Það virðist hafa legið fyrir í einhvern tíma að það ætti að
þrýsta á um þetta og vísbendingu um hvers vegna mönnum
liggur svo á um það held ég að sé að finna í tilkynningu ESA
um að þetta skipti höfuðmáli varðandi traust á bankakerfinu
og að fólk verði að geta treyst því að ef bankar fari í þrot þá fái
það þessa greiðslu. Með öðrum orðum að þetta tengist þessu
ástandi sem nú er að setja allt á hvolf í Evrópu.“ - kóp
SIGMUNDUR DAVÍÐ GUNNLAUGSSON,
FORMAÐUR FRAMSÓKNARFLOKKSINS:
Tengt ástandi í ESB
Steingrímur J. Sigfússon fjármálaráðherra segir ákvörðun ESA ekki hafa komið
á óvart. Ljóst hafi mátt vera að málið gæti endað á þennan hátt þar sem ekki
tókst að leiða það til lykta með samningum.
„Nú hefst næsti þáttur, sem er að búa sig undir málið og
taka til ýtrustu varna. Við munum að sjálfsögðu gera það
og tefla fram öllum rökum sem við höfum.“
Steingrímur segir það hafa orðið reyndin sem margir
hafi óttast að batnandi heimtur úr þrotabúi Landsbankans
hefðu ekki áhrif á ákvörðun ESA. Þær hefðu ekki nægt til
að koma málinu út úr heiminum. „Við fáum þá þann dóm
sem margir hverjir töldu réttast að fá. Menn verða þá að
átta sig á því að sá dómur mun gilda.“
Steingrímur segir óljóst hver áhrif verða af dómsmálinu.
Ljóst sé þó að þau áhrif sem verði muni verða til hins verra.
Það sé ekki gott að hafa málið hangandi yfir sér. Réttast
sé þó að fjalla um þetta af yfirvegun og leggja áherslu á
að lagalegur ágreiningur sé uppi og eðlilegt sé að hann endi fyrir dómstólum.
Það sé hins vegar staðreynd sem ekki verði umflúin að meint brot Íslendinga á
skuldbindingum sé á leiðinni fyrir dómstóla og verði þar næstu misseri.
„Það er mikilvægt að menn vandi sig nú við að halda yfirvegun þannig að
menn setji sjálfa sig sem minnst í neikvætt ljós.“ - kóp
STEINGRÍMUR J. SIGFÚSSON FJÁRMÁLARÁÐHERRA:
Munum taka til ýtrustu varna
STEINGRÍMUR J.
SIGFÚSSON
SIGMUNDUR DAVÍÐ
GUNNLAUGSSON
MÁR
GUÐMUNDSSON