Fréttablaðið - 15.12.2011, Blaðsíða 6

15. desember 2011 FIMMTUDAGUR6
•
ORKUMÁL Ólafur Ragnar Grímsson hefur
fallist á að gegna formennsku í dóm-
nefnd alþjóðlegu orkuverðlaunanna
Zayed Future Energy Prize. Dómnefnd-
in fundaði í Abu Dhabi í gær, en verð-
launin verða afhent í janúar.
Með Ólafi í dómnefndinni eru meðal
annarra bandaríski leikarinn Leonardo
DiCaprio, Cherie Blair, lögfræðingur
og eiginkona Tony Blair,
Mohammed Nasheed, for-
seti Maldíveyja, og dr.
Susan Hockfield, rektor
MIT háskólans í Banda-
ríkjunum, að því er fram
kemur í tilkynningu frá
embætti forsetans.
Í dómnefndinni sitja
einnig þau Timothy
Wirth, forseti Sameinuðu
þjóða stofnunarinnar og fyrrverandi
öldungadeildarþingmaður í Banda-
ríkjunum, og Elizabeth Dipuo Pet-
ers, orkuráðherra Suður-Afríku.
Verðlaunin eru veitt í fjórum
flokkum og nemur heildarupphæð
verðlaunafjár jafnvirði 450 millj-
óna íslenskra króna. Þau verða veitt
á Heimsþingi hreinnar orku sem
haldið verður í janúar næst-
komandi, segir í tilkynn-
ingunni. - bj
DÓMSMÁL Jón Ásgeir Jóhannesson athafnamað-
ur krefur Björn Bjarnason, fyrrverandi dóms-
málaráðherra, um eina milljón króna í miska-
bætur vegna ranghermis í bók Björns um
Baugsmálið. Hann telur leiðréttingar Björns
ekki duga til að firra hann ábyrgð.
Jón Ásgeir hefur stefnt Birni fyrir meið-
yrði, og stóð til að taka málið fyrir í Héraðs-
dómi Reykjavíkur í gær en fyrirtökunni var
frestað þar til í janúar.
Í stefnu Jóns Ásgeirs er þess krafist
að Björn verði dæmdur til refsingar
fyrir rangfærslur í bókinni Rosa-
baugur yfir Íslandi.
Þess er einnig krafist að rang-
færslurnar verði ómerktar, og að
Björn greiði 300 þúsund króna kostnað fyrir
birtingu á dóminum. Alls krefst
Jón Ásgeir því 1,3 millj-
óna, auk kostnaðar við
stefnuna.
Jón Ásgeir telur
tvö atriði í bók Björns
meiðandi. Annars vegar
segir Björn að Jón Ásgeir
hafi verið dæmdur
fyrir fjársvik, þegar
rétt er að hann var
dæmdur fyrir
meiri hátt-
ar bókhalds-
brot. Hins
vegar er sagt að Jón Ásgeir hafi verið ákærð-
ur í ákærulið sem sneri að öðrum sakborningi.
Um leið og bent var á mistökin í bókinni
leiðrétti Björn þau opinberlega og bað Jón
Ásgeir afsökunar, auk þess sem þau hafa
verið leiðrétt í annarri prentun bókar-
innar, segir Jón Magnússon, lögmaður
Björns.
„Hér er verið að krefjast ómerking-
ar á ummælum sem þegar hafa verið
ómerkt,“ segir Jón. Björn fer fram á
það fyrir dómi að Jón Ásgeir greiði
allan kostnað við málið, auk
álags á laun verjanda Baugs þar
sem málið sé höfðað að þarf-
lausu og án tilefnis. - bj
Jón Ásgeir Jóhannesson krefst ómerkingar á leiðréttum ummælum fyrrverandi áðherra í meiðyrðamáli:
Vill 1,3 milljónir króna frá Birni Bjarnasyni
BJÖRN
BJARNASON
JÓN ÁSGEIR
JÓHANNESSON
ÓLAFUR OG LEON-
ARDO Leikarinn
heimsfrægi verður
í dómnefnd ásamt
forsetanum.
Ólafur Ragnar Grímsson formaður dómnefndar alþjóðlegra orkuverðlauna:
Í dómnefnd með Leonardo DiCaprio
EFNAHAGSMÁL Lífeyrissjóðir reyndu
að semja við ríkið um fjárfestingu
í nokkrum ríkisfyrirtækjum, til
að komast hjá skattheimtu. Ýmist
vildi ríkið ekki selja eða taldi ekki
tímabært. Sjóðirnir telja að skatt-
heimta geti þýtt lægri útgreiðslur
úr almennu lífeyrissjóðunum.
Viljayfirlýs-
ing var undir-
rituð í desember
2010 um að setja
12 mil ljarða
króna í vaxta-
niðurgreiðslu
skuldugra heim-
ila á tveimur
árum. Ákveðið
var, eftir nokkra
samninga, að
hlutur lífeyrissjóðanna væri 1,4
milljarðar hvort ár. Samkvæmt
yfirlýsingunni skuldbundu sjóðirn-
ir sig til að taka þátt í fjármögnun
verkefnisins. Arnar Sigurmunds-
son, formaður Landssamtaka líf-
eyrissjóða, segir að fjármögnun
þýði lán en ekki skattheimta.
Arnar segir að sjóðirnir hafi
reynt að ganga til viðskipta við
ríkið til að ekki kæmi til skatt-
heimtu. Með kaupum á ríkiseign-
um hefði bókhaldslegur hagnaður
geta numið umsömdum 2,8 millj-
örðum króna.
„Við höfðum mestan áhuga á að
kaupa hlutabréf, ef því hefði verið
að skipta. Svo var ekki. Því vild-
um við kaupa í Landsbankanum,
Landsvirkjun og jafnvel Lands-
neti.“
Arnar segir kaup í Landsvirkj-
un ekki hafa komið til greina og
stjórnvöld hafi ekki talið tímabært
að selja aðrar eignir sem komu til
greina.
Lífeyrissjóðirnir horfðu þá til
kaupa á Keldnalandi og Keldna-
holti, en heimild er fyrir sölunni
í fjárlögum. Frá því var fallið þar
sem Reykjavíkurborg á mikið af
lausum lóðum í Úlfarsárdal og allt
bendir til að uppbygging á Keldna-
svæðinu muni tefjast um fimm til
fimmtán ár.
Arnar segir að lífeyrissjóðirnir
hafi haft áhuga á að festa kaup á
landinu og lána Reykjavíkurborg.
Samningar hafi þó ekki tekist um
það. Þá segir hann að slæleg þátt-
taka í útboði Seðlabanka Íslands
á aflandskrónum hafi einnig haft
áhrif, en sjóðirnir hafi vonast til
að fá eitthvað úr því.
Tillaga liggur fyrir Alþingi um
skatt á lífeyrissjóðina sem nemur
umræddum 2,8 milljörðum. Arnar
segir að þetta muni mismuna sjóð-
unum. Opinberir sjóðir séu með
bakábyrgð launagreiðanda, ríkis
eða sveitarfélaga, sem muni bæta
það upp sem vantar. Slíku sé ekki
til að dreifa hjá almennu sjóðunum
og því geti komið til skerðingar á
útgreiðslum. kolbeinn@frettabladid.is
Lífeyrissjóðir fengu
ekki að fjárfesta
Lífeyrissjóðir vildu fjárfesta í ríkisfyrirtækjum og fjármagna þannig vaxtaniður-
greiðslu skuldugra heimila. Var ekki talið tímabært af stjórnvöldum. Vildu lána
Reykjavíkurborg til uppbyggingar í Keldnaholti en skipulagsmál hömluðu því.
KELDNAHOLT Meðal þess sem lífeyrissjóðirnir horfðu til varðandi fjárfestingu var land við Keldnaholt og Keldnaland. Þeir voru
reiðubúnir til að kaupa landið og lána Reykjavíkurborg. FRÉTTABLAÐIÐ/VILHELM
ARNAR
SIGURMUNDSSON
KJÖRKASSINN
Eyðir þú meiru í jólagjafir í ár
en í fyrra?
JÁ 17,2%
NEI 82,8%
SPURNING DAGSINS Í DAG:
Ætlar þú að kaupa íslenskt
jólatré?
Segðu skoðun þína á visir.is