Fréttablaðið - 15.12.2011, Blaðsíða 30
15. desember 2011 FIMMTUDAGUR30
TAKTU VÍSI
Á HVERJUM
MORGNI!
FRÉTTIR VIÐSKIPTI SPORT LÍFIÐUMRÆÐAN SJÓNVARP
VIÐSKIPTI Stjórn Eimskips hefur
ákveðið að hafinn skuli undir-
búningur að skráningu félagsins
á hlutabréfamarkað seinni hluta
næsta árs. Óskað verður eftir því
að hlutir í félaginu verði teknir til
viðskipta í Kauphöllinni, Nasdaq
OMX Iceland. Tvö ár eru nú liðin
frá því að Eimskip gekk í gegn-
um fjárhagslega og rekstrarlega
endur skipulagningu.
Boðnir verða út hlutir í félaginu
og þeim beint að bæði fagfjár-
festum og almennum fjárfestum.
Markmiðið er að tryggja góða
dreifingu á eignarhaldi í félaginu.
Tveir stærstu hluthafar félagsins í
dag eru skilanefnd Landsbankans
og fjárfestingarsjóðurinn Yucaipa
sem eiga samtals 70 prósent hluta-
fjár. Nýverið fór fram hlutafjárút-
boð í Högum sem eru fyrsta nýja
fyrirtækið til að skrá sig í Kaup-
höllina frá hruni. - mþl
Skráning seinni hluta 2012:
Eimskip brátt
skráð á markað
EFNAHAGSMÁL Stöðugleiki fjármálakerfisins
hefur aukist frá því í vor eftir því sem efna-
hagsbatinn hefur tekið við sér og endurskipu-
lagningu skulda fleygt fram. Framtíðarhorfur
eru hins vegar óvissari en alla jafna. Þetta er
mat Seðlabankans sem kynnti í gær nýjasta
eintak rits síns, Fjármálastöðugleika, sem
kemur út tvisvar á ári.
Már Guðmundsson seðla-
bankastjóri sagði það
vera mat bankans að fjár-
málakerfið stæði traustari
fótum en þegar Fjármála-
stöðugleiki var gefinn út
síðastliðið vor. Þó bætti
hann við að yrði dýpri sam-
dráttur í Evrópu en búist er
við muni það óhjákvæmi-
lega hafa neikvæð áhrif hér
á landi, þar á meðal á fjár-
málakerfið. Þannig gætu
vanskil, sem hafa farið lækkandi, aukist á ný.
Harpa Jónsdóttir, aðstoðarframkvæmda-
stjóri fjármálastöðugleikasviðs Seðlabank-
ans, kynnti sjálfa skýrsluna. Hún hóf mál sitt
á umfjöllun um ágætar horfur í innlendu efna-
hagslífi og óvissar horfur í heimsbúskapnum.
Því næst fjallaði hún um þróun fjárhagsstöðu
heimila og fyrirtækja sem er nátengd útlána-
áhættu bankanna.
Í máli Hörpu kom fram að fjárhagsstaða
heimila hefur batnað nokkuð á árinu vegna
hagvaxtar, minnkandi atvinnuleysis og aukins
kaupmáttar. Til viðbótar hafa lágir raunvextir
og endurskipulagning skulda bætt stöðuna.
Vanskilahlutföll eru enn há en hafa farið
hratt lækkandi. Vanskilahlutfall samkvæmt
breiðri skilgreiningu lækkaði þannig úr 40 pró-
sentum af lánabókum viðskiptabankanna í 25
prósent frá desember á síðasta ári til septem-
ber á þessu ári. Samkvæmt þrengri skilgrein-
ingu hefur hlutfallið lækkað úr 19 prósentum
í 16 prósent á sama tímabili. Staða fyrirtækja
hefur einnig batnað á heildina litið en er þó
talsvert breytileg eftir geirum.
Seðlabankinn áætlar að skuldir heimila og
fyrirtækja sem hlutfall af landsframleiðslu
séu nú um 314 prósent og hafi lækkað um
sem nemur rúmri einni landsframleiðslu frá
hámarki þeirra um mitt ár 2009. Þetta hlutfall
er þó enn hátt og það sama má segja um skuldir
hins opinbera sem hlutfall af landsframleiðslu.
Eiginfjárstaða fjármálafyrirtækjanna er
sterk. Þannig var eigið fé viðskiptabankanna í
hlutfalli við áhættuvegnar eignir um 24 prósent
í lok september sem telst, að sögn Seðlabank-
ans, mjög gott í alþjóðlegum samanburði. Þó er
nokkurt ójafnvægi í efnahagsreikningum bank-
anna; gjaldeyrismisvægi er töluvert og verð-
tryggingarmisvægi hefur aukist.
Loks verður að mati Seðlabankans að hafa
í huga að fjármálafyrirtæki hafa starfað í
vernduðu umhverfi frá því í nóvember 2008,
vegna gjaldeyrishafta og altækrar innistæðu-
tryggingar. Þannig þurfa bankarnir, þrátt fyrir
sterka lausafjárstöðu, að afla lánsfjár á erlend-
um markaði og lengja í innlendri fjármögnun
til lengri tíma litið. magnusl@frettabladid.is
Fjármálastöðugleiki aukist
Seðlabanki Íslands telur stöðugleika fjármálakerfisins hafa aukist á þessu ári samfara sterkari efnahags-
bata og endurskipulagningu skulda heimila og fyrirtækja. Skuldir í hagkerfinu eru þó enn talsvert miklar.
EIMSKIP Skilanefnd Landsbankans og
fjárfestingarsjóðurinn Yucaipa eiga sam-
tals 70 prósenta hlut í Eimskipi.
FRÉTTABLAÐIÐ/VILHELM
Meniga í Landsbankann
Meniga heimilisbókhald er nú orðið
aðgengilegt í netbanka Landsbankans.
Meniga auðveldar notendum að hafa
yfirsýn yfir fjármál heimilisins og hjálp-
ar þeim við að spara peninga. Meniga
er þegar aðgengilegt í netbönkum
Íslandsbanka og Arion banka.
VIÐSKIPTI
FJÁRMÁLAKERFIÐ Niðursveifla á evrusvæðinu gæti
haft nokkur óbein áhrif á fjármálakerfið. Þannig gætu
vanskil í bankakerfinu aukist vegna fækkunar ferða-
manna til Íslands, minni fjárfestingar og aukins titrings
á mörkuðum.
Seðlabankastjóri vék í máli sínu á blaðamanna-
fundinum í gær stuttlega að þeirri umræðu sem
farið hefur fram um svigrúm bankanna til afskrifta
á skuldum heimilanna. Már sagði umræðuna á
stundum hafa verið óábyrga og til þess fallna að
draga úr trausti á íslensku banka- og stjórnkerfi.
Már sagði hættuna helst vera tvenns konar: „Í fyrsta
lagi veldur lítið traust því að aðgerðir bankanna við
endurskipulagningu skulda eru tortryggðar með
réttu eða röngu. Í öðru lagi getur umræða af þessu
tagi grafið undan vilja fjárfesta til að eiga hlut í
íslenskum bönkum eða lána þeim fé þar sem þeir
telji, með réttu eða röngu, að leikreglur séu ekki
eðlilegar eða kunni að vera breytt að geðþótta.“
Már lagði áherslu á að mikilvægt væri fyrir efna-
hagsbatann, skuldara og ekki síður framtíðarstöðu
fjármálastofnananna sjálfra að skuldir væru endur-
skipulagðar með eðlilegum hætti. Hins vegar væri
óheppilegt þegar rými bankanna til afskrifta væri
tengt við tilflutning eignasafns gömlu bankanna til
þeirra nýju. „Tilflutningur eignasafnanna var niður-
staða samninga sem fólu í sér að nýju bankarnir
keyptu eignirnar á verulegum afslætti gegn því að
kröfuhafar gömlu bankanna fengju óbeinan hlut
í hugsanlegri virðisaukningu,“ sagði Már og bætti
við: „Það hefði aldrei náðst samkomulag um að
flytja eignasöfnin yfir í nýju bankanna á þessu verði
nema vegna þess að kröfuhafar máttu eiga von á
hlutdeild í mögulegri virðisaukningu. Það er ekki
hægt að líta þannig á að munurinn á því verði sem
eignasöfnin voru færð yfir í bankana á og því verði
sem þau virðast hafa núna, sé bara til frjálsrar ráð-
stöfunar því það myndi ganga gegn öllum reglum
réttarríkisins.“
Óábyrg umræða um afskriftir skulda
MÁR
GUÐMUNDSSON