Fréttablaðið - 15.12.2011, Side 8

15. desember 2011 FIMMTUDAGUR8
Virðing
Réttlæti
VR | KRINGLUNNI 7 | 103 REYKJAVÍK
S. 510 1700 | F. 510 1717 | WWW.VR.IS
Minnum á
desember-
uppbótina
Desemberuppbót á að greiða
ekki seinna en 15. desember.
Ögurhvarfi 2, 203 Kópavogi
S: 577 6000 | www.garmin.is
24 helstu vellir á Íslandi ásamt
7.100 evrópskum völlum
Einfaldur og handhægur snertiskjár
Getur stillt holustaðsetningar
Heldur utan um tölfræði kylfings,
hittar flatir, brautir og pútt
Aðeins tæki keypt á Íslandi eru með
íslenskum völlum
APPROACH ® GOLF GPS
Draumajólagjöf golfarans
INNIHELDUR
KORT 24 HELSTU
GOLFVALLA
ÍSLANDS

LISTINN ER Á
GARMIN.IS
1. Hvaða bók er nú í efsta sæti
sölulista bókaútgefenda?
2. Hvað hefur gæsluvarðhaldsúr-
skurðum fjölgað um mörg prósent?
3. Hvar vinna vísindamenn við
sterkeindahraðal CERN?
SVÖR:
1. Brakið 2. 60 prósent 3. Á landamærum
Sviss og Frakklands
DANMÖRK Rúmlega þrjú prósent
Dana svíkja bætur úr velferðar-
kerfinu á hverju ári, samkvæmt
nýrri rannsókn sem fyrirtækið
KMD Analyse gerði.
Niðurstöður rannsóknarinn-
ar gefa til kynna að á bilinu sjö
til tólf milljarðar danskra króna
séu sviknir út úr kerfinu á hverju
ári, eða um 150 til 256 milljarðar
íslenskra króna. Fyrirtækið tók
viðtöl við Dani og viðurkenndu 3,2
prósent þeirra að taka við bótum
sem þeir þurfa ekki á að halda.
Dæmi um bótasvik eru að fólk
tekur við bótum en segir ekki frá
raunverulegum tekjum sínum, eða
fær atvinnuleysisbætur án þess
að leita að starfi eða hafa neitað
vinnu.
Í fyrra voru 350 milljónir
danskra króna endurheimtar
eftir að upp komst um bótasvik,
en KMD segir að það séu líklega
aðeins um fjögur til sjö prósent af
raunverulegum svikum. Sveitar-
félög treysta að mestu leyti á
nafnlausar ábendingar til að koma
upp um svikin. Fyrirtækið mælir
með því að með betri eftirfylgni
og samstarfi milli mismunandi
stjórnsýslustiga væri hægt að gera
mun betur. Þá bendir fyrirtækið
einnig á að einfalda þurfi skilyrði
fyrir því að fá bætur. - þeb
Ný rannsókn á bótasvikum í Danmörku bendir til að 3% Dana svíki út bætur:
Svik nema hundruðum milljarða
ÞÝSKALAND Forsvarsmaður jóla-
markaðar í Berlín hefur heitið
þeim eitt þúsund evrum sem geta
veitt upplýsingar um mann í jóla-
sveinabúningi sem boðið hefur
gestum jólamarkaða eitraðan
snafs.
Sjö konur og þrír karlar hafa
orðið veik af drykknum og nokk-
ur þeirra þurftu á meðferð á
sjúkrahúsi að halda.
Lögreglan í Berlín kannaði í
fyrradag enn eitt tilfelli, sem
grunur leikur á að tengist hinum.
Enn er ekki ljóst hvað var í snöfs-
unum sem olli veikindunum.
Sá sem bauð vegfarendum
drykkina var í fyrstu sjö skiptin
ekki klæddur sem jólasveinn, að
því er þýskir fjölmiðlar greina
frá. - ibs
Veik eftir ferð á jólamarkað:
Jólasveinn býð-
ur eiturdrykki
DÓMSMÁL Karlmaður hefur verið
dæmdur til að greiða 75 þúsund
krónur í sekt til ríkissjóðs fyrir að
brjóta nálgunarbann gegn fyrrver-
andi eiginkonu sinni og núverandi
sambýlismanni hennar.
Maðurinn viðurkenndi fyrir
dómi að hafa nálgast parið við
sundlaug í Hafnarfirði. Jafnframt
að hafa farið að heimili þeirra
þrátt fyrir að hafa vitað að nálgun-
arbann væri í gildi. Maðurinn var
líka sakaður um að hafa ónáðað
fólkið með tugum símtala, sms-
skilaboðum og tölvupóstum. - jss
Ónáðaði fyrrum eiginkonu:
Braut nálgunar-
bann gegn konu
KAUPMANNAHÖFN Fyrirtækið segir að
líklega komist aðeins upp um fjögur til
sjö prósent af bótasvikum á hverju ári.
NORDICPHOTOS/AFP
SAMGÖNGUR Ríkið mun verja 296
milljörðum króna til nýrrar sam-
gönguáætlunar fyrir árin 2011
til 2022, samkvæmt tillögum
Ögmundar Jónassonar innanríkis-
ráðherra.
Annars vegar er um að ræða
tólf ára samgönguáætlun, þar
sem stærstum hluta fjármagnsins
verður varið til vegamála, eða 240
milljörðum króna, og hins vegar
fjögurra ára verkefnisáætlun með
fjárhagsramma.
Fjölmörg verkefni eru í áætlun
innanríkisráðherra. Þar á meðal
eru nýjar brýr yfir Ölfusá og
Hornafjarðarfljót, breikkun vegar
milli Selfoss og Hveragerðis,
breikkun Vesturlandsvegar og
lagning bundins slitlags víðsvegar
um landið.
Meðal helstu áherslna í
áætlana gerðinni voru efling
almenningssamgangna, að koma
í veg fyrir banaslys í umferðinni,
loftslagsmál, samgöngukostnað-
ur heimilanna og jákvæð byggða-
þróun.
Í tilkynningu frá ráðuneytinu
segir að sérstök áhersla sé lögð á
verkefni á landsvæðum þar sem í
dag eru lakastar samgöngur.
Verkefnaáætlunin skiptist í sjö
kafla; flugmálaáætlun, siglinga-
málaáætlun, vegáætlun, áætlun
Umferðarstofu, umferðaröryggis-
áætlun, almenn samgönguverk-
efni og framkvæmd verka á tíma-
bilinu.
Þá verður á árunum 2011 til
2022 unnið að rannsóknar-, úttekt-
ar- og stefnumótunarverkefnum
sem falla undir meginmarkmið
samgönguáætlunar.
sunna@frettabladid.is
300 milljarðar fara í
bættar samgöngur
Ríkið mun verja þrjú hundruð milljörðum króna í samgöngubætur á næstu tólf
árum samkvæmt nýrri samgönguáætlun innanríkisráðherra. Nýjar brýr yfir
Ölfusá og Hornafjarðarfljót eru meðal verkefna. Almenningssamgöngur efldar.
Meðal verkefna sem lokið verður á gildistíma tólf ára samgönguáætlunar og
kosta hvert yfir einn milljarð króna eru:
■ Ný brú yfir Hornafjarðarfljót ásamt vegagerð
■ Ný brú yfir Ölfusá norðan Selfoss
■ Breikkun vegar milli Selfoss og Hveragerðis og um Hellisheiði
■ Breikkun Vesturlandsvegar
■ Vegarkafli á sunnanverðum Vestfjörðum
■ Verkefni á Suðvesturlandi sem tengjast bættu umferðarflæði
■ Átak í lagningu bundins slitlags á tengivegi um land allt fyrir tæpa 6
milljarða króna
■ Nýr vegur um Dynjandisheiði, Suðurfjarðarveg og Axarveg
Gert er ráð fyrir að lokið verði við gerð Norðfjarðarganga árið 2018, Dýra-
fjarðargöng árið 2022 og Hjallahálsgöng einnig 2022 verði láglendisleið ekki
fyrir valinu.
Helstu verkefni í tólf ára áætlun
VEGUR LAGÐUR Langstærstum hluta fjármagnsins í tólf ára samgönguáætlun
innanríkisráðherra verður varið til vegamála, eða 240 milljörðum króna af tæpum
300 milljörðum. FRÉTTABLAÐIÐ/GVA
VÍSINDI Stjörnufræðingar hafa gert merkilega upp-
götvun þar sem risastjörnukíkir evrópsku Geimvís-
indastofnunarinnar (ESO) hefur varpað ljósi á stórt
gasský sem er nokkru massameira en jörðin, og
nálgast óðfluga risasvartholið í miðju Vetrarbrautar-
innar.
Á vef ESO segir að þetta sé í fyrsta sinn sem
„dauðadæmt“ gasský nálgast svarthol að jarðarbú-
um sjáandi, en þýskir vísindamenn hafa notað sjón-
auka ESO til að fylgjast með svartholinu í 20 ár.
Skýið sem um ræðir fer nú á átta milljón kíló-
metra hraða á klukkustund í átt að svartholinu og
eykur stöðugt hraðann. Skýið verður komið fast upp
að svartholinu árið 2013, en þegar er þyngdarafl
svartholsins farið að tæta í brúnir skýsins og er talið
að það muni leysast algerlega upp á næstu árum.
„Margir kannast við hugmyndina um geimfara
sem verður að spaghettíi er hann nálgast svarthol,“
segir Stefan Gillessen, aðalhöfundur fræðigreinar
um þessa atburðarás, á vef ESO.
„Í dag sjáum við það gerast í raunveruleikanum.
Þetta nýfundna ský mun ekki komast heilu og höldnu
í gegnum þessa raun.“ - þj
Einstakur atburður að eiga sér stað við miðju Vetrarbrautarinnar:
Dauðadæmt ský nálgast svarthol
ENGIN UNDANKOMULEIÐ Þessi tölvumynd sýnir afleiðingar
þess að gasskýið leysist upp í návígi við svartholið. Rauða
línan sýnir braut skýsins. MYND/ESO
VEISTU SVARIÐ?