Fréttablaðið - 15.12.2011, Side 74

15. desember 2011 FIMMTUDAGUR58
tonlist@frettabladid.is
TÓNNINN GEFINN
Trausti Júlíusson
Það hafa lengi verið til öðruvísi jólalög, til hliðar við þessi hefðbundnu
sem hljóma allan daginn í útvarpinu. Margar hljómsveitir sem ekki
eru þekktar fyrir jólalega tónlist hafa gert jólalög. Upp í hugann koma
til dæmis Santa Dog með The Residents, (We Wish You) A Protein
Christmas með The Fall, Christ-
mas in Hollis með Run DMC, og
auðvitað Jólafeitabolla með Morð-
ingjunum.
Sumir ganga lengra og gera
heilu jólaplöturnar. Sufjan
Stevens sendi fyrir nokkrum
árum frá sér pakka með jóla-
plötum sem ekki væri vitlaust að
taka fram og Stafrænn Hákon gaf
í fyrra út hina stórskemmtilegu
Glussajól. Og svo kemur eitthvað
nýtt á hverju ári. Ég get mælt
með tveimur öðruvísi jólaplötum
sem eru nýkomnar út. Annars
vegar er það A Very She and Him
Christmas með indídúóinu She
and Him og hins vegar EP-platan Atheist Xmas með Gruff Rhys.
Þessar tvær plötur eru mjög ólíkar. She and Him syngja ofurljúfar
útgáfur af sígildum jólalögum, þ.á.m. Little Saint Nick og Christmas
Day eftir Beach Boys og I‘ll Be Home For Christmas og Blue Christ-
mas sem Elvis Presley söng meðal annarra. Þetta er bæði ljúft og svalt
popp með ósvikinni jólastemningu.
Hinn velski Gruff Rhys fer hins vegar töluvert lengra frá jólalaga-
hefðinni, eins og hans var von og vísa. Eins og nafnið gefur til kynna
er Atheist Xmas jólaplata fyrir þá trúlausu, enda alls ekki allir sem
tengja hátíð ljóss og friðar við trúarbrögð. Nöfn laganna gefa hugmynd
um innihald textanna: Post-Apocalypse Christmas, Slashed Wrists
This Christmas … Þetta er frábær plata hjá Gruff. Þrátt fyrir óvenju-
lega texta þá er jólakrydd í útsetningunum og lagasmíðarnar fínar.
Tvær öðruvísi jólaplötur
SÆTT OG SVALT A Very She and Him
Christmas er indíjólaplatan í ár.
Florence and the Machine
hefur gefið út plötu árs-
ins að mati tímaritsins Q.
Ceremonials fór beint á
toppinn í Bretlandi.
Hljómsveitin Florence and the
Machine á plötu ársins að mati sér-
fræðinga breska tónlistartímarits-
ins Q. Hún nefnist Ceremonials og
kom út í lok október.
Platan fór beint á topp breska
breiðskífulistans og fetaði þar
með í fótspor forvera síns Lungs
sem einnig náði toppsætinu þegar
hún kom út árið 2009. Ceremoni-
als náði jafnframt sjötta sætinu á
Billboard-listanum í Bandaríkjun-
um, sem sýnir svart á hvítu vin-
sældir hljómsveitarinnar beggja
vegna Atlantshafsins um þessar
mundir.
Florence and the Machine er
hugarfóstur hinnar 24 ára Flo-
rence Welch. Hún ólst upp í
Camber well-hverfinu í suður-
hluta London, elst þriggja systk-
ina. Fljótt var ljóst hvert stefndi
með hana því ung að aldri söng
hún hátt og snjallt með lögum
Ninu Simone og Dusty Springfield
á heimili sínu.
Til að virkja sköpunargáfu sína
enn frekar fór Welch í listnám en
hætti í skólanum til að einbeita sér
að tónlistinni. Hún var uppgötvuð
þegar hún var að syngja Motown-
slagara drukkin inni á salerni á
næturklúbbi. Florence and the
Machine vann Brit-gagnrýnenda-
verðlaunin 2009 sem efnilegasti
nýliðinn í Bretlandi og hefur sveit-
inni heldur betur vaxið ásmegin
síðan þá. Frumburðurinn Lungs
fékk flottar móttökur og sér í lagi
smáskífulagið vinsæla Dog Days
Are Over. Tónlist sveitarinnar er
einhvers konar blanda af sálar-
og indítónlist með sérlega góðri
rödd Welch, eins og gestir Iceland
Airwaves-hátíðarinnar fengu að
kynnast á tónleikum sveitarinnar
í Hafnarhúsinu 2008. Sviðsfram-
koma Welch er einnig sérstaklega
lífleg.
Gagnrýnendur segja Ceremoni-
als hafa yfir að ráða stærri og fjöl-
breyttari hljómi en Lungs og eins
og svo oft áður er Welch líkt við
aðra breska söngkonu, Kate Bush.
Sjálf segir Welch plötuna hafa að
geyma kammersálartónlist, eða
blöndu af sálartónlist og kammer-
poppi. freyr@frettabladid.is
Kammertónlist með sál
BESTA PLATAN Florence Welch og hljómsveit hennar eiga plötu ársins að mati tímaritsins Q. NORDICPHOTOS/GETTY
Madonna hefur undirritað samning um að gefa
út þrjár plötur hjá Interscope Records, undir-
fyrirtæki Universal Music Group. Talið er að
hún fái eina milljón dollara í sinn hlut fyrir
hverja plötu, eða um 120 milljónir króna.
Samningur söngkonunnar við Warner Music
Group var runninn út en þar hafði hún verið
frá því hún hóf feril sinn árið 1982. Ný plata frá
Madonnu er væntanleg snemma á næsta ári.
Hún hefur að undanförnu verið í hljóðveri með
plötusnúðnum Martin Solveig og upptökustjór-
anum William Orbit og eru tólf ný lög á teikni-
borðinu.
Eftir að platan kemur út fer Madonna að sjálf-
sögðu í risavaxna tónleikaferð eins og hennar
er von og vísa. Fyrirtækið Live Nation Enterta-
inment annast skipulagningu hennar eins og
undanfarin ár.
Milljónasamningur Madonnu
NÝR SAMNINGUR Madonna hefur samið við
Interscope Records.
> PLATA VIKUNNAR
Helgi Hrafn Jónsson - Big Spring
★★★★★
„Gríðarlega heillandi plata frá
Helga Hrafni, sem verður bara
betri og betri.“ - kg
> Í SPILARANUM
Óskar Axel - Maður í mótun
Brother Grass - Brother Grass
St. Vincent - Strange Mercy
Haukur Morthens - Hátíð í bæ
Jónsi - We Bought a Zoo
Þátttakendur í Lagalistanum: Bylgjan, FM957, Xið 977, Rás 2, Kaninn, tonlist.is. Verslanir í Tónlistanum: Skífan, Hagkaup, Penninn/Eymunds-
son, 12 tónar, Harpa, Smekkleysa plötubúð, Elkó, tonlist.is
Listarnir eru teknir saman fyrir Félag hljómplötuframleiðenda. Listarnir eru birtir í heild sinni á Vísir.is.
Stendur í stað síðan í síðustu viku Fellur um sæti síðan í síðustu viku Hækkar á lista síðan í síðustu viku Nýtt á lista
Skýringar:
TÓNLISTINN
Vikuna 8. - 14. desember 2011
LAGALISTINN
Vikuna 8. - 14. desember 2011
Sæti Flytjandi Lag
1 Mugison ............................................................. Kletturinn
2 Gotye / Kimbra ................Somebody I Used To Know
3 Of Monsters And Men .................King and Lionheart
4 Dikta ....................................What Are You Waiting For?
5 Coldplay ................................................................Paradise
6 Hjálmar ..................................................Ég teikna stjörnu
7 Stefán Hilmars./Eyjólfur Kristjáns. .... Þín innsta þrá
8 Amy Winehouse ............................ Our Day Will Come
9 Florence & The Machine ........................... Shake It Out
10 Adele ...........................................................Rumour Has It
Sæti Flytjandi Plata
1 Mugison ....................................................................Haglél
2 Páll Óskar & Sinfó .............................Páll Óskar & Sinfó
3 KK & Ellen .....................................................................Jólin
4 Stebbi og Eyfi ........................Fleiri notalegar ábreiður
5 Of Monsters And Men ...........My Head Is An Animal
6 Helgi Björnsson ........ Íslenskar dægurperlur í Hörpu
7 Frostrósir ................................................. Frostrósir fagna
8 Cortes feðgar ............................................................Ísland
9 Papar og gestir ................................................... Jameson
10 Ingimar Eydal ................................................Allt fyrir alla