Fréttablaðið - 21.12.2011, Page 26
21. desember 2011 MIÐVIKUDAGUR26
MYNDASYRPA: Jólasýning grunnskóladeildar Listdansskóla Íslands í Gamla bíói
Aðventudraumur Listdansskólans
Listdansarar framtíðarinnar, nemendur í grunnskóladeild Listdansskóla Íslands, sýndu sýninguna Draumur á aðventu í síðustu
viku. Í sýningunni vekur snjókarl lítinn dreng upp af værum svefni og tekur hann með sér í ævintýraferð um loftin blá, innan
um tunglsljósið, norðurljós og ský. Kennarar við grunnskóladeild Listdansskólans sömdu dansana sem nemendurnir sýndu.
Valgarður Gíslason, ljósmyndari Fréttablaðsins, fangaði stemmninguna í Gamla bíói.
FURÐUVERUR Strákurinn og snjókarlinn mæta ýmsum verum á ferð sinni. Til dæmis hittu þeir fyrir þessar
furðuverur í þokunni á leið sinni aftur heim. Nemendur af sjötta stigi túlkuðu furðuverurnar.
JÓLAÁLFARNIR Jólaálfarnir á öðru stigi fylgdu jólasveininum sem strákurinn og snjókarlinn hittu fyrir í
sögunni.
JÓLATRÉ OG PAKKAR Eins og í öllum jólasögum komu jólatré og jólapakkar við sögu í aðventudraumi
stráksins. Trén eru nemendur á fimmta stigi.
FROSTRÓSIR Snjókarlinn lyftir stráknum upp til himins og frostrósirnar, nemendur á þriðja stigi, dansa með.
SNJÓKARLINN OG ENGLARNIR Englarnir sem svæfðu aðalsöguhetjuna eru í raun dansarar á fyrsta stigi List-
dansskólans.