Fréttablaðið - 21.12.2011, Síða 68

21. desember 2011 MIÐVIKUDAGUR56
HVAÐ? HVENÆR? HVAR?
Miðvikudagur 21. desember
➜ Tónleikar
20.00 Jólatónleikar Tríósins Ljóms
verða haldnir í Laugarneskirkju. Dag-
skráin verður í alþjóðlegum jólaanda.
Frjáls framlög við innganginn.
20.30 Bubbi Morthens heldur
snemmbúna Þorláksmessutónleika í
Hofi á Akureyri. Miðaverð er kr. 3.900.
21.00 Mozart við kertaljós, tónleikar
Kammerhópsins Camerarctica varða
haldnir í Garðakirkju. Aðgangseyrir er kr.
2.500 og 1.500 fyrir nemendur og eldri
borgara. Frítt fyrir börn.
21.00 Frostrósirnar eru á ferðalagi um
landið og verða með tónleika í Tálkna-
fjarðarkirkju í kvöld. Miðaverð er kr.
4.990.
21.00 Ólöf Arnalds og Skúli Sverrisson
koma fram á einstökum Vetrarsólstöðu-
tónleikum á Café Flóru í Grasagarðinum
Laugardal. Miðaverð er kr. 2.500.
23.00 Lúðraþytsbandið Orphic Oxtra
heldur útgáfutónleika til að fagna útgáfu
breiðskífu sinnar, Kebab Diskó, í hliðar-
sal Faktorý. Aðgangur er ókeypis.
➜ Leiklist
20.00 Fjórða sýning leikhópsins
Svavars á Norðurpólnum á verkinu
Svavar. Flutt verður gamansamt leikrit
og stuttmyndin Svavar verður sýnd auk
þess sem þrír dramatískir einleikir verða
fluttir í lokin. Miðaverð er kr. 1.000.
➜ Uppákomur
11.00 Gluggagægir mætir í Þjóðminja-
safn Íslands og sprellar með börnunum.
Allir velkomnir og aðgangur ókeypis
20.00 Lay Low tekur þátt í dagskrá
Kexmas 2011 og leikur lög af nýrri plötu
sinni, Brostinn strengur, á Kex hostel.
Aðgangur er ókeypis.
➜ Tónlist
20.00 Rokkbandið Hellvar kemur
fram á tónleikaröðinni Live in the Lobby
á Reykjavík Downtown Hostel, Vestur-
götu 17. Aðgangur ókeypis.
22.00 Lifandi tónlist á Café Oliver,
Laugavegi. Ókeypis aðgangur.
Upplýsingar um viðburði sendist á
hvar@frettabladid.is.
Bíó ★★★
The Girl With the Dragon
Tattoo
Leikstjóri: David Fincher
Leikarar: Daniel Craig, Rooney
Mara, Christopher Plummer, Stellan
Skarsgård, Steven Berkoff, Robin
Wright, Yorick van Wageningen
Eftir mikla sigurför spennubóka
sænska blaðamannsins Stieg Lars-
son og vinsælan kvikmyndaþríleik
byggðan á bókunum vildu banda-
rískir bíóframleiðendur að sjálf-
sögðu fá bita af kökunni. Karlar
sem hata konur eru nú orðnir að
Stúlkunni með drekaflúrið. Það
er gamla kempan David Fincher
(Se7en, The Social Network) sem
sér um ameríska uppfærslu verks-
ins og að eigin sögn tekur hann
bæði mið af bókinni og sænsku
myndinni.
Það vakti strax athygli mína að
Fincher er óhræddur við að halda
sögusviðinu óbreyttu. Einfalt og
hentugt hefði verið að laga atburða-
rásina að amerískum aðstæðum.
Mögulega hefði það tekist full-
komlega, en líklegra er að eitthvað
óáþreifanlegt hefði glatast. Sagan
er ofboðslega skandinavísk og stað-
setningin er órjúfanlegur hluti af
henni. Þetta leysir Fincher með því
að láta myndina gerast í Svíþjóð, en
um leið leyfir hann leikurum að tjá
sig á ensku (með misgóðum sænsk-
um hreim). Fyrir mig gengur þetta
ágætlega upp, en það er spurning
hvað Svíum þykir um þetta upp-
átæki.
Sagan sjálf er hægfara en spenn-
andi krimmi, ekki ósvipaður verk-
um Arnaldar Indriðasonar. Kuld-
inn og snjórinn spila stórt hlutverk
sem og hversu afskekkt litla eyjan
er sem sagan gerist á. Persónurn-
ar Mikael Blomkvist og Lisbeth
Salander eru ólíkar á yfirborðinu
en innra með þeim báðum kraumar
sterk réttlætiskennd, sem Mikael
hefur að vísu ögn betri stjórn á en
Lisbeth. Daniel Craig stendur sig
ágætlega sem Blomkvist en það er
hin unga Rooney Mara sem dreg-
ur að sér mesta athygli hér. Hún er
frábær í hlutverki Salander og er
í senn aðlaðandi og fráhrindandi.
Mann langar að faðma hana en hún
myndi eflaust launa faðmlagið með
pungsparki.
Titlasenan í upphafi myndar-
innar er óþarflega vegleg og
passar illa við efni myndarinnar.
Fincher er svolítið fastur í töffara-
skap tíunda áratugarins og í þetta
sinn hefði hann betur sleppt öllum
látalátum. Lokasenur myndar-
innar eru einnig undarlegar, en
þegar um stundarfjórðungur er
eftir af myndinni breytist hún úr
drungalegum spennutrylli í bros-
lega svikaflækju að hætti Elmore
Leonard. The Girl with the Dragon
Tattoo er engu að síður þrælspenn-
andi og vel gerð að mestu. Ég
hlakka til að sjá næstu tvær.
Haukur Viðar Alfreðsson
Niðurstaða: Skandinavíski krimminn
fer Fincher nokkuð vel. Hann stenst
prófið með ágætum.
Larsson að hætti Hollywood
„Við finnum fyrir miklum áhuga á
þessu,“ segir Leifur Þór Þorvalds-
son, meðlimur ritstjórnar nýs
vefrits, Reykvélarinnar, sem hóf
göngu sína á dögunum, en það er
helgað umræðu um íslenska sviðs-
list.
Ritstjórnin samanstendur af
útskrifuðum nemum úr leiklistar-
fræði og -framkvæmd við Lista-
háskóla Íslands sem vildu leggja
sitt af mörkum til fag legrar og
frjálsar umræðu um allt sem
tengist sviðslistum á Íslandi.
„Það hefur orðið mikil nýliðun í
leiklistar geiranum á Íslandi und-
anfarið, en okkur fannst eins og
umræðan hefði ekki alveg fylgt
þeirri þróun. Okkur fannst svona
vefrit vera tilvalinn vettvangur
til að koma af stað umræðu sem á
erindi og tengist því sem við velt-
um fyrir okkur um sviðslistir.“
Síðan hefur farið vel af stað og
að sögn Leifs fær hún síaukinn
fjölda heimsókna á dag. Öllum er
frjálst að senda inn greinar og bréf
til ritstjórnar sem sér um að birta
efni á vefnum, og hugleiðingar
frá leikstjórum og aðstandendum
sýninga verður einnig aðgengilegt.
Þannig vonast aðstandendur Reyk-
vélarinnar til að tengja umræðuna
sem mest út í þjóðfélagið. „Stefn-
an okkar er að auka fjölbreytileik-
ann í íslensku leikhúslífi. Þennan
umræðu vettvang um almennar
pælingar og bollaleggingar hefur
vantað.“
Leifur segir að oft langi fólk að
spjalla um og velta fyrir sér verki
sem það hefur séð, í stað þess að
reynslunni ljúki um leið og sýn-
ingin er búin. „Það er nefnilega
þannig með leiklistina að um leið
og sýningum lýkur eru þær búnar
bara að eilífu, öfugt við kvikmynd-
ir sem eru alltaf til. Þá er einmitt
gott fyrir leiklistarsöguna í fram-
tíðinni að hafa eitthvað skrásett.
Það eru svona ýmsar hliðar á þessu
sem síðunni er ætlað að tækla.“ - bb
Nýtt vefrit um sviðs-
listir hefur göngu sína
SÁTTUR Leifur Þór Þorvaldsson er ánægður með viðtökurnar sem vefritið hefur
fengið á fyrstu dögunum. FRÉTTABLAÐIÐ/GVA