Fréttablaðið - 21.12.2011, Page 74

21. desember 2011 MIÐVIKUDAGUR62
Tónlist ★★★★
Solaris
Ben Frost og Daníel Bjarnason
Vel lukkað samstarf
Verkið Solaris var frumflutt af Krakársinfóníettunni með þátttöku höfund-
anna Bens Frost og Daníels Bjarnasonar í október árið 2010, en sömu aðilar
fluttu verkið í New York í apríl og á Listahátíð í Reykjavík í vor. Við tónlistina
gerðu Brian Eno og Nick Robertson kvikmyndaverk, byggt á mynd Andrei
Tarkovsky frá árinu 1972. Verkið var upphaflega pantað af Unsound-tón-
listarhátíðinni í Kraká í tilefni af því að fimmtíu ár voru liðin frá útgáfu skáld-
sögunnar Solaris, eftir Stanislaw Lem.
Tónlistin á disknum Solaris sem nú
er komin út, er byggð á upptökum
af flutningi verksins, en þeir Ben og
Daníel unnu verkið töluvert áfram, m.a.
með tölvuhljóðvinnslu.
Kvikmynd Tarkovskys er mikið
meistaraverk sem einkennist af
magnaðri stemningu og mjög hægri
framvindu sögunnar. Á svipaðan hátt
einkennist tónlistin á Solaris-plötunni
af magnaðri stemningu sem næst fram
með tónsmíðum sem virka tilviljana-
kenndar og ómarkvissar, en hafa
samt, eins og mynd Tarkovskys, vel ígrundaða uppbyggingu. Þetta er ekki
melódísk tónlist, heldur skapa þeir félagar sterkt andrúmsloft með hljóðum
og hljóðeffektum. Verkið er á köflum lágstemmt og minímalískt, en svo eru
líka dramatískir kaflar með stigmögnun og háværari kaflar inn á milli. Það
má segja að tónlist þessara tveggja listamanna blandist vel hér, dramatísku
strengjakaflarnir tilheyra t.d. Daníel, en raftónlistarhljóðmyndirnar eru meira
í anda Bens.
Á heildina litið er þetta sérstakt og áhrifaríkt verk, sem allt áhugafólk um
framsækna tónlist ætti að gefa gaum. Trausti Júlíusson
Niðurstaða: Ben Frost og Daníel Bjarnason rugla saman reytum í áhrifaríku verki.
Kvikmynd Angelinu Jolie, In the
Land of Blood and Honey, er til-
nefnd til Golden Globe-verð-
launanna sem besta erlenda
myndin. Þetta er fyrsta myndin
sem Jolie leikstýrir og hún við-
urkennir að hafa alls ekki átt von
á þessu.
„Ég var búin að gleyma þess-
um degi og var bara að sinna for-
eldrahlutverkinu,“ segir Jolie en
hún var á leiðinni til tannlækn-
is með börnin sín. „Ég kveikti
bara á símanum mínum og sá
tölvupóst. Að gera kvikmynd
sem þér þykir vænt um er eitt
og að fá henni dreift er annað.
Þetta er hins vegar framar öllum
mínum vonum,“ hefur Hollywood
Reporter eftir Jolie.
Var hjá tannlækni
Hollywood-stjörnur og önnur frægðarmenni hafa ekki
verið þekkt fyrir að tjalda til einnar nætur í einkalífinu
heldur komast fréttir af skilnaði og sambandsslitum þeirra
oft og iðulega á forsíður blaðanna. Árið 2011 var engin
undantekning og Fréttablaðið rifjaði upp helstu ástar-
sorgirnar í heimi hinna ríku og frægu.
KULNUÐ ÁST HJÁ
FRÆGA FÓLKINU
KOBE OG VANESSA
BRYANT
Körfuboltahetjan Kobe Bryant hefur
oft og ítrekað lent í vandræðum heima
fyrir vegna kvensemi sinnar. Kona kærði
hann fyrir nauðgun á hótelherbergi árið
2005 en féll frá málinu eftir að hafa
neitað að bera vitni. Stjörnuleikmaður
L.A. Lakers viðurkenndi hins vegar
að hafa sængað hjá henni og keypti
risastóran demantshring handa frúnni
til að bæta upp fyrir misgjörðir sínar. Frú
Vanessa fékk hins vegar nóg af framhjá-
haldi kappans eftir að hafa komið að
honum í bólinu með annarri konu.
NORDICPHOTOS/GETTY
DEMI MOORE OG
ASHTON KUTCHER
Án nokkurs vafa eitt umtalaðasta par
Hollywood, allt frá því Moore skildi
við Bruce Willis og tók saman við
hinn (barnunga) Ashton Kutcher hafa
hjónakornin verið undir stanslausri
smásjá bandarískra fjölmiðla. Sextán
ára aldursmunur var nóg fallbyssufóður.
Hins vegar reyndist Kutcher ekki einnar
konu maður og fregnir af stanslausu
framhjáhaldi leikarans urðu til þess að
rústa hjónabandinu sem þá hafði staðið
í sex ár. Seinna fóru á kreik sögur þess
efnis að Moore væri sjálf frekar frjáls-
lynd í sambandsmálum og væri jafnt
fyrir konur og karla.
KIM KARDASHIAN OG
KRIS HUMPHRIES
Skrítnasta par ársins er án nokkurs vafa
raunveruleikastjarnan Kim Kardashian
og Kris Humphries. Þau trúlofuðu sig
eftir aðeins sex mánaða langt sam-
band, giftingin var eins og klippt út
úr Hollywood-mynd og allt var þetta
borgað af sjónvarpsstöðvum og öðrum
kostendum. En allt kom fyrir ekki,
skilnaður virtist óumflýjanlegur og eftir
aðeins tvo mánuði í heilögu hjónabandi
var ævintýrið úti.
ALEXANDER
SKARSGÅRD OG
KATE BOSWORTH
Margar konur öskruðu upphátt þegar
fregnir bárust af því að True Blood-
stjarnan Alexander Skarsgård og Kate
Bosworth væru hætt saman eftir tveggja
ára samband. Skarsgård er sonur
sænska stórleikarans Stellan Skarsgård
og hefur unnið sig upp á stjörnu-
himininn með sjónvarpsseríunni um
vampírurnar, en skötuhjúin kynntust
við gerð kvikmydnarinnar Straw Dogs.
Bosworth var hins vegar spáð glæstum
frama þegar hún landaði hlutverki Lois
Lane í Superman Returns en það hefur
hins vega lítið farið fyrir þeim spám.
MARC ANTHONY OG
JENNIFER LOPEZ
Jennifer Lopez og Marc Anthony voru
eitt ástsælasta par hins ógnarstóra
latino-heims í Bandaríkjunum. Og þess
vegna brá mörgum í brún þegar tals-
maður hjónanna tilkynnti í sumar að
þau væru skilin. Sögusagnir höfðu verið
ansi háværar um að framhjáhald léki
sambandið grátt og nafn Jada Pinkett
Smith var nefnt í því samhengi; hún
og Anthony áttu að hafa verið að rugla
saman reytum. Þetta fékkst hins vegar
ekki staðfest og Smith-hjónin eru enn
saman.
GEORGE CLOONEY OG
ELISABETTA CANALIS
Það var árviss viðburður að setja nafn
George Clooney á þennan lista enda
virðist hinum fræga kvennabósa ganga
erfiðlega að festa ráð sitt. Honum hafði
þó tekist að halda sig víðs fjarri í tvö ár
enda virtist honum og ítölsku sjónvarps-
konunni, Elisabettu Canalis, lynda vel
saman. Allt kom hins vegar fyrir ekki,
Canalis vildi fjölskyldu og börn og þar
með var sambandinu lokið.
LEONARDO DICAPRIO OG BAR RAFAELI
DiCaprio, líkt og starfsbróður sínum
Clooney, gengur erfiðlega að finna þá
einu réttu en hann og ísrealska fyrir-
sætan Bar Rafaeli virtust þó eiga vel
saman. Þau reyndu eftir fremsta megni
að halda sambandinu fjarri kastljósi
fjölmiðlana og láta lítið fyrir sér fara
en sú aðferð gekk hins vegar ekki upp.
DiCaprio reyndi aftur með Blake Lively
en það samband hafði ekki langan
líftíma.
JUDE LAW OG SIENNA
MILLER
Það er varla hægt að gera svona grein
án þess að hafa Jude Law og Siennu
Miller á listanum. Þau hætta og byrja
saman með reglulegu millibili en sam-
kvæmt síðustu fréttum eru sambands-
slit þeirra frá því í febrúar endanleg.
MILA KUNIS OG
MACAULAY CULKIN
Það ráku margir upp stór augu þegar
Mila Kunis og Macaulay Culkin tilkynntu
að þau væru hætt saman. Ekki vegna
þess að sambandið hefði verið álitið svo
traust heldur vegna þess að ákaflega
fáir vissu af því að þau tvö hefðu verið
saman í átta ár. Kunis var þá um það bil
að slá í gegn sem ballerína í Black Swan
en ferill Culkin virðist að eilífu glataður.
ÓVÆNT Angelina Jolie átti ekki von á
því að kvikmyndin In the Land of Blood
and Honey, yrði tilnefnd til Golden
Globe-verðlaunanna. NORDICPHOTOS/GETTY