Fréttablaðið - 21.12.2011, Qupperneq 88
21. desember 2011 MIÐVIKUDAGUR76
Ég þorði í fyrstu ekki
að líta niður á löpp-
ina þar sem ég hélt að hún
væri það illa útlítandi. En svo
slæmt var það sem betur fer
ekki.
EIÐUR SMÁRI GUÐJOHNSEN
LEIKMAÐUR AEK AÞENU
FÓTBOLTI Eiður Smári Guðjohnsen
ætlar sér að spila fótbolta á ný
áður en tímabilinu lýkur í Grikk-
landi. Hann fótbrotnaði á tveimur
stöðum eftir að hann lenti í sam-
stuði við markvörð Olympiakos í
leik með liði sínu, AEK Aþenu, í
grísku úrvalsdeildinni um miðjan
október.
Talið var að hann myndi missa
af tímabilinu en Eiður Smári segir
enn óvíst hvenær hann muni snúa
til baka. Hann verði frá í alls 4-6
mánuði en nú nýverið gekkst hann
undir aðgerð þar sem skrúfur voru
fjarlægðar úr fótleggnum. Segir
hann að það hafi verið afar sárs-
aukafullt.
„Það var ótrúlega vont og engin
smá kvöl sem fylgdi því,“ segir
Eiður en hann var vitanlega
svæfður fyrir aðgerðina. „Það
þurfti að fjarlægja skrúfur sem
voru merkilega langar og gengu í
gegnum beinið. Verkurinn kom svo
eftir að ég vaknaði og var gríðar-
lega mikill,“ rifjar hann upp.
Eiður var í endurhæfingu hér á
landi bæði fyrr í þessum mánuði
og verður áfram hjá Einari Ein-
arssyni, sjúkraþjálfara og einka-
þjálfara, fram yfir hátíðirnar.
Fjölskylda hans er með honum
í jólafríi en að því loknu verður
haldið aftur til Grikklands.
Eiður segir að kona sín, Ragn-
hildur Sveinsdóttir, hafi reynst sér
ótrúlega vel í gegnum þessa erfiðu
tíma eftir að hann meiddist. „Ég
hef fengið fimm stjörnu meðferð
hjá henni og er ég henni afar þakk-
látur fyrir það,“ segir hann.
Líkaminn í sjokki
Eiður Smári hefur upplifað ýmis-
legt síðan hann fór frá Barce-
lona árið 2009 en AEK er fimmta
félagið sem hann spilar með síðan
þá. Svo þegar hann var loksins
komin á fulla ferð með AEK varð
hann fyrir þessu áfalli.
Hann vissi um leið að meiðslin
væru alvarleg. „Það kom ekki bein-
línis verkur heldur var líkaminn í
hálfgerðu sjokki. Ég þorði í fyrstu
ekki að líta niður á löppina þar sem
ég hélt að hún væri það illa útlít-
andi. En svo slæmt var það sem
betur fer ekki og brotið nokkuð
hreint,“ segir hann.
„Ég var loksins byrjaður að spila
í hverri viku og farinn að aðlagast
lífinu í nýju landi. Við fjölskyld-
an vorum búin að koma okkur vel
fyrir og hefur það reyndar ekkert
breyst. Það fer vel um okkur.“
Hef ekki áhyggjur af kreppunni
Grikkland hefur verið mikið í
fréttunum í haust vegna gríðar-
legra þrenginga í efnahags málum
og mikils niðurskurðar í opin-
berum útgjöldum. „Við Íslend-
ingar höfum einhverja reynslu í
þessum málum,“ segir hann í létt-
um dúr. „En ég hef svo sem ekki
spáð mikið í því og fyrst og fremst
tók ég þessa ákvörðun út frá fót-
boltanum. Mér fannst eitthvað
spennandi við þá tilhugsun að fara
til AEK og það stendur enn.“
AEK hefur þó ekki farið var-
hluta af kreppunni og til að mynda
hefur gengið illa að greiða leik-
mönnum og öðrum starfsmönnum
laun. „Það hefur auðvitað áhrif en
ekki eitthvað sem heldur manni
uppteknum öllum stundum. Ég hef
frekar einbeitt mér að því að ná
mér aftur góðum af meiðslunum.“
Nýr þjálfari hefur breytt miklu
Það hefur einnig gengið á ýmsu
inni á vellinum hjá AEK. Liðið
tapaði fyrstu fimm leikjum sínum
í Evrópudeild UEFA og þegar skipt
einu sinni um þjálfara. „Upphaf
tímabilsins í Grikklandi var mjög
ruglingslegt og lengi vel óvíst
hvaða lið yrðu í efstu deild, meðal
annars vegna mútumála sem komu
upp. Það tók langan tíma að greiða
úr því og við fórum inn í Evrópu-
deildina án þess að vera búnir að
spila deildarleik. Við vorum með
marga nýja leikmenn og vorum
einfaldlega ekki nógu vel undir-
búnir,“ segir Eiður. „Svo þegar
það varð ljóst að við myndum ekki
komast áfram þá var ekki mikið
lagt í leikina í þeirri keppni.“
Nikos Kostenoglou var ráðinn
þjálfari í stað Spánverjans Manolo
Jimenez hinn 6. október og segir
Eiður að síðan þá hafi orðið meira
úr liðinu. „Það er komið meira
skipulag og agi á leik liðsins. Það
leiðinlega er að ég meiddist strax
í fyrsta leiknum sem hann stýrði
en hann er afar viðkunnanlegur
maður og fylgist náið með því
hvernig mín endurhæfing gengur.“
AEK er nú í þriðja sæti grísku
úrvalsdeildarinnar með 28 stig,
tveimur á eftir toppliði Olympi-
akos, sem á leik til góða, og einu
stigi á eftir Panathinakos sem á
tvo leiki til góða. Liðið vann ný-
verið fimm leiki í röð en tapaði
fyrir Atrimotos, sem er í fjórða
sætinu, nú um helgina.
Ætla að spila aftur á tímabilinu
Eiður fer í aðra myndatöku á fót-
brotinu hinn 15. janúar næstkom-
andi og fær hann þá frekari frétt-
ir af því hvernig endurhæfingin
gengur. „Þetta fer allt eftir því
hversu fljótt beinið getur tekið
við fullum líkamsþunga aftur og
hversu vel gengur að byggja upp
vöðvana í kring,“ útskýrir hann.
„Ég hugsa bara um að koma mér
sem fyrst aftur af stað. En það er
alveg ljóst að ég ætla mér að spila
aftur áður en tímabilinu lýkur.
Hversu mikið það verður get ég
hins vegar ekkert sagt til um eins
og er.“
Eiður Smári hefur átt erfitt upp-
dráttar síðustu tvö árin en sér ekki
eftir neinum ákvörðunum.
„Það væri alveg hægt að grenja
í koddann á kvöldin yfir hinum
og þessum ákvörðunum en það
myndi engu breyta. Ég ætla frek-
ar að nota orkuna í að ná mér
aftur góðum af meiðslunum og ná
árangri á vellinum. Síðustu tvö ár
hafa þróast leiðinlega en mér er
efst í huga að snúa þessu við og
enda ferilinn á jákvæðum nótum.“
eirikur@frettabladid.is
Ætla mér að spila aftur á tímabilinu
Rúmir tveir mánuðir eru síðan Eiður Smári Guðjohnsen tvíbrotnaði á fæti í leik með liði sínu, AEK Aþenu,
í Grikklandi. Þrátt fyrir svartar spár í fyrstu er hann sjálfur staðráðinn í að snúa aftur fyrir vorið.
EIÐUR SMÁRI Hér á fullu í leik með AEK Aþenu í grísku úrvalsdeildinni. NORDICPHOTOS/GETTY
FÓTBOLTI „Satt best að segja þá var ég aldrei í Stoke.
Þannig lít ég á þetta þegar ég hugsa til baka,“
segir Eiður Smári um þá mánuði sem hann var
á mála hjá Stoke City í ensku úrvalsdeildinni.
Hann kom til liðsins í lok félagaskiptagluggans
í ágústlok í fyrra og samdi við liðið til eins árs.
„Þetta var ömurlegur tími og mjög erfiður,“
segir hann, en Eiður Smári var svo lánaður til
Fulham skömmu eftir síðustu áramót. Þar var
hann til loka tímabilsins og fékk meira að
spila. Mark Hughes knattspyrnustjóri
sagði svo upp störfum og Eiður Smári
endaði í Grikklandi.
„Tímasetningarnar hafa allar verið
mjög óheppilegar. Hálft tímabilið leið
án þess að ég stigi varla inn á völlinn.
Ég fann svo aftur leikgleðina hjá
Fulham en brotthvarf Marks Hug-
hes frá félaginu batt í raun enda á
veru mína þar.“
Eiður Smári segist aldrei hafa
fengið nein svör um af hverju
hann fékk ekki fleiri tækifæri
hjá Tony Pulis knattspyrnustjóra.
„Nei, ég var heldur ekki að leita eftir
þeim. Það myndi ekki friða mig sérstaklega.
Ákvörðunin um að fara til Stoke var tekin
á síðustu stundu áður en lokað var fyrir
félagaskipti og það verður að segjast að sú
ákvörðun reyndist ekki rétt, eftir á litið.
Þetta var allt saman mjög skrítið.“
Pulis sagði margsinnis að Eiður hefði
ekki verið í nægilega góðu formi til
að komast í liðið. Eiður gefur lítið
fyrir það. „Ég skil ekki hvernig
er hægt að dæma um það þar
sem ég fékk aldrei 90 mínút-
ur. Ég fékk að koma inn á í
fimm leikjum fram í október
og svo ekki söguna meir. Ég
spyr hvort það sé ekki þjálf-
aranna að koma leikmann-
inum í form ef þeir vilja að
hann spili.“
- esá
Eiður Smári Guðjohnsen um stutta en skrautlega dvöl hjá Stoke:
Ömurlegur tími og mjög erfiður
TONY PULIS Hefur ekki reynst
íslenskum knattspyrnumönnum
sérlega vel í gegnum tíðina.
FÓTBOLTI Eitt af spútnikliðunum
í ensku úrvalsdeildinni í ár er
Swansea. Brendan Rodgers er
stjóri liðsins og lýsti oft yfir
áhuga á að fá Eið Smára til liðs
við félagið, nú síðast í sumar.
Sparkspekingar segja að Eiður
Smári hefði passað vel inn í þann
fótbolta sem Rodgers hefur látið
liðið spila.
Eiður Smári sér þó ekki eftir
þeirri ákvörðun að hafa farið til
Grikklands. „Auðvitað er auðvelt
að velta þessu fyrir sér þegar
maður liggur fótbrotinn heima,“
segir Eiður Smári sem fótbrotn-
aði í leik með AEK Aþenu í októ-
ber síðastliðnum.
„Ég vissi nákvæmlega hvern-
ig fótbolta Brendan Rodgers
lætur sín lið spila,“ segir hann en
Eiður þekkir vel til hans frá því
að hann var þjálfari hjá Chelsea,
þar sem Eiður var í sex ár. „Það
hefur reyndar komið mér aðeins
á óvart hversu marga leiki Swan-
sea hefur unnið. Ég var mjög
ánægður með að hann sýndi mér
áhuga, rétt eins og Sam Allar-
dyce hjá West Ham gerði. Ég tók
samt mínar ákvarðanir og stend
við þær.“ - esá
Eiður um áhuga í Englandi:
Stend við mína
ákvörðun
RODGERS Starfaði áður hjá Chelsea og
þekkir Eið Smára vel frá þeim tíma.
NORDIC PHOTOS/GETTY
FÓTBOLTI Varnarmaðurinn Elfar
Freyr Helgason gekk í raðir
AEK frá Breiðabliki í sumar og
hefur Eiður Smári verið honum
innan handar í vetur. Hann hefur
tvíegis fengið að spila með liðinu
í Evrópudeildinni en bíður enn
eftir tækifæri með liðinu í grísku
úrvalsdeildinni.
„Hann er að stíga sín fyrstu
skref í atvinnumennsku og hef ég
reynt að hjálpa honum eins mikið
og ég get. Hann hefur staðið sig
vel og nýtt sín tækifæri ágæt-
lega,“ segir Eiður Smári. „En
ástandið í Grikklandi er eins og
það er og þetta er erfitt fyrir
hann eins og aðra í liðinu. Þetta
er þó mikil reynsla fyrir hann
og hann mun koma sterkur úr
þessu.“ - esá
Eiður Smári um Elfar Frey:
Reynslan mun
styrkja hann