Morgunblaðið - 04.09.2010, Page 2

2 FréttirINNLENT
MORGUNBLAÐIÐ LAUGARDAGUR 4. SEPTEMBER 2010
Morgunblaðið Hádegismóum 2, 110 Reykjavík. Sími 5691100 Fréttir ritstjorn@mbl.is Fréttastjórar Sunna Ósk Logadóttir, sunna@mbl.is Sigtryggur Sigtryggsson, sisi@mbl.is Viðskipti
vidsk@mbl.is Ívar Páll Jónsson, fréttastjóri, ivarpall@mbl.is Menning menning@mbl.is Umræðan | Bréf til blaðsins | Minningar mbl.is/sendagrein, Arnór Ragnarsson Íþróttir sport@mbl.is
Sigurður Elvar Þórólfsson, seth@mbl.is Víðir Sigurðsson, vs@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is Prentun Landsprent ehf.
Agnes Bragadóttir
agnes@mbl.is
Enginn árangur varð af fundum samninganefnda
Íslands, Hollands og Bretlands í gær og fyrradag
um Icesave í Haag í Hollandi og ekkert hefur verið
afráðið um frekari fundahöld að svo stöddu. Í ör-
stuttri fréttatilkynningu fjármálaráðuneytisins
segir að fundirnir hafi reynst gagnlegir, en við-
mælendur gefa lítið fyrir þá staðhæfingu.
Heimildir Morgunblaðsins herma að í kjölfar
þess að enginn árangur náðist í þessari fundalotu
aukist líkurnar á því að deila Íslands við Breta og
Hollendinga fari nú í hinn formlega farveg, þar
sem fyrst verði ESA ritað andmælabréf og í kjöl-
farið fari deilan fyrir dómstóla. Íslenska sendi-
nefndin mun í gær hafa verið mjög óánægð með
takmörkuð svör frá Bretum og Hollendingum.
Markmið samninganefndar Íslands í Icesave-
viðræðum við Breta og Hollendinga sem fór áleið-
is til Hollands til viðræðna, var m.a. að gera við-
mælendum skýra grein fyrir þeirri afstöðu að
margt hefði breyst í þágu hins íslenska málstaðar,
frá því að síðustu viðræður fóru fram í júlí í sumar.
Útgangspunkturinn var sá, samkvæmt upplýsing-
um Morgunblaðsins, að íslenska samninganefndin
og íslensk stjórnvöld litu þannig á, að engin rík-
isábyrgð væri á Icesave, enda hefði það álit verið
staðfest af framkvæmdastjórn Evrópusambands-
ins fyrr í sumar.
Vilja þverpólitíska sátt um málið
Samkvæmt upplýsingum Morgunblaðsins hafði
náðst um það pólitísk samstaða að gera Bretum og
Hollendingum ljóst að ekki yrði samið um það af
hálfu Íslendinga, að Íslendingar tækju einir á sig
allan kostnað af Icesave eins og krafa Breta og
Hollendinga hefur verið um.
Það þótti heldur hafa styrkt stöðu Íslendinga
fyrr í þessari viku, að Bretar og Hollendingar
höfðu lýst því yfir við íslensk stjórnvöld, að meðal
þess sem þeir gerðu kröfu um, væri að Alþingi
stæði óskipt að baki samningum, ef á annað borð
yrði samið.
Samkvæmt heimildum Morgunblaðsins var
ákveðið áður en samninganefndin hélt utan að
Bretum og Hollendingum yrði gert ljóst að Íslend-
ingar vildu semja, ef á annað borð gæti orðið um
sanngjarna samninga fyrir báða aðila að ræða.
Hins vegar hefði átt að vera alveg skýrt að Íslend-
ingar óttuðust ekki að fara dómstólaleiðina, ef
Bretar og Hollendingar hygðust í engu hvika frá
þeim markmiðum sínum að láta Íslendinga eina
um að bera allan herkostnaðinn af Icesave.
Samkvæmt þeim upplýsingum sem tókst að afla
í gær, burtséð frá hinni efnisrýru fréttatilkynn-
ingu fjármálaráðuneytisins, virðist niðurstaðan
hafa verið sú í Haag að enginn árangur hafi náðst;
Bretar og Hollendingar séu jafnstaðráðnir og
hingað til í því að láta Íslendingum eftir allan
vaxtakostnaðinn af Icesave og því sé staðan sú að
jafnmikil óvissa ríki nú um afdrif Icesave-samn-
inga og fyrir þessa síðustu fundalotu.
Ekki náðist samband við Steingrím J. Sigfússon
fjármálaráðherra í gær þrátt fyrir ítrekaðar til-
raunir.
Enginn árangur í Haag
 Umboðslitlir Bretar og Hollendingar enn við sama heygarðshornið  Líkur á
því að deilan um Icesave endi fyrir dómstólum hafa aukist í kjölfar þessarar lotu
„Þetta er ekki algengt,“ segir Vignir Sigur-
ólason, héraðsdýralæknir í Þingeyjarsveit, um
rostung sem kom á land í mynni Flateyjardals.
Hann telur líklegt að um fullvaxta dýr sé að
ræða, en ekki liggur fyrir hvort þetta er karl-
eða kvendýr.
Fram kemur á vef Selaseturs Íslands á
Hvammstanga að rostungur hafi komið síðast á
land í Ófeigsfirði á Ströndum um verslunar-
mannahelgina árið 2008. Þar á undan sást síðast
til rostungs hér við land við Hrafnabjörg í Arn-
arfirði árið 2005.
Rostungur í fjörunni í mynni Flateyjardals
Ljósmynd/Víðir Pétursson
Fimmmenningarnir sem slösuðust þegar bíll hentist
fram af brú á Hafnarfjarðarvegi aðfaranótt föstudags og
valt niður á Nýbýlaveg voru enn í skoðun á Landspítala í
gærkvöld. Ekki fengust frekari upplýsingar um líðan
fólksins. Þrír farþeganna voru enn á slysadeild er síðast
fréttist en líðan þeirra var þokkaleg, að sögn læknis.
Tveir farþeganna eru hins vegar meira slasaðir og voru
þeir fluttir á aðrar deildir spítalans til nánari meðferðar.
Slysið varð laust eftir klukkan eitt um nóttina. Öku-
maðurinn var á leið suður Hafnarfjarðarveg með fjóra
farþega og missti stjórn á bílnum í Fossvogi. Ók hann
upp á vegrið sem skilur akreinarnar að og hentist bíllinn
fram af brúnni niður á Nýbýlaveg. Þar valt hann niður
grasbrekku og nam staðar með framhjólin uppi á vegg.
Farþegunum náð út með klippum
Bíllinn gjöreyðilagðist og þurfti að kalla út tækjabíl
slökkviliðsins til að ná farþegunum út með klippum. Mál-
ið er í rannsókn og að sögn lögreglu lýtur rannsóknin
meðal annars að því hvort ofsaakstur ökumanns hafi
valdið slysinu.
Lögreglan á höfuðborgarsvæðinu lokaði Hafnarfjarð-
arvegi um tíma í báðar áttir og einnig Nýbýlavegi meðan
á björgunaraðgerðunum stóð og meðan slysið var rann-
sakað af lögreglu og rannsóknarnefnd umferðarslysa.
Hentist fram af vegbrú
Morgunblaðið/Júlíus
Vettvangur Bifreiðin hentist fram af brúnni, valt niður
grasbrekku og nam staðar með framhjólin uppi á vegg.
 Tveir stórslasaðir eftir
útafaksturinn í Kópavogi
Frá 1. desember í
fyrra til loka
ágústmánaðar
fækkaði um 2.900
í þjóðkirkjunni.
Fækkunin var
mest í ágúst, eða
um 2.000 manns.
Þetta kemur
fram í samantekt
frá Þjóðskrá Íslands. Síðustu vikur
hefur mikil umræða farið fram um
kynferðisbrot Ólafs Skúlasonar.
Nettófjölgun er um 550 í fríkirkj-
unum þremur, um 170 í öðrum
skráðum trúfélögum og um 2.170 ut-
an trúfélaga. Fleiri karlar en konur
hafa sagt sig úr þjóðkirkjunni og
fleiri með lögheimili á höfuðborg-
arsvæðinu en annars staðar. Breyt-
ingarnar ná til allra aldursflokka.
Nú eru 79,18% þjóðarinnar í þjóð-
kirkjunni. Næststærsti söfnuður
landsins er Fríkirkjan í Reykjavík,
en í henni eru 2,6% landsmanna. Um
6,2% eru utan trúfélaga. egol@mbl.is
Um 2.900
fóru úr
kirkjunni
Langmest fækkun
varð í ágústmánuði
Einhver ráðuneyti hafa skilað um-
sóknum um svonefnda IPA-styrki,
sem ætlaðir eru til að búa íslenska
stjórnkerfið undir hugsanlega aðild
landsins að Evrópusambandinu,
samkvæmt upplýsingum Morg-
unblaðsins.
Umsóknir ráðuneytanna um IPA-
styrki á að senda til forsætisráðu-
neytisins. Unnið verður úr þeim inn-
an íslensku stjórnsýslunnar áður en
þær verða sendar til framkvæmda-
stjórnar ESB í Brussel. Stefnt er að
því að þær verði sendar utan fyrir
áramót.
Í fyrstu var miðað við að ráðu-
neytin skiluðu inn umsóknum fyrir
20. ágúst. Ekki bárust umsóknir frá
öllum ráðuneytum. Samkvæmt upp-
lýsingum Morgunblaðsins var
ákveðið að framlengja frestinn og nú
er gert ráð fyrir að hægt verði að
senda umsóknir út septembermán-
uð. Síðdegis í gær fengust ekki tæm-
andi upplýsingar um hvaða ráðu-
neyti hefðu skilað umsóknum og
hver ekki. runarp@mbl.is
Nokkur hafa
sótt um IPA-
styrki