Morgunblaðið - 04.09.2010, Qupperneq 12

12 FréttirERLENT
MORGUNBLAÐIÐ LAUGARDAGUR 4. SEPTEMBER 2010
Verslanir opnar: mán-mið 11-19, fim 11-21, fös 11-19, lau 11-18 og sun 13-18, www.smaralind.is
Smáralind býður upp á snyrtidaga um helgina með
fjölmörgum góðum tilboðum á snyrtivörum í verslunum,
tískusýningum og fleiri spennandi uppákomum.
Njótum helgarinnar saman.
Sjáumst í Smáralind!
Opið til 18 í dag.
SNYRTIDAGAR
Kristján Jónsson
kjon@mbl.is
Jarðskjálfti upp á 7 stig reið yfir
Christchurch, næststærstu borg
Nýja-Sjálands, aðfaranótt laugar-
dags að staðartíma, síðdegis í gær
að íslenskum tíma. Margir höfðu
leitað læknishjálpar vegna minni-
háttar áverka en ekki var vitað um
manntjón seint í gærkvöld. Mikið
tjón varð á húsum og öðrum
mannvirkjum í hamförunum, al-
þjóðaflugvellinum við borgina var
lokað og járnbrautarleiðum einnig
meðan hugað var að skemmdum.
Rafmagn fór af hálfri borginni,
víða rofnaði farsímasamband og
skemmdir urðu á vatnsleiðslum og
holræsakerfi.
Að sögn AFP-fréttastofunnar
urðu margir eftirskjálftar og haft
var eftir staðarblaðinu The Post að
miklar skemmdir hefðu orðið í
borginni. Upptökin voru á 16,1 km
dýpi um 30 km norðvestur af
Christchurch klukkan 4.05 að stað-
artíma, að sögn bandarísku jarð-
fræðistofnunarinnar. Hann fannst
í hafnarborginni Timaru og í Du-
nedin og þar urðu nokkrar
skemmdir.
Fólk varað við að nota
kaldavatnskerfið
Farsímakerfi lá víða niðri.
Margir óttuðust flóðbylgju þótt
ekki væri gefin út nein opinber
viðvörun. Vegir í úthverfum við
sjóinn voru þéttskipaðir bílum
fólks sem hugðist flýja til svæða
fjarri sjó.
Bob Parker, borgarstjóri Christ-
church, varaði íbúa borgarinnar
við að nota kaldavatnskerfið. Kerf-
ið skemmdist mikið í skjálftanum
og borgaryfirvöld óttast að lagnir
séu skemmdar og vatnið hugsan-
lega ekki neysluhæft. Parker
hvatti fólk til að sturta ekki niður
úr salernum en óljóst er hve mikið
holræsakerfi borgarinnar
skemmdist. Brak úr húsum lokaði
víða vegum og umferðarljós rofn-
uðu sem jók enn á glundroðann.
Harður jarðskjálfti á Nýja-Sjálandi
 Margir þurftu læknishjálp vegna minniháttar meiðsla  Ekki er vitað til að neinn hafi farist
 Skjálftinn mældist 7 stig, mikið tjón varð á mannvirkjum  Flugvellinum við Christchurch var lokað
Reuters
Hrun Víða hrundu gömul hús í hamförunum. Hér hefur bíll í Christchurch
grafist undir múrsteinum og öðru braki. Ekki var vitað um neitt manntjón.
Mikið jarðskjálftaland
» Tvær stórar eyjar mynda
Nýja-Sjáland. Um 340.000 búa
í Christchurch á Suðureynni.
» Jarðskjálftar eru mjög tíðir í
landinu og árlega verða að
jafnaði 20 skjálftar sem eru
fimm stig eða meira.
» Þrír fórust í hörðum skjálfta
sem varð á Nýja-Sjálandi 1968.
„Við erum að
upplifa eft-
irskjálfta núna.
Við vöknuðum í
nótt í kringum 20
mínútur í fimm
[að þarlendum
tíma] við öflugan
skjálfta,“ sagði
Svava Krist-
insdóttir, hús-
móðir í Christchurch á Nýja-
Sjálandi, er mbl.is ræddi við hana í
gærkvöld. Rafmagnslaust var í
hverfinu þar sem Svava býr og gler-
brot um allt hús.
Svava er gift Hilmari Kjartans-
syni lækni, en saman eiga þau
börnin Birnu Líf og Árna Kristján.
Svava, sem á von á sínu þriðja
barni, segir þau hjónin hafa vaknað
upp með andfælum og hlaupið til
barna sinna til að athuga hvort þau
væru óhult. Þau hafi síðan komið
sér fyrir í dyrunum í forstofunni og
beðið á meðan hrinan reið yfir.
„Það fyrsta sem maður gerir er
að hlaupa og athuga með börnin
sín. Við fórum strax af stað og náð-
um í þau inn í herbergi. Við reynd-
um svo að finna okkur einhvern
öruggan stað og stóðum við þá
fyrst í dyrunum. Svo kíktum við á
nágranna okkar en flestir virðast
vera í góðu lagi.
Börnin eru enn svolítið hrædd.
Það rigndi glerbrotum út um allt
hús. Bækur og aðrir munir hrundu
úr hillunum. Það er rafmagnslaust í
nágrenninu.“
Einkum gömul
hús sem hrundu
Hjörtur Arason, einnig í Christ-
church, hefur búið um nokkurra
ára skeið á Nýja-Sjálandi og starfar
sem smiður þar. Hera Hjartardóttir,
eiginkona hans, sem er tónlistar-
maður, hefur hins vegar búið lengi
á Nýja-Sjálandi ásamt foreldrum
og bróður.
Hjörtur og Hera sluppu ómeidd og
eins foreldrar Heru og bróðir sem
búa á svæðinu. Að sögn Hjartar eru
það einkum gömul hús sem hafa
hrunið eins og spilaborgir en nýrri
hús virðast hafa staðið af sér
skjálftann.
„Börnin eru enn
svolítið hrædd“
ÍSLENDINGAR Í CHRISTCHURCH
Svava
Kristinsdóttir