Morgunblaðið - 04.09.2010, Qupperneq 19

Fréttir 19INNLENT
MORGUNBLAÐIÐ LAUGARDAGUR 4. SEPTEMBER 2010
Guðbjarti hefur eflaust þótt vænt um eftirfarandi kveðju sem lesa
mátti á heimasíðu Grundaskóla á Akranesi í gær:
„Nemendur og starfsmenn Grundaskóla óska Guðbjarti Hannes-
syni, nýjum félags- og tryggingaráðherra, til hamingju með embættið
og velfarnaðar í starfi. Hann er vel að þessu kominn og við erum
stolt af „gamla“ skólastjóranum okkar. Til hamingju, Gutti og fjöl-
skylda.“
Árið 1995 hlaut skólinn menntaverðlaun forseta Íslands þegar þau
voru veitt í fyrsta skipti. Þau eru veitt skólum sem sinnt hafa vel ný-
sköpun eða farsælu samhengi í fræðslustarfi.
Til hamingju Gutti…
SKÓLASTJÓRI Á SKAGANUM
SVIPMYND
Ágúst Ingi Jónsson
aij@mbl.is
Vinnusamur og hollur forsætisráð-
herra eru einkunnir sem samferða-
menn í andstæðum stjórnmálaflokk-
um gefa Guðbjarti Hannessyni, sem á
miðvikudag tók við embætti ráðherra
heilbrigðis-, félags- og trygginga-
mála. Hann er sagður maður lausna
frekar en illinda og ekki sagður lík-
legur til að berja í borðið til að klára
mál.
Sjálfur segir maður vikunnar að
hann sé venjulegur Akurnesingur, al-
inn upp af verkafólki og hafi orðið
þeirrar gæfu aðnjótandi að vinna við
það sem honum þyki skemmtilegt.
Störf í stjórnmálum séu hluti af því að
vera félagsvera, en hann hafi alltaf
lagt mikið upp úr því að vinna með
fólki, nýta kunnáttu þess og leyfa
fólki að njóta sín.
Guðbjartur Hannesson fæddist
á Akranesi og fagnaði sextíu ára af-
mæli í sumar. Eiginkona hans er Sig-
rún Ásmundsdóttir yfiriðjuþjálfi og
eru dætur þeirra Birna og Hanna
María.
Hann er menntaður kennari,
með sérnám í skólastjórn og tóm-
stundakennslu og lauk meistaraprófi
frá Lundúnaháskóla 2005. Hann hóf
störf sem kennari á Akranesi 1971 en
var síðan erindreki Bandalags ís-
lenskra skáta 1973-1975. Einn við-
mælandi sagði að Guðbjartur hefði
alla tíð starfað í góðum íþrótta- og
skátaanda. Guðbjartur byggði upp og
var skólastjóri Grundaskóla á Akra-
nesi 1981-2007.
Um árabil, 1986-1998, átti Guð-
bjartur sæti í bæjarstjórn Akraness
fyrir Alþýðubandalagið og var í mörg
ár ýmist formaður bæjarráðs eða for-
seti bæjarstjórnar. Sem bæjarfulltrúi
kom hann víða við og sat fyrir hönd
bæjarins í nefndum, samtökum og
stjórnum fyrirtækja.
Annar þátttakandi í bæjarmál-
um á Akranesi segir Guðbjart vera
dugnaðarfork og hann sé trúr sinni
sannfæringu. Alþýðubandalagið hafi
um árabil átt góðu gengi að fagna á
Akranesi. Skólafólk hafi staðið þétt
saman og þá hafi ekki skemmt fyrir
Guðbjarti að hann átti rætur í skáta-
hreyfingunni. Hann sé vinnusamur
og vinsæll og gott hafi verið að vinna
með honum.
„Vinnumaður
forsætisráðherra“
Guðbjartur hefur verið alþingis-
maður fyrir Samfylkinguna í Norð-
vesturkjördæmi frá 2007. Hann var
forseti Alþingis 2009 og hefur meðal
annars verið formaður fjárlaga-
nefndar og félags- og tryggingamála-
nefndar. Guðbjartur var í bankaráði
Landsbanka Íslands 1998-2003 og
bankaráði Heritable-bankans í Lond-
on 2002-2003, en Landsbankinn eign-
aðist þann banka árið 2000.
„Að mörgu leyti má segja að
Guðbjartur sé vinnumaður forsætis-
ráðherra,“ sagði stjórnarandstöðu-
þingmaður í gær. Mikið hefði mætt á
Guðbjarti sem formanni fjárlaga-
nefndar og Icesave-mál voru um tíma
erfið fyrir formanninn, en þá náði
stjórnarandstaðan saman með
fulltrúum „órólegu deildarinnar“.
Leitar lausna
„Hann er kominn í þessa stöðu
af því að Jóhanna treystir honum.
Stundum hefur borið á því að Guð-
bjartur ýtir á undan sér erfiðum mál-
um til að leita lausna og ná samstöðu,
sem ekki hefur verið vanþörf á und-
anfarin misseri.“ sagði þingmaðurinn.
Guðbjartur sagði í samtali við
Morgunblaðið fyrir ári að honum
hefði ekki þótt gaman að vera forseti
Alþingis. Stjórnmálamaður sem rætt
var við segir að Guðbjartur sé ekki
maður sem berji í borðið og segi hing-
að og ekki lengra. Kannski þess
vegna hafi hann ekki verið lengur for-
seti Alþingis en raun ber vitni.
Guðbjartur hefur síðasta árið
leitt störf starfshóps um endur-
skoðun fiskveiðistjórnunar. Á ýmsu
hefur gengið í þeim störfum og Jón
Bjarnason sjávarútvegsráðherra ekki
auðveldað Guðbjarti þau störf. Í fyrra
ákvað ráðherra að bæta við skötu-
selskvóta framhjá aflamarki á meðan
hópurinn vann að framtíðarlausnum.
Í nýliðnum mánuði var ráðherra
greinilega orðinn óþolinmóður og ýtti
við Guðbjarti með bréfi um að störf-
um nefndarinnar yrði að fara að
ljúka. Nefndin nálgast nú lokamarkið
og stefnir að því að skila skýrslu til
ráðherra á mánudag. Guðbjartur er
nú sestur í ríkisstjórn með Jóni.
Ekki líklegur til að berja í borðið
Morgunblaðið/Ómar
Guðbjartur Hannesson Venjulegur Akurnesingur og alinn upp af verka-
fólki. Hann er mikill félagsmálamaður og líkar vel að vinna með fólki.
Vinnusamur
og nýtur trausts
Jóhönnu
Hafðu samband
sími 444 7000 • arionbanki.is
Skammtímabinding er óverðtryggður innlánsreikningur og spennandi nýjung fyrir þá sem vilja
binda fé sitt í stuttan tíma.
Kynntu þér kosti Skammtímabindingar á arionbanki.is, hringdu í síma 444 7000
eða komdu við í næsta útibúi okkar og kynntu þér fjölbreytt úrval innlánsreikninga.
Nýr innlánsreikningur
• Binditími er ákveðinn við stofnun reiknings:
3, 6, 9 eða 12 mánuðir.
• Lágmarksinnlegg er 500 þúsund krónur og
innstæðan er bundin út binditímann.
• Nýjung: Vextir eru fastir allan binditímann.
• Að loknum binditímanum greiðist höfuð-
stóllinn út ásamt vöxtum.
Viðskiptavinir sem opna Skammtímabindingu fyrir
21. september fá 5,01% vexti, hvort sem þeir velja
3, 6, 9, eða 12 mánaða binditíma.
ÍS
LE
N
S
K
A
S
IA
.IS
A
R
I
5
1
2
3
2
0
9
/1
0