Morgunblaðið - 17.11.2010, Blaðsíða 10

10 DAGLEGT LÍF
MORGUNBLAÐIÐ MIÐVIKUDAGUR 17. NÓVEMBER 2010
Á verkstæðinu Sigurður og Sólborg dóttir hans ásamt gullsmiðunum tveimur sem vinna hjá þeim.
Kristín Heiða Kristinsdóttir
khk@mbl.is
Að koma og versla hjá okk-ur er ekki eins og að faraút í búð og kaupa mjólkog brauð. Við verðum að
sýna okkar viðskiptavinum þá virð-
ingu að veita persónulega þjónustu
og gefa okkur góðan tíma. Fólk
kann að meta það að geta sest hér
niður í sófa í notalegu umhverfi og
spjallað við okkur um erindið,“ seg-
ir Sigurður Steinþórsson, gull-
smíðameistari og eigandi verslunar-
innar Gull og Silfur við Laugaveg,
en hún fagnar fjörutíu ára afmæli
um þessar mundir.
„Gullsmíðin er sjötíu ára hefð í
minni fjölskyldu. Steinþór faðir
minn hóf nám í gullsmíði 1941 og
rak í áratugi verslunina Gullsmiðir
Steinþór og Jóhannes, m.a. í kjall-
aranum á Laugavegi 30, þar sem
ég lærði síðan gullsmíði á sínum
tíma. Ég, foreldrar mínir Steinþór
og Sólborg, ásamt bróður mínum
Magnúsi, stofnuðum Gull & Silfur á
haustmánuðum 1970 og opnuðum
verslunina með sama nafni 3. apríl
1971. Pabbi kom með okkur í
reksturinn ári síðar. Ég hef sem
sagt verið hátt í hálfa öld í brans-
anum, er alinn upp við þetta frá
blautu barnsbeini. Ég var oft hjá
pabba á verkstæðinu hans og í búð-
inni þegar ég var strákur. Börnin
okkar Kristjönu hafa líka alist upp
að hluta hjá Gulli og Silfri, við út-
bjuggum skot fyrir þau hér í búð-
inni til að geta haft þau hjá okkur
þegar mest var að gera. Og sama
er að segja um barnabörnin okkar,
þau leggja sig stundum á bedda í
kaffistofunni. Á annatímum eru all-
ir í fjölskyldunni virkjaðir, líka
dætur okkar sem ekki eru gull-
smiðir, þær hafa þurft að hjálpa
til.“
Sérsmíðin er að hverfa
Gull og Silfur er því sann-
kallað fjölskyldufyrirtæki. Sig-
urður, Sólborg dóttir hans, sem er
líka lærður gullsmíðmeistari, og
konan hans Kristjana Ólafsdóttir
vinna öll í versluninni. Sigurður og
Þetta byggist á ást
og væntumþykju
Hann ólst upp við gullsmíðar og varð sjálfur gullsmíðameistari. Sigurður
Steinþórsson ætlar í tilefni fertugsafmælis Gulls & Silfurs að gefa demanta.
Morgunblaðið/RAX
Fjölskyldufyrirtæki Sólborg, Sigurður og Kristjana saman í versluninni.
Vefsíðan Timarit.is er samstarfsverk-
efni Landsbókasafns Íslands - Há-
skólabókasafns, Føroya landsbóka-
savn og Nunatta Atuagaateqarfia
(Det grönlandske Landsbibliotek).
Vefsíðan er stafrænt bókasafn sem
veitir aðgang að milljónum myndaðra
blaðsíðna á stafrænu formi af þeim
prentaða menningararfi sem varð-
veittur er í blöðum og tímaritum frá
Færeyjum, Grænlandi og Íslandi. Að-
gangur er öllum opinn og stuðst er
við nýjustu tækni í geymslu og miðl-
un upplýsinga.
Blöðin og tímaritin hafa að geyma,
auk almenns fréttaefnis og auglýs-
inga, mikið efni á sviði bókmennta,
sagnfræði, ættfræði, þjóðlífs, menn-
ingar, atvinnuvega og viðskipta. Not-
endur geta leitað að efni á ýmsan
hátt, svo sem eftir löndum og titlum,
eða að völdu orði í öllum texta rit-
anna. Þeir geta einnig blaðað í gegn-
um efnið og prentað út valdar síður.
Ógrynni af efni er komið þarna inn og
enn bætast við safnið fleiri titlar. Í
nýlegum fréttum má sjá að Andvari
frá 1874 til 1930 er nú aðgengilegur á
Timarit.is auk Tímans (1917-1996)
sem er kominn allur á vefinn.
Timarit.is gagnast ekki bara fyrir
fræðivinnu og grúsk heldur er gaman
að leita uppi gamlar fréttir af sjálfum
sér, vinum og ættingjum.
Vefsíðan www.timarit.is
Morgunblaðið/Kristinn
Lesbók Þökk sé Timarit.is er hægt að lesa gömul blöð á netinu.
Grúskað í gömlum blöðum
Sönghópurinn Hljómeyki mun flytja
sönglög um ástina í Listasafni Ís-
lands á morgun, fimmtudaginn 18.
nóvember, kl. 20:00.
Verkin sem flutt verða eru m.a.
Trois chansons de Charles d’Orléars
eftir Debussy, Sept chansons eftir
Poulenc auk laga eftir Ravel og Lau-
ridsen. Kórfélagar í Sönghópnum
Hljómeyki eru allir söngmenntaðir og
koma einsöngvarar í lögunum úr röð-
um kórfélaga en stjórnandi er Magn-
ús Ragnarsson.
Miðaverð er 1.500 kr. í forsölu en
2.000 kr. við innganginn.
Endilega ekki missa af ástinni.
Endilega …
Hljómeyki Sönghópurinn mun syngja um ástina á morgun.
… hlýðið á ástarsöngva
sífellu og við það myndast breytileg
birta sem virkar nákvæmlega eins
og flökt frá sjónvarpi. Birtubreyt-
ingin líkir eftir því sem fer fram á
sjónvarpsskjánum, hvort sem það er
skiptin á milli myndskreiða, hreyfing
eða annað sem birtist í útsending-
unni. Ekki er hægt að sjá mun á
þjófafælunni og venjulegu sjón-
varpstæki.
„Það þarf ekki endilega að hafa
tækið í því herbergi sem sjónvarpið
er í, bara að það sjáist ekki inn um
gluggann hvað þetta er og að tækið
Flestir kannast við flöktið sem sést
utan frá í gluggum hjá fólki þegar
verið er að horfa á sjónvarpið inni.
Nú er hægt að fá tæki sem hermir
eftir flöktinu frá sjónvarpinu, nefnist
það FakeTV eða þjófafæla. Tækinu
er ætlað að fæla innbrotsþjófa frá
með því að láta líta út fyrir að ein-
hver sé heima að horfa á sjónvarpið.
„Þjófafælan er mjög vinsæl hjá
okkur en það má segja að þetta sé
tiltölulega nýtt í heimavörnum,“
segir Haukur Hannesson í raftækja-
versluninni Glóey í Ármúla sem selur
þjófafæluna. „Tækið virkar þannig
að það er eins og tvær klukkur og
skynjari. Þegar fer að skyggja á
kvöldin fer það í gang. Á veturna er
kveikt á því í um sjö tíma og á sumr-
in í fjóra tíma. Það kveikir á sér þeg-
ar fer að skyggja og slekkur á sér í
kringum miðnætti. Það er alveg
sjálfvirkt en það er líka hægt að
hafa kveikt á því framhjá klukku og
líka alveg slökkt á því,“ segir Hauk-
ur.
Þjófafælan er lítil og nett með
björtum marglitum ljósdíóðum.
Tölvukubbur breytir styrk ljósanna í
snúi baki við glugganum,“ segir
Haukur og bætir við að hjá Glóey fá-
ist ýmislegt til að fæla innbrotsþjófa
frá. „Við erum t.d. með skynjara sem
skynjar þegar einhver kemur inn og
sendir þá boð í síma húsráðenda,
svo erum við með klukkurofa sem
kveikir ljós á mismunandi stöðum í
íbúðinni og pípara sem hægt er að
setja á hurðir.“ ingveldur@mbl.is
Heimavarnir
Þjófafæla líkir
eftir sjónvarpi
Þjófafælan Lætur innbrotsþjófa halda að einhver sé heima.
Lesa má nánar um þjófafæluna á
www.faketv.com og www.gloey.is.Ferðafélag íslands • www.fi.is • fi@fi.is • Sími 568 2533
Myndakvöld
Ferðafélags Íslands
Í kvöld kl. 20.00 verður haldið myndakvöld
Ferðafélags Íslands í samkomusal félagsins
í Mörkinni 6.
Snævarr Guðmundsson segir frá stórmerku rannsóknarverkefni
þar sem sprungusvæði á íslenskum jöklum eru kortlögð.
Snævarr segir frá framkvæmd verkefnisins sem er einstakt
í sinni röð í heiminum og sýnir fjölda áhugaverðra mynda
sem tengjast því.
Missið ekki af þessu einstaka tækifæri.
Aðgangseyrir kr. 1.000
og kaffiveitingar innifaldar að vanda.