Morgunblaðið - 17.11.2010, Blaðsíða 28

28 MENNING
MORGUNBLAÐIÐ MIÐVIKUDAGUR 17. NÓVEMBER 2010
Grafalvarlegt og galsafengið nýtt smásagnasafn
eftir Óskar Magnússon
Lífskokteill á bók
„Það er einfaldleikinn og
tilgerðarleysið sem er aðall frá-
sagnanna. Skemmtileg bók.“
Einar Kárason
Áður auglýstum tónleikum á
vegum Jazzklúbbsins Múlans
sem vera áttu í kvöld, miðviku-
daginn 17. nóvember, með
hljómsveitinni Byzantine
Silhouette hefur verið aflýst af
óviðráðanlegum orsökum.
Djasshljómsveit Ólafs Jóns-
sonar mun hlaupa í skarðið og
leika lög úr ýmsum áttum. Auk
Ólafs sem leikur á saxófón
koma fram Haukur Gröndal
saxófónleikari, Ásgeir J. Ásgeirsson sem leikur á
gítar, bassaleikarinn Ólafur Stolzenwald og Scott
McLemore sem leikur á trommur.
Tónleikar Múlans eru í Risinu, Tryggvagötu 20,
og hefjast kl. 22.
Tónlist
Djasshljómsveit
Ólafs í Múlanum
Ólafur Jónsson
saxófónleikari.
Um næstu helgi, 19.-21. nóv-
ember, heldur Þjóðleikhúsið í
leikferð norður yfir heiðar með
Íslandsklukkuna. Alls verða
þrjár sýningar í menningar-
húsinu Hofi á Akureyri; kvöld-
sýningar á föstudegi og laugar-
degi en á sunnudeginum er
sýning kl. 14.
Íslandsklukkan var frum-
sýnd hinn 22. apríl á liðnu vori,
í tilefni af 60 ára afmæli Þjóð-
leikhússins. Sýningin hefur fengið frábærar við-
tökur áhorfenda og gagnrýnenda og verið sýnd
fyrir fullu húsi allar götur síðan.
Íslandsklukkan hlaut fern Grímuverðlaun sl.
vor.
Leiklist
Íslandsklukkan
sýnd á Akureyri
Menningarhúsið
Hof.
Páll Hjaltason arkitekt, aðal-
hönnuður og listrænn stjórn-
andi íslenska skálans á Expó í
Kína, fjallar um ferli, áskoranir
og árangur Expó-skálans í fyr-
irlestraröð Hönnunarmið-
stöðvar, Listasafns Reykjavík-
ur og Listaháskóla Íslands á
morgun, fimmtudag, kl. 20 í
Hafnarhúsi Listasafns Reykja-
víkur.
Tillaga frá +Arkitektum og
Saga Film var valin og var sýningin í Sjanghæ sú
stærsta og umfangsmesta sem haldin hefur verið
með þátttöku 186 þjóða og u.þ.b. 60 alþjóðastofn-
ana. Ímynd Íslands á alþjóðavettvangi var kynnt
fyrir 2,3 milljónum gesta.
Arkitektúr
Páll fjallar um
íslenska skálann
Páll Hjaltason
arkitekt.
Louvre-safnið í París hefur biðlað
til listunnenda um aðstoð við að
kaupa sannkallað meistaraverk eft-
ir þýska endurreisnarlistamanninn
Lucas Cranach eldri. Segjast for-
ráðamenn safnsins leita að um einni
milljón evra, 150 milljónum króna.
Hafa þeir sett upp sérstakan vef um
verkið og fjáröflunina.
Málverkið er lítið, kallað Gyðjur-
nar þrjár og var málað árið 1531.
Það hefur ætíð verið í einkaeigu.
Samkvæmt The Telegraph hefur
fjölskyldan sem hefur átt málverkið
síðan 1932 boðið verkið til kaups
fyrir fjórar milljónir evra og hefur
safnið þegar lagt til hliðar þriðjung
upphæðarinnar.
„Við þurfum aðeins einn loka-
hnykk til að verkið komist í eigu
þjóðarinnar,“ er haft eftir Loyrette,
safnstjóra Louvre, en málverkið er
sagt „fágætt meistaraverk“.
Nánar má fræðast um verkið og
söfnunina á vefnum www.trois-
graces.fr.
Gyðjur Hluti málverks Lucasar Cra-
nachs eldri af gyðjunum þremur.
Louvre
safnar fyrir
málverki
Vantar milljón evrur
fyrir verk Cranachs
Vigdís Finnbogadóttir tók í gær við
verðlaunum Jónasar Hallgríms-
sonar á degi íslenskrar tungu. Katr-
ín Jakobsdóttir, mennta- og menn-
ingarmálaráðherra, veitti Vigdísi
verðlaunin á hátíðarsamkomu í
Landnámssetrinu í Borgarnesi.
Í reglum um verðlaunin segir að
þau beri að veita einstaklingum sem
hafa unnið íslenskri tungu gagn með
sérstökum hætti. Í umsögn ráðgjaf-
arnefndar segir að það eigi sann-
arlega við um „Vigdísi Finnboga-
dóttur, fyrrverandi kennara,
leikhúsmann og forseta Íslands.
Leikhús, þar sem íslenskt mál er
flutt með öllum þess blæbrigðum,
eru musteri tungunnar; kennsla í er-
lendum tungumálum víkkar sýn á
form og líf íslensks máls, og embætti
forseta Íslands er æðsta trúnaðar-
starf sem þjóðin felur einum manni.
Vigdís var í starfi sínu sem forseti
óþreytandi að benda á gildi íslenskr-
ar tungu fyrir mannlífið í þessu
landi. Í fyrstu opinberri ræðu sinni
eftir að hún var kjörin lagði hún
áherslu á þá auðlegð sem Íslend-
ingar eiga í menningararfi sínum, en
sýndi um leið með tilvitnun í þýðingu
Helga Hálfdanarsonar á texta
Shakespeares, að allur heimurinn
rúmast innan þessara vébanda.“
Vigdís hlaut í verðlaun 700 þús-
und krónur frá Íslandsbanka og
mennta- og menningarmálaráðu-
neyti.
Íslenskan sé sjálfsagt mál
Menntamálaráðherra ákvað einn-
ig að veita tvær sérstakar viður-
kenningar fyrir stuðning við tung-
una. Þær hlutu Möguleikhúsið og
hljómsveitin Hjálmar.
Í rökstuðningi ráðgjafarnefndar
segir að Möguleikhúsið hafi „átt
drjúgan þátt í að kynna menningar-
arfinn á frjóan og skemmtilegan
hátt fyrir yngstu kynslóð leik-
húsgesta og stuðlað þannig að
verndun og varðveislu íslenskrar
tungu og skapað henni sóknarfæri.“
Frá stofnun Hjálma árið 2004
hafa söngtextar þeirra verið á ís-
lensku og „hafa þeir lagt fram drjúg-
an skerf til að byggja upp þá ímynd
að meðal framsækinna íslenskra
rokk- og dægurtónlistarmanna sé ís-
lenska sjálfsagt mál, eða ætti að
vera það,“ segir í umsögn.
Viðurkenningarhafar fengu lista-
verk eftir Brynhildi Þorgeirsdóttur.
Morgunblaðið/Eggert
Sérstök Ákveðið var að veita tvær sérstakar viðurkenningar fyrir stuðning
við tunguna. Þær hlutu Möguleikhúsið og hljómsveitin Hjálmar.
Vigdís tók við
verðlaunum
Jónasar
 Möguleikhúsið og Hjálmar fá viður-
kenningu fyrir að styðja við tunguna
Á tónleikum á Kjarvalsstöðum í
kvöld, miðvikudag, leika þau Una
Sveinbjarnardóttir fiðluleikari,
Anna Guðný Guðmundsdóttir píanó-
leikari og Hrafnkell Orii Egilsson
sellóleikari Djöflatrillusónötu Giu-
seppe Tartinis.
Þær Una og Anna Guðný munu
flytja fleiri verk tvær saman; sjald-
heyrða fiðlusónötu eftir Dmitri
Shostakovich auk verka eftir Stra-
vinskij, Glazunov og Massenet.
Una tók fyrir skemmstu við stöðu
konsertmeistara Kammersveitar
Reykjavíkur. Þær Anna Guðný hafa
leikið saman um árabil.
Una stundaði fiðlunám í Reykja-
vík, Köln og Berlín, og á næsta ári er
væntanlegur diskur með leik henn-
ar. Anna Guðný hlaut hún Íslensku
tónlistarverðlaunin í fyrra sem flytj-
andi ársins.
Djöflatrillusónata
og fleiri verk
Morgunblaðið/RAX
Hljóðfæraleikararnir Una, Hrafnkell Orri Egilsson og Anna Guðný.
Við erum búnir að
máta tvö trommusett
í bílinn og rétt komumst
sjálfir fyrir 30
»