Morgunblaðið - 17.11.2010, Blaðsíða 11

Kristjana hafa rekið fyrirtækið
saman undanfarin 22 ár.
Þegar Sigurður var ungur
maður að velta fyrir sér hvað hann
vildi starfa við í framtíðinni, stóð
valið á milli þess að fara í arkitekt-
úr eða gullsmíði. „En þegar ég
kynntist gullsmíðinni þá fannst mér
svo gaman að ég ákvað að leggja
hana fyrir mig. Ég fór líka í mynd-
listarskóla og það hefur nýst mér
mjög vel, því við sérsmíðum mikið
eftir hugmyndum fólks. Þá þarf að
teikna hluti frá grunni, finna út og
forma hugmyndir. Þessi þjónusta
með sérsmíði er að hverfa um víða
veröld nema á einstaka stað þar
sem viðskiptavinurinn borgar
stórfé fyrir, en þannig er það ekki
hér. Við höfum gert þetta frá
fyrsta degi. Enda er nóg að gera
hjá mér, ég sérsmíða nánast allan
daginn alla daga. Þetta er mikil
handavinna, og svo þarf líka að
smíða lager því skartgripirnir sem
eru til sölu í versluninni eru lang-
flestir handsmíðaðir og þar erum
við með að auki tvo mjög góða gull-
smiði í fullri vinnu við smíðar,“ seg-
ir Sigurður og bætir við að nú í
nóvember sé róðurinn þegar farinn
að þyngjast vegna komu jólanna í
næsta mánuði. Vinnuvikan hjá gull-
smiðunum síðustu vikurnar fyrir jól
nemur um 80 -100 vinnustundum.
Býr til ástarhring úr
eyrnalokkum formóður
Sigurður segir að þegar fólk
komi í Gull & Silfur með óskir um
sérsmíði, geti þær verið margskon-
ar. „Sumir koma með hugmyndir í
kollinum, eitthvað sem þeir vilja
láta búa til fyrir einhvern sem
þeim þykir vænt um eða sjálfa sig.
Aðrir koma með gamla skartgripi
og vilja láta sameina þá, bræða þá
saman í einn. Hingað kom til dæm-
is maður með tvo 200 ára eyrna-
lokka með demöntum sem formóðir
hans hafði átt og þeir voru slípaðir
með antíkslípun sem sést sjaldan í
dag. Hann vildi bræða upp lokkana
og láta smíða nýjan hring handa
konunni sem hann ætlar að biðja
að giftast sér. Hingað kom til okk-
ar um daginn eldri bandarísk kona
sem vildi láta smíða biblíumerki
fyrir sig, því hún hafði átt slíkt
hálsmen þegar hún var ung, en
hvergi getað látið smíða það fyrir
sig í Ameríku. Hún valhoppaði hér
út þegar hún komst að því að við
gætum gert þetta fyrir hana. Það
er gaman að öllu þessu skemmti-
lega í kringum þetta starf. Þetta
byggist á ást og væntumþykju,
þess vegna er gaman að vinna við
þetta. Þessu fylgir gleði og það er
ekki hægt annað en að vera ánægð-
ur.“
Demantur er ekki sama
og demantur
Sigurður sérhæfði sig í grein-
ingu demanta og vinnu við smíðar
á demantsskartgripum og einnig
viðgerðaþjónustu á demantsskart-
gripum. Verslun hans leggur því
mikla áherslu á demanta. „Demant-
ur er ekki sama og demantur.
Mjög mikill verðmunur getur verið
á tveimur demöntum af sömu
stærð. Munurinn liggur í hrein-
leika, þyngd, slípun og lit,“ segir
Sigurður sem vegna kunnáttu sinn-
ar gerir mikið af því að meta steina
fyrir fólk. „Ég met oft steina og
skart úr dánarbúum, því fólk þarf
að vita verðmæti hlutanna þegar
skipta á arfinum. Einn lítill hringur
getur verið margfalt verðmætari en
annar miklu stærri. Ég hef líka
gert mikið af því að meta skart-
gripi fyrir fólk sem vill tryggja
slíka hluti.“
Gull og Silfur var í um 35 ár á
Laugavegi 35 en fyrir um fimm ár-
um fluttu þau sig yfir í stærra og
betra húsnæði, númer 52.
„Við viljum halda tryggð við
Laugaveginn og miðbæinn. Margir
viðskiptavina okkar sýna okkur
mikla tryggð og koma hingað ár
eftir ár, stundum bara í heimsókn
þó þeir séu ekki að versla. Til
dæmis ein eldri og virðuleg frú
sem kemur reglulega og færir okk-
ur dýrindis rjómapönnukökur og
verslar stundum líka. Við viljum
sýna okkar viðskiptavinum tryggð
með því að vera til staðar hér á
Laugaveginum.“
Gefur demanta
Í tilefni af fertugsafmælinu
ætlar Gull og Silfur að halda
afmælishátíð og fór hún af stað
með opnun facebook-síðu versl-
unarinnar. „Það eru um tvær vikur
síðan og við höfum fengið um 7000
aðdáendur, sem fer fram úr okkar
björtustu vonum. Við erum með
leik á facebook þar sem við drögum
úr nöfnum allra aðdáenda síðunnar
og sá heppni fær demant að gjöf.
Við ætlum að endurtaka leikinn
eftir mánuð og aftur milli jóla og
nýárs.“
Skart Eitt af fögru hálsmenunum í Gulli & Silfri. Nákvæmni Sigurður þarf að skoða demanta mjög vandlega.
Einn lítill hringur
getur verið margfalt
verðmætari en ann-
ar miklu stærri.
DAGLEGT LÍF 11
MORGUNBLAÐIÐ MIÐVIKUDAGUR 17. NÓVEMBER 2010
„Ég held mest upp á orð þegar þau eru
í samhengi við önnur orð en ef ég á að
nefna aðeins eitt þá dettur mér í hug
orðið svartagallsraus. Samkvæmt Ís-
lenskri orðabók merkir það
geðvonskunöldur, en það býr margt að
baki þessu skemmtilega orði, sem
barst inn í íslenskuna úr öðrum mál-
um líkt og mörg önnur góð orð.
Allt frá tíma Hippókratesar og til
miðalda héldu menn að svart gall væri
einn líkamsvessanna fjögurra, hinir
vessarnir voru blóð, slím og gult gall.
Ef fólk var með of mikið af svörtu galli
átti það að lýsa sér í andlegu ástandi
viðkomandi, menn urðu þunglyndir.
Orðið melankólía, sem merkir þung-
lyndi eða depurð, er samsett úr tveim-
ur grískum orðum sem þýða svart gall.
Svartagall, sem orð yfir þunglyndi eða
svartsýni, er þekkt í íslensku frá því að
minnsta kosti á miðri 19. öld en nú
heyrir maður bara
talað um svarta-
gallsraus í merk-
ingunni bölsýnis-
nöldur og tuð.
Samkvæmt
svari Guðrúnar
Kvaran við fyrir-
spurn á Vísindavef
HÍ er hugtakið
komið inn í ís-
lensku úr einhverju nágrannamálanna,
á þýsku var til dæmis talað um þung-
lyndi sem Schwarze Galle.
Það kemur kannski ekki á óvart að
elsta dæmið í íslensku ritmáli um orð-
ið svartagallsraus er frá Halldóri Lax-
ness, úr ritgerðasafninu Dagur í senn
sem kom út árið 1955.“
Þórdís Gísladóttir
íslenskufræðingur
Uppáhaldsorð Þórdísar Gísladóttur
Morgunblaðið/Einar Falur Ingólfsson
Laxness „Elsta dæmið í íslensku ritmáli um orðið svartagallsraus er frá Hall-
dóri Laxness, úr ritgerðasafninu Dagur í senn sem kom út árið 1955.“
Býr meira að baki svartagalls-
rausi en geðvonskunöldur
Fundur um náttúruvernd
og ferðaþjónustu
Umhverfisráðuneytið og iðnaðarráðuneytið efna til fundar um
náttúruvernd og ferðaþjónustu á Grand Hótel, fimmtudaginn 18.
nóvember kl. 8:30-10:00. Á fundinum verður fjallað um nýlega
úttekt Umhverfisstofnunar á álagi á friðlýstum svæðum vegna
ferðamanna, úrræði til umbóta, fjármögnun þeirra og leiðir til að
tryggja að ferðaþjónusta og náttúruvernd fari saman.
Dagskrá:
- Ávarp Svandísar Svavarsdóttur umhverfisráðherra.
- Ástand og umbætur á friðlýstum svæðum.
Kristín Linda Árnadóttir, forstjóri Umhverfisstofnunar.
- Ferðamannastaðir á Íslandi - uppbygging til framtíðar.
Elías Gíslason, forstöðumaður ferðamálasviðs Ferðamálastofu.
- Uppbygging ferðamannastaða. Fjármögnun, ábyrgð, sjálfbærni.
Einar Torfi Finnsson, framleiðslustjóri hjá Íslenskum
Fjallaleiðsögumönnum, handhafa umhverfisverðlauna
Ferðamálastofu.
- Rekstur og umsjá þjóðgarða og friðlýstra svæða.
Ólafur Örn Haraldsson, þjóðgarðsvörður á Þingvöllum.
- Ávarp Katrínar Júlíusdóttur iðnaðarráðherra.
Siðareglur VFÍ
Verkið verður keypt
en dyggðin ekki
Norræna húsið17. nóvember 2010 kl. 15-18
Aðgangur 1.500 kr. Ókeypis fyrir félagsmenn VFÍ og nema.
Ávarp. Jóhanna Harpa Árnadóttir formaður Verkfræðingafélags Íslands
Nýjar siðareglur Verkfræðingafélags Íslands. Tryggvi Sigurbjarnarson verkfræðingur
og formaður nefndar um endurskoðun siðareglna Verkfræðingafélags Íslands
Hvað er dyggðugur verkfræðingur? Yrsa Sigurðardóttir verkfræðingur hjá Verkís og rithöfundur
Réttlæting og notagildi. Dr. Pétur K. Maack verkfræðingur og flugmálastjóri
Hver er skylda verkfræðingsins? Ragnhildur Geirsdóttir verkfræðingur og forstjóri Promens hf.
Hvaða réttindi þarf verkfræðingurinn að verja? Dr. Gunnar Guðni Tómasson verkfræðingur
og forseti tækni- og verkfræðideildar HR
Umræður
Kaffihlé
Sjálfsvirðing. Vigdís Finnbogadóttir
Hámörkun hags. Dr. Tinna Laufey Ásgeirsdóttir hagfræðingur og lektor við Hagfræðideild HÍ
Hvað er verkfræðingum skylt? Dr. Sigurjón Árni Eyjólfsson guðfræðingur
Verkfræðingar, réttindi og réttlæti. Jón Kalmansson heimspekingur
Umræður
Léttar veitingar
Sýnum alúð
og nærfærni
í störfum okkar
og samskiptum
við aðra
Virðing og jafnrétti
Fagleg
ábyrgð og
ráðvendni
Samfélags-
leg ábyrgð og
sjálfbærni
Ráðstefnunni stýrir Dr. Haukur Ingi Jónasson lektor við Verkfræði og náttúruvísindasvið
Háskóla Íslands.