Morgunblaðið - 17.11.2010, Blaðsíða 13

FRÉTTIR 13Innlent
MORGUNBLAÐIÐ MIÐVIKUDAGUR 17. NÓVEMBER 2010
500.000.000
+300.000.000
00.000
Nú er til mikils að vinna því fyrsti
vinningur í Víkingalottóinu er hálfur
milljarður og hefur aldrei verið hærri á
árinu. Ofurpotturinn stefnir í 300
milljónir. Og þá er að leggja saman!
Fáðu þér miða á næsta sölustað
eða á lotto.is fyrir kl. 17.00 í dag.
Fjórfald
ur
1. vinnin
gur
ALLTAF Á MIÐVIKUDÖGUM!
MIÐINN GILDIR 17. NÓVEMBER 2010
A. 12 14 17 21 41 48
B. 05 16 23 36 37 38
C. 07 09 13 22 34 38
D. 03 06 19 24 25 31
E. 11 19 21 25 38 42
F. 01 25 35 36 39 46
G. 18 19 20 23 28 46
H. 22 27 29 39 40 42
SÖ
LU
LÝ
KU
R
NÚ
KL
. 1
7
Egill Ólafsson
egol@mbl.is
Þorsteinn Pálsson efast um að nú-
verandi ríkisstjórn geti lokið við-
ræðum við Evrópusambandið um
aðild að sambandinu. Hann sagði
þetta á fundi sjálfstæðismanna um
Evrópumál í Valhöll, en Þorsteinn á
sæti í samninganefnd Íslands sem
fylgir eftir ákvörðun Alþingis að
sækja um aðild að Evrópusamband-
inu.
Þingsályktunartillagan sem Al-
þingi samþykkti í fyrra um aðildar-
umsókn gerir ráð fyrir að utanrík-
isráðherra skrifi undir samning við
ESB að loknum samningaviðræðum
án þess að hann fái neina efnislega
umfjöllun á Alþingi og hann fari síð-
an í þjóðaratkvæðagreiðslu. Ef
þjóðin samþykkir hann á Alþingi að
staðfesta hann. Þjóðaratkvæða-
greiðslan yrði þá aðeins leiðbein-
andi fyrir Alþingi. Þorsteinn sagðist
vera þeirrar skoðunar að við ættum
að byrja á því að breyta stjórnar-
skránni og utanríkisráðherrann ætti
ekki að skrifa undir samning við
ESB nema það væri alveg ljóst að
það væri þingmeirihluti fyrir þeirri
efnislegu niðurstöðu sem varð í við-
ræðunum. Alþingi ætti síðan að
taka afstöðu og ef þingið samþykkti
samninginn ætti hann að fara til
þjóðarinnar sem gæfi hið endanlega
svar um hvort við göngum í ESB.
„Ég held að það sé nánast úti-
lokað að ríkisstjórn eins og núver-
andi ríkisstjórn er samsett, geti lok-
ið þessum samningum. Ef á að ljúka
samningnum þarf að vera efnisleg-
ur meirihluti fyrir því að gera það.
Ég sé ekki hvernig annar stjórnar-
flokka á að heimila ráðherra að
undirskrifa samning ef sá stjórnar-
flokkur ætlar svo að berjast gegn
samningnum bæði út á við og meðal
þjóðarinnar.“
Veikir samningsstöðuna
Þorsteinn Pálsson segir að það
muni veikja samningsstöðu okkar í
viðræðum við ESB um aðild að
sambandinu ef við klárum ekki að
gera breytingar á hagsýslugerð.
Hann minnti á að við hefðum nú
þegar skuldbundið okkur til að gera
þessar breytingar vegna aðildar
okkar að EES. Andstæðingar að-
ildar Íslands að Evrópusambandinu
hafa lagt mikla áherslu á að við
megum ekki byrja að gera neinar
breytingar á stjórnkerfi okkar fyrr
en aðildarsamningur hafi verið sam-
þykktur. Þau atriði sem um ræðir
snerta einkum hagsýslugerð í land-
búnaði og breytingar á tölvukerfi
tollsins.
Þorsteinn sagði að hagsýslugerð-
arþátturinn snérist um atriði sem
við hefðum skuldbundið okkur til að
gera hvort sem við færum inn í
ESB eða ekki. Vegna aðildarum-
sóknarinnar ættum við núna kost á
að fá fjármuni frá ESB til að klára
þessa vinnu, en ástæðan fyrir því að
við værum ekki búnir að gera þetta
nú þegar væri sú að við hefðum
frestað því að ráðast í þessa vinnu
vegna kostnaðar.
„Það mun skipta okkur mjög
miklu máli og styrkja okkar samn-
ingsstöðu, að við höfum sambæri-
legar hagtölur til að styðjast við í
viðræðunum. Með því að klára ekki
þetta verk þá erum við að veikja
okkar eigin samningsstöðu.“
Þorsteinn fjallaði líka um breyt-
ingar sem Íslendingar þyrftu að
gera á stjórnkerfi sínu til að fá aðild
að tollfrjálsum markaði Evrópu-
sambandsins. „Tölvukerfi sem okk-
ar tollinnheimta byggir á, þarfnast
endurskoðunar og við getum fengið
aðstoð til að samræma þetta tölvu-
kerfi evrópska kerfinu. Það myndi
gagnast okkur hvort sem við mynd-
um ganga inn eða ekki. Það tekur
hátt í þrjú ár að gera þær breyt-
ingar. Ef niðurstaðan verður sú að
við viljum ganga í ESB og teljum
það vera okkur hagstætt, þá væri
afskaplega óskynsamlegt að fresta
inngöngunni vegna þess að við ætl-
uðum ekki að byrja á því að breyta
tölvukerfum eins og tollurinn notar
fyrr en búið væri að taka ákvörð-
un.“
Stjórnin getur
ekki lokið
ESB-viðræðum
 Rætt um Evrópumál í Valhöll
Morgunblaðið/RAX
Evrópumál Þorsteinn Pálsson ræddi Evrópumál á fundi sjálfstæðismanna í Valhöll í gær.
Samningaviðræður
» Um 200 manns koma að
samningavinnu fyrir hönd Ís-
lands, þ.e. samningamenn,
embættismenn og fulltrúar
hagsmunasamtaka.
» Eiginlegar samninga-
viðræður þar sem farið er yfir
alla löggjöf ESB og Íslands hóf-
ust í fyrradag, en reiknað er
með að þessari vinnu ljúki
2012.