Morgunblaðið - 17.03.2011, Qupperneq 2

2 FRÉTTIRInnlent
MORGUNBLAÐIÐ FIMMTUDAGUR 17. MARS 2011
Morgunblaðið Hádegismóum 2, 110 Reykjavík. Sími 5691100 Fréttir ritstjorn@mbl.is Fréttastjórar Sunna Ósk Logadóttir, sunna@mbl.is Sigtryggur Sigtryggsson, sisi@mbl.is Viðskipti
vidsk@mbl.is Ívar Páll Jónsson, fréttastjóri, ivarpall@mbl.is Menning menning@mbl.is Umræðan | Bréf til blaðsins | Minningar mbl.is/sendagrein, Arnór Ragnarsson Íþróttir sport@mbl.is
Víðir Sigurðsson, vs@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is Prentun Landsprent ehf.
Ingibjörg Rósa Björnsdóttir
ingibjorgrosa@mbl.is
„Landeyjahöfn er hluti af framtíðarsamgöng-
um Vestmannaeyinga, það hefur ekkert
breyst,“ sagði Elliði Vignisson, bæjarstjóri í
Vestmannaeyjum, að loknum fjölmennum
borgarafundi um samgöngumál sem þar var
haldinn í gærkvöldi.
Björt framtíð Landeyjahafnar
„Krafa Vestmannaeyinga er auðvitað ekki
sú að hægt verði að stjórna náttúrunni en það
er ófrávíkjanleg krafa að við fáum á öllum
tímum upplýsingar um gang mála. Það hefur
skort verulega á þær hingað til en þeir sem
hér töluðu í kvöld lofuðu að gera bót þar á. Við
viljum helst fá góðar fréttir en við þolum al-
veg að heyra slæmar fréttir og viljum heyra
þær frekar en ekki neinar fréttir.“
Rekstraraðilar í samgöngumálum milli
lands og Eyja telja ástæðu til bjartsýni en er-
indi héldu Sigurður Áss Grétarsson og Gísli
Viggósson frá Siglingastofnun, Guðmundur
Nikulásson frá Eimskip, Óskar Stefánsson
frá fólksflutningafyrirtækinu Sterna og
Hörður Guðmundsson, framkvæmdastjóri
Flugfélagsins Ernis. Hátt á fjórða hundrað
manns mættu á fundinn en vaxandi óánægja
hefur verið með þjónustu Herjólfs á meðan
brösuglega hefur gengið að halda Landeyja-
höfn opinni. Fram kom í máli fulltrúa Sigl-
ingamálastofnunar að framburður sands
hefði minnkað til mikilla muna og væri nú ein-
ungis 1% af því sem hann var í haust. Eld-
gosið hefði verið ófyrirsjáanlegur áhrifavald-
ur og einstaklega slæm veðurskilyrði hefðu
valdið enn meiri vandkvæðum við að halda
höfninni opinni. Að auki hefðu komið upp bil-
anir í sanddæluskipinu en þegar þessir þættir
komist í lag muni einungis taka 4-5 daga að
opna Landeyjahöfn. Þá benti Guðmundur
Nikulásson á að þjónustustig Herjólfs miði
við að siglt sé milli Vestmannaeyja og Land-
eyjahafnar og hann viðurkenndi að þörf væri
á að endurskoða vinnuferla og bæta þjónustu-
stig sem miðaðist að siglingum til Þorláks-
hafnar líka.
Lofa betra upplýsingaflæði til íbúa
 Ástæða til bjartsýni varðandi Landeyjahöfn  Framburður sands hefur stórlega minnkað
 Rekstraraðilar í samgöngumálum munu endurskoða verkferla og upplýsingagjöf
Ljósmynd/Eyjafréttir
Vilja svör Vestmannaeyingar kröfðust meiri upplýsinga um gang samgöngumála.
Reykjavíkurskákmótinu lauk með verðlaunaafhendingu
og lokahófi í Ráðhúsinu í gærkvöldi en á mótinu tefldu
166 skákmenn frá 30 löndum. Sex skákmenn urðu efstir
með 7 vinninga, Úkraínumennirnir þrír Yuriy Kuzubov,
Vladmir Baklan og Ilya Nyzhnik, sem er yngsti stór-
meistari heims, Pólverjinn Kamil Miton, Bosníu-
maðurinn Ivan Sokolov og Norðmaðurinn Jan Ludvig
Hammer sem varð því jafnframt Norðurlandameistari
karla í skák. Hin sænska Christin Anderson varð Norð-
urlandameistari kvenna en efstur Íslendinga varð Hann-
es Hlífar Stefánsson, í 7.-17. sæti. Þá náði Guðmundur
Gíslason áfanga að alþjóðlegum meistaratitli.
Morgunblaðið/Golli
Sex sigurvegarar í skák
Skákmeistarar Sigurvegararnir sex sýna verðlaunagripina stoltir við verðlaunaafhendinguna.
Ingibjörg Rósa Björnsdóttir
ingibjorgrosa@mbl.is
Um 52% landsmanna ætla að sam-
þykkja lögin um Icesave ef þjóðarat-
kvæðagreiðsla færi fram í dag. Um
48% aðspurðra segjast ætla að hafna
lögunum. Þetta er niðurstaða könn-
unar MMR sem unnin var fyrir Við-
skiptablaðið. Vikmörkin eru 3,8%
þannig að mjótt er á mununum.
Könnunin var unnin fyrir Viðskipta-
blaðið dagana 8. til 11. mars sl. Um
900 manns svöruðu. Verulegur mun-
ur er á afstöðu eftir búsetu, þannig
segjast tæp 58% þeirra sem búa á
höfuðborgarsvæðinu ætla að sam-
þykkja lögin en aðeins 43% þeirra
sem búa á landsbyggðinni.
Ekki sérstaklega áhyggjufullur
Árni Þór Sigurðsson, varaformað-
ur þingflokks Vinstri grænna, segir
það ekki áhyggjuefni að ekki mælist
meiri stuðningur við samninginn svo
stuttu fyrir þjóðaratkvæðagreiðslu.
„Úrtakið í þessari könnun er nú
minna en í síðustu stóru könnun, þar
sem fylgið mældist minna, svo ég
veit ekki hversu mikið mark á að
taka á henni. Að sjálfsögðu hefði ég
viljað sjá meira afgerandi stuðning
við samninginn en ég hef engar sér-
stakar áhyggjur, það verður bara að
tryggja að það verði góð og málefna-
leg kynning á efni samningsins og
þeim kostum sem þjóðin stendur
frammi fyrir. Þeir eru annars vegar
þessi samningur og hins vegar dóm-
stólaleiðin en áhættan í því máli er að
mínu mati svo mikil og getur kostað
samfélagið svo margfalt miklu meira
að það væri í raun ábyrgðarleysi að
ganga ekki frá þessu máli meðan
kostur er á því.“
Mjótt á munun-
um um Icesave
 Helmingur þjóðarinnar segir „já“
Könnun Afstaðan til Icesave-
laganna er nánast hnífjöfn.
Morgunblaðið/Ómar
Fimm þingmenn lögðu fram þings-
ályktunartillögu í gær um að fela inn-
anríkisráðherra að láta Lagastofnun
Háskóla Íslands gera hlutlaust og að-
gengilegt kynningarefni um Icesave-
samningana fyrir þjóðaratkvæða-
greiðsluna 9. apríl og senda það öllum
heimilum í landinu samhliða sér-
prentun laganna.
Flutningsmenn tillögunnar eru
Þórunn Sveinbjarnardóttir, Ragn-
heiður E. Árnadóttir, Árni Þór Sig-
urðsson, Gunnar Bragi Sveinsson og
Margrét Tryggvadóttir.
Í tillögunni kemur fram að ráðu-
neytinu beri samkvæmt lögum að
senda sérprentun laganna inn á hvert
heimili í landinu eigi síðar en viku fyr-
ir atkvæðagreiðsluna. „Alþingi ber
jafnframt að hafa aðgengileg á vef-
síðu sinni öll skjöl varðandi meðferð
málsins á þinginu. Það hefur þegar
verið gert.“
Lagastofnun Háskóla Íslands var
falið að taka saman hlutlaust kynn-
ingarefni um Icesave-samningana
sem voru bornir undir atkvæði lands-
manna þann 6. mars í fyrra. Flutn-
ingsmönnum þykir rétt að sami hátt-
ur verði hafður á að þessu sinni.
Ákvörðun Þjóðaratkvæðagreiðsla
vegna Icesave verður 9. apríl.
Héraðsdómur Reykjavíkur hefur
dæmt 23 ára gamlan karlmann, Óðin
Frey Valgeirsson, í þriggja ára fang-
elsi fyrir árás á 16 ára gamla stúlku í
Laugardal í Reykjavík. Hann var
einnig dæmdur til að greiða stúlk-
unni 1 milljón kr. í bætur. Óðinn
Freyr var fundinn sekur um að hafa
ráðist með ofbeldi á stúlkuna þar
sem hún var á gangi á göngustíg í
október sl. Hann sló hana ítrekað
með hörðu áhaldi í höfuð og tók hana
hálstaki og þrengdi að þar til hún
missti meðvitund. Hann var hand-
tekinn mánuði síðar og játaði fyrst
árásina en dró játninguna síðan til
baka. Meirihluti dómsins taldi ekki
vefengt að maðurinn væri sekur.
Einn dómari skilaði séráliti og vildi
sýkna þar sem verulegur vafi léki á
að játning hans í lögregluyfirheyrslu
hefði verið rétt.
Fangelsi í 3
ár fyrir árás
Lagastofnun HÍ sjái
um Icesave-kynningu