Morgunblaðið - 17.03.2011, Qupperneq 12

Loftkastali Lofthæðin átti að vera allt að fimm metrar í stúdíóíbúðunum.
Steinþór Guðbjartsson
steinthor@mbl.is
Tilboð frá sex fyrirtækjum bárust í
þróun og uppbyggingu verkefnisins
á Mýrargötu 26 í Reykjavík. Mats-
nefnd Regins ehf., sértæks dóttur-
fyrirtækis Landsbankans, hefur
ákveðið að gefa þremur bjóðendum
kost á að taka þátt í síðara þrepi út-
boðsins en einn þessara bjóðanda
gerði auk þess kauptilboð í eignina
og verður ákveðið í dag hvort því
verður tekið.
Loftkastali
Hraðfrystistöðin var lengi á Mýr-
argötu 26 en eftir að fiskvinnsla
hætti í húsinu eignaðist Fasteigna-
félagið Nýja Jórvík ehf. það og ætl-
aði sér síðan stóra hluti á lóðinni.
Fyrirhugað var að reisa átta hæða
9.400 fermetra byggingu með kjall-
ara og nýta þak byggingarinnar sem
útivistarsvæði fyrir íbúana. Gert var
ráð fyrir 91 stæði í bílageymslu á
tveimur hæðum. Í byggingunni átti
að vera 61 íbúð, allt frá 77 fermetra
einstaklingsíbúðum upp í 250 fer-
metra þakíbúðir. Til stóð að útbúa 42
íbúðir af loftíbúðagerð með allt að
fimm metra lofthæð, vinnustofuíbúð-
ir sem algengar eru í gömlu iðnaðar-
húsnæði í erlendum stórborgum.
Verkefnið gekk undir nafninu Hafn-
arLoft með vísan í staðsetningu og
gerð íbúðanna. Gláma-Kím sá um
teikningu og gengið var frá samn-
ingum við Atafl hf. um uppsteypu á
húsinu en Landsbankinn ætlaði að
fjármagna verkefnið.
Verkefnið dróst og kvörtuðu eig-
endur Jórvíkur yfir seinagangi við
skipulagsvinnu á Slippsvæðinu við
Mýrargötu. Fram kom í mars 2007
að það tæki 14 til 16 mánuði að ljúka
framkvæmdum en þær gætu ekki
hafist þar sem ekki væri búið að
ganga frá skipulagi svæðisins.
Framkvæmdastjóri Nýju Jórvíkur
sagði af þessu tilefni að hornsteinn
uppbyggingar á svæðinu fælist í því
að setja umferðina á Mýrargötu í
stokk, eins og hugmyndir hefðu ver-
ið um, til að geta tengt Vesturbæinn
við nýju byggðina.
Enginn kom stokkurinn og ekkert
varð úr frekari framkvæmdum á lóð-
inni. Nýja Jórvík var tekið til gjald-
þrotaskipta og Landsbankinn leysti
eignina til sín.
Lágmarksboð 560 milljónir
Reginn, sem fer með eignarhald
Landsbankans á fasteignum, keypti
eignina og með auglýsingu í febrúar
var ætlunin að hámarka verðmæti
eignarinnar og ráðstafa henni sem
fyrst, helst í beinni sölu. Fengist
ekki viðunandi tilboð að lágmarki
560 milljónir króna var félagið tilbú-
ið að fara í frekari þróun á verkefn-
inu í samstarfi við traust fyrirtæki
með það að leiðarljósi að ljúka við
uppbygginguna og selja síðan.
Raunhæfar hugmyndir
Atafl ehf. gerði kauptilboð í eign-
ina en lagði auk þess fram viðskipta-
hugmynd rétt eins og HBH Byggir
ehf., Þróun og ráðgjöf, Klasi ehf.,
Kaflar og KS-Verktakar. Ákveðið
var að bjóða Atafli, Köflum og Klasa
að taka þátt í síðara þrepi útboðsins.
Helgi S. Gunnarsson, fram-
kvæmdastjóri Regins, segir að
fyrsta val sé að selja strax og því hafi
verið rætt við Atafl um kaup, en það
skýrist í dag hvort salan gangi upp
eða haldið verði áfram að ræða við
talsmenn fyrrnefndra þriggja fyrir-
tækja.
Allar hugmyndirnar ganga út frá
því að byggja íbúðarhús. Helgi segir
að þær séu allar mjög raunhæfar.
Allir vilji endurskoða verkefnið,
minnka íbúðirnar og minnka allt um-
fang verkefnisins. Hanna íbúðirnar
fyrir þær markaðsaðstæður sem nú
ríki. Hann segir að enginn markaður
sé fyrir 150 fermetra stúdíóíbúðir
eins og menn hafi lagt upp með.
Helgi segir mikilvægt að koma
þessu verkefni og öðrum ámóta í
gang til þess að halda áfram upp-
byggingu í landinu. Margir fjárfest-
ar séu á höttunum eftir þróunar-
verkefnum með það að markmiði að
byggja upp og selja.
Loftkastali gíraður niður
 Sex fyrirtæki vilja taka þátt í að þróa og byggja upp fasteign á Mýrargötu 26
 Draumar um stórar stúdíóíbúðir með allt að fimm metra lofthæð lagðir til hliðar
Morgunblaðið/Árni Sæberg
Mýrargata 26 Búið er að steypa upp kjallara, 1. og 2. hæð. auk hluta 3. hæðar.
12 FRÉTTIRInnlent
MORGUNBLAÐIÐ FIMMTUDAGUR 17. MARS 2011
Með úrskurði Héraðsdóms Reykjavíkur 25. janúar 2010 var Fasteigna-
félagið Nýja Jórvík ehf. tekið til gjaldþrotaskipta. Skiptum í búinu var
lokið 1. mars sl. og fannst fasteignin Mýrargata 26 í Reykjavík í búinu.
Eignin var að fullu veðsett Landsbankanum, nú NBI, sem leysti eignina til
sín upp í veðkröfur. Engar aðrar eignir fundust í búinu og ekkert greiddist
upp í aðrar kröfur. Veðkröfur námu tæplega 1,8 milljörðum króna.
Kröfur upp á 1,8 milljarða
FASTEIGNAFÉLAGIÐ NÝJA JÓRVÍK EHF.
Átta umsóknir bárust um þrjú emb-
ætti dómara við Hæstarétt Íslands,
sem auglýst voru laus til umsóknar
vegna tímabundinnar fjölgunar í
réttinum. Umsóknarfrestur rann út
14. mars síðastliðinn.
Umsækjendur eru í stafrófsröð:
Benedikt Bogason, héraðsdómari
og dómstjóri Héraðsdóms Vestur-
lands, Eiríkur Tómasson, prófessor
við lagadeild Háskóla Íslands, Greta
Baldursdóttir, héraðsdómari við
Héraðsdóm Reykjavíkur, Helgi I.
Jónsson, héraðsdómari og dómstjóri
Héraðsdóms Reykjavíkur, Jónas Jó-
hannsson, héraðsdómari við Héraðs-
dóm Reykjavíkur, Sigríður Ingv-
arsdóttir, héraðsdómari við Héraðs-
dóm Reykjavíkur, Sigrún Guð-
mundsdóttir, héraðsdómari við
Héraðsdóm Reykjavíkur, og Þorgeir
Örlygsson, dómari við EFTA-dóm-
stólinn.
Sérstök hæfisnefnd mun fara yfir
umsóknirnar.
Átta um-
sóknir um
Hæstarétt
Fyrirtækið Kortaþjónustan sendi í
gær frá sér yfirlýsingu vegna full-
yrðinga Ragnars Önundarsonar í
fjölmiðlum um að gögnum úr korta-
samráðsmálinu hefði verið lekið úr
Samkeppniseftirlitinu. Segist fyrir-
tækið hafa fengið umrædd gögn í
hendur á grundvelli upplýsingalaga
„eftir mikla baráttu við Valitor,
Borgun og Greiðsluveituna, sem
unnu hart gegn því að gögnin yrðu
afhent“.
Segist fyrirtækið nú undirbúa
málsókn á hendur umræddum þrem
fyrirtækjum til að fá bættan þann
skaða sem langvarandi, ólöglegt
samráð hafi valdið Kortaþjónust-
unni.
„Um leið teljum við að almenning-
ur í landinu eigi rétt á að vita sann-
leikann í þessu máli og sjá með eigin
augum hvernig þessi félög, stjórn-
endur þeirra og eigendur, höguðu
sér þegar nýr keppinautur sem rask-
aði einokunarstöðu þeirra kom á
markaðinn,“ segir í yfirlýsingunni.
„Þess vegna birtum við hjá Korta-
þjónustunni málsgögnin á vef sem
sérstaklega hefur verið opnaður í
þeim tilgangi, www.kortasamráð.is.
Hluti gagnanna er þegar kominn í
birtingu og á næstu vikum verða öll
gögn málsins þar sýnileg. Ásakanir
Ragnars um að gögnum sé lekið til
fjölmiðla frá Samkeppniseftirlitinu
eiga því ekki við nein rök að styðj-
ast.“ kjon@mbl.is
Birta gögn
um ólöglegt
samráð
Virðing
RéttlætiVR | KRINGLUNNI 7 | 103 REYKJAVÍK | S. 510 1700 | F. 510 1717 | WWW.VR.IS
Kosningar 2011 Allsherjaratkvæðagreiðsla VR til formanns og stjórnar er hafin og
stendur til hádegis 30. mars nk. Nýttu atkvæðisrétt þinn og hafðu
áhrif. Öll atkvæði hafa sama vægi. Þú finnur allar nánari
upplýsingar á www.vr.is
Nú göngum við til kosninga. Láttu þig málið varða,
VR er félag okkar allra.