Morgunblaðið - 17.03.2011, Qupperneq 9

FRÉTTIR 9Innlent
MORGUNBLAÐIÐ FIMMTUDAGUR 17. MARS 2011
„Ég tel að ferðaþjónustan eigi fram-
tíð fyrir sér en þó ekkert í líkingu
við það sem látið er með hana nú,“
segir Þráinn Lárusson sem rekur
Hótel Hallormsstað með eiginkonu
sinni, Þurý Báru Birgisdóttur. Hann
hefur sérstaklega áhyggjur af því að
færri Íslendingar verði á ferðinni
vegna hækkunar á eldsneytisverði.
Unnið er að stækkun Hótel Hall-
ormsstaðar. Búið er að steypa upp
viðbyggingu við gistiálmuna og í
gær var fáni dreginn að húni í tilefni
þess að sperrur hússins eru komnar
á sinn stað.
28 herbergi bætast við
Þráinn og Þurý Bára hafa unnið
að uppbyggingu frá því að þau eign-
uðust hótelið að öllu leyti vorið 2009.
Hótelið var aðeins gistihús þegar
þau komu inn í reksturinn tveimur
árum fyrr og aðstaða nýtt í grunn-
skólanum. Haustið 2009 var tekin í
notkun viðbygging fyrir afgreiðslu,
eldhús og veitingasali.
Síðastliðið haust hófst bygging
nýju gistiálmunnar. Þráinn segir að
hún verði tekin í notkun 1. júní nk.
Í nýju álmunni verða 28 herbergi
og ein íbúð að auki. Þá mun hótelið
ráða yfir 59 herbergjum, auk her-
bergja í grunnskólanum yfir vetr-
artímann, samtals 83 herbergjum á
sumrin. Samhliða uppbyggingunni
er verið að hanna skemmtigarð í ná-
grenni hótelsins, í samvinnu við
Skógrækt ríkisins og Fljótsdals-
hérað. Þar verða leiktæki og ýmis
afþreying.
Viðbyggingin er töluverð fram-
kvæmd og skapar atvinnu hjá iðn-
aðarmönnum. Þráinn segir raunar
að ekki hafi fengist nógu margir iðn-
aðarmenn á Austurlandi og hann
hafi sótt nokkra til höfuðborg-
arsvæðisins.
Eldsneytisverð hefur áhrif
Framkvæmdin sýnir að Þráinn
hefur trú á framtíð ferðaþjónust-
unnar. Hann hefur hins vegar
áhyggjur af sumrinu, sérstaklega
hjá fyrirtækjum á landsbyggðinni
sem byggja á viðskiptum við inn-
lenda ferðamenn. Hann telur nauð-
synlegt að grípa til ráðstafana
vegna hækkunar á eldsneyti. Ann-
ars muni stórlega draga úr akstri
Íslendinga í sumar. Þá hefur Þráinn
upplýsingar um að minna sé bókað í
hópferðir Þjóðverja um Ísland en
var á sama tíma í fyrra. „Ég held að
það gæti í besta lagi orðið svipað
ferðamannasumar og í fyrra,“ segir
hann.
helgi@mbl.is
Áfangi Ný gistiálma við Hótel Hallormsstað verður opnuð í vor. Framkvæmdin skapar umsvif í héraðinu.
Óttast að Íslendingar
ferðist minna í sumar
Hallormsstaður
» Ferðafólk hefur lengi sótt í
Hallormsstaðarskóg, eða í um
það bil hundrað ár. Skógurinn
hefur aðdráttarafl.
» Rekstur sumarhótels hófst
1930, eftir byggingu hús-
mæðraskólans, og sömuleiðis í
grunnskólanum frá 1968.
» Fyrir þrettán árum var
heimavist grunnskólans end-
urnýjuð og jafnframt stofnað
eignarhaldsfélag Fosshótela,
sveitarfélaga og fleiri um bygg-
ingu 21 herbergis hótelálmu
við skólann.
 Hótel Hallormsstaður bætir við 28 herbergjum
Ingibjörg Rósa Björnsdóttir
ingibjorgrosa@mbl.is
Íslenskur karlmaður um þrítugt er
meðal þeirra sem handteknir hafa
verið tengslum við umfangsmikla
rannsókn Europol á barnaklámshring
á netinu. Um er að ræða alþjóðlega
lögregluaðgerð sem nær til nokkurra
landa en rúmlega 60.000 manns eru
taldir tengjast barnaklámshringnum
víða um heiminn. Alls hafa 184 verið
handteknir í þessum lögreglu-
aðgerðum, meðal annars í Bretlandi,
Bandaríkjunum, Ástralíu og Brasilíu
og teygði málið anga sína einnig til Ís-
lands. Að sögn Björgvins Björgvins-
sonar, yfirmanns kynferðisbrotadeild-
ar lögreglunnar, eru allar líkur á að
fleiri verði handteknir enda málið
mjög viðamikið.
Ræddi barnaníð á netinu
Kynferðisbrotadeild lögreglunnar á
höfuðborgarsvæðinu bárust gögn um
málið í júlí í fyrra en í þeim var íslensk
IP-tala (einkennistala tölvu) rakin til
manns á höfuðborgarsvæðinu. Íslend-
ingurinn var handtekinn í byrjun
ágúst og gerð hjá honum húsleit. Hald
var lagt á tölvur og tölvubúnað á
heimili hans. Þar fundust gögn um
þátttöku mannsins í spjalli á netinu
þar sem umræðuefnið var barnaníð.
Íslendingurinn, sem notaðist ávallt
við sama gælunafn þegar hann tók
þátt í spjalli af þessu tagi, við-
urkenndi þátttöku í netspjallinu en
neitaði staðfastlega að hafa undir
höndum efni sem sýndi kynferðislegt
ofbeldi á börnum. Engu að síður
fundust í tölvugögnum hans fimm
hreyfimyndir sem allar sýndu kyn-
ferðislegt ofbeldi gagnvart börnum.
Áður hlotið dóm
Maðurinn hefur áður komist í kast
við lögin hérlendis vegna kynferðisof-
beldis gegn börnum en hann fékk
átta mánaða fangelsisdóm, þar af
þrjá mánuði skilorðsbundið, árið 2006
fyrir vörslu á myndefni sem sýndi
börn beitt kynferðislegu ofbeldi.
Björgvin segir lögreglu ekki hafa
neinar heimildir til að fylgjast með
meintum brotamönnum eftir yf-
irheyrslur og þar til dómur fellur í
málum þeirra og því sé maðurinn bú-
inn að ganga laus án eftirlits frá því
honum var sleppt síðasta sumar.
Ákæra á hendur honum var lögð
fram 8. mars síðastliðinn.
Íslendingur í barna-
klámshring á netinu
 Europol hefur látið handtaka 184
Opinn fræðslufundur um kjarnorku-
ver verður haldinn í Háskólanum í
Reykjavík á morgun, föstudaginn 18.
mars, frá kl. 12-13. Á fundinum verð-
ur fjallað um grunnatriði kjarnorku-
vera, hættu sem stafar af ofhitnun
ofnkjarna og um áhrif og útbreiðslu
geislunar. Efnistök verða almenns
eðlis og miðuð að því að fólk geti bet-
ur áttað sig á þeim fréttum sem ber-
ast frá Japan. Flutt verða þrjú stutt
erindi: Kjarnorka til raforkufram-
leiðslu – eðli og útbreiðsla, Bráðnun
ofnkjarna – mögulegar atburðarásir
og Tölulegt mat áhættu vegna kjarn-
orkuslysa.
Auk fyrirlesaranna munu Ágúst
Sveinsson Valfells, kjarnorkuverk-
fræðingur og fyrrum forstöðumaður
Almannavarna, og Sigurður Björns-
son læknir sitja fyrir svörum.
Fundurinn verður haldinn í fyrir-
lestrasalnum Bellatrix í aðalbygg-
ingu HR. Fundarstjóri verður Gunn-
ar Guðni Tómasson, forseti tækni-
og verkfræðideildar HR.
Ræða kjarnorkuver
og áhrif geislunar
Nýjar vörur frá
www.feminin.is • feminin@feminin.is
Bæjarlind 4, Kópavogi • sími 544 2222
Opið: mán.-fös. kl. 11-18 | lau. 10-16
Nýtt
kortatímabil
Str. 38-56
Malou
Laugavegi 82,
á horni Barónsstígs
sími 551 4473
Póstsendum
Ný sending frá
Nýtt kortatímabil
Laugavegi 53, s. 552 1555
TÍSKUVAL
Opið virka daga kl. 11-18, lau. kl. 11-16
20% afsláttur
af buxum, klútum og sjölum
Skoðið sýnishorn á www.laxdal.is (la DolceVita)
NÝ SENDING
GLÆSILEG SPARILÍNA