Morgunblaðið - 05.03.2011, Blaðsíða 35

MINNINGAR 35
MORGUNBLAÐIÐ LAUGARDAGUR 5. MARS 2011
að skjóta á aðra og því dáðist ég
einnig að.
Fyrst um sinn vorkenndi ég
þér vegna fötlunar þinnar og
fannst ég þurfa að passa upp á
þennan gullmola sem ég hafði
uppgötvað að mér fannst, en það
leið ekki á löngu þar til ég sá að
þú stóðst jafnfætis okkur hinum
og varst í raun miklu meira en
það. Þú varst mikill íþróttamað-
ur, með keppnisskap, þraut-
seigju, skilning á íþróttum, og
síðast en ekki síst leikgleði sem
skein af þér. Að vera valinn
íþróttamaður Borgarfjarðar,
Norðurlandamet, verðlaun á
Evrópumeistaramóti, verðlaun á
heimsmeistaramóti þar sem þú
settir heimsmet og þátttaka á Ól-
ympíuleikunum í Sydney segir
allt sem segja þarf.
Mér þótti ótrúlega vænt um
þig Einar Trausti, þú varst ein-
stakur vinur, þú varst með ein-
stakan húmor, einstakt bros, ein-
stakt göngulag og síðast en ekki
síst einstakur persónuleiki sem
greindi þig glöggt frá öðrum.
Ég sendi fjölskyldu og vinum
Einars Trausta mínar innileg-
ustu samúðarkveðjur. Með djúp-
um söknuði kveð ég kæran vin.
Guðlaugur Andri Axelsson.
Það voru dapurlegar fréttir
sem við hjónin fengum þegar við
heyrðum að vinur okkar, Einar
Trausti Sveinsson, væri allur.
Einar, sem var hvers manns hug-
ljúfi, er ekki lengur á meðal okk-
ar. Við kynntumst honum þegar
leiðir okkar lágu saman í Íþrótta-
félaginu Kveldúlfi í Borgarnesi
og eigum við margar góðar minn-
ingar frá þeim tíma. Einar var
alltaf jákvæður og léttur í lund,
hann var hrókur alls fagnaðar í
þeim mörgu æfinga- og keppnis-
ferðum sem farið var í. Hann var
frábær íþróttamaður og vann
mörg afrek þar sem hann sýndi
hvað í honum bjó þegar hann
sigraði bæði sjálfan sig og aðra.
Við hjónin vorum í stjórn Kveld-
úlfs ásamt fleira fólki þar á meðal
Þórði, stjúpföður Einars, og móð-
ir hans tók einnig virkan þátt í
starfinu. Fljótlega kom í ljós að
Einar hafði mikla hæfileika sem
frjálsíþróttamaður, einkanlega í
kastíþróttum. Hann var valinn í
landslið Íþróttassambands fatl-
aðra og fór með því á heimsmeist-
aramót í frjálsum íþróttum sem
haldið var í Birmingham í Eng-
landi, þá aðeins sextán ára gam-
all. Hann hlaut bronsverðlaun í
spjótkasti og náði áttunda sæti í
kúluvarpi. Árið eftir náði hann í
silfurmedalíu á Evrópumóti
spastískra í Englandi. Það er
ábyggilega draumur hvers
íþróttamanns að fara á ólympíu-
leika og sá draumur Einars varð
að veruleika, hann náði þeim frá-
bæra árangri að ná lágmörkum
fyrir Ólympíuleikana í Sydney
árið 2000. Því miður átti hann við
meiðsli að stríða sem komu í veg
fyrir að hann blandaði sér í topp-
baráttuna á Ólympíuleikunum.
Einar setti Íslandsmet í sínum
fötlunarflokki í spjótkasti,
kringlukasti og kúluvarpi, en þau
met standa enn. Einar var kjör-
inn íþróttamaður ársins 1998 í
Borgarbyggð og einnig í Borgar-
firði og aftur íþróttamaður ársins
í Borgarfirði árið 2000.
Við eigum góðar minningar
um góðar stundir með þessum
frábæra dreng, minning hans lifir
áfram.
Við vottum fjölskyldu og ætt-
ingum Einars Trausta okkar
innilegustu samúð og biðjum að
góður Guð styðji ykkur í sorg-
inni.
Guðmunda Ó. Jónasdóttir
og Aðalsteinn Kristjánsson.
Elsku Einar minn, ég trúi ekki
að ég sé að gera minningargrein
um þig. Ég trúi ekki að þú hafir
kvatt okkur svona fljótt. Þú varst
mér svo kær og það verður erfitt
að fara í gegnum lífið án þín, en
minningarnar sem ég á um þig
eru mér dýrmætar og ómetanleg-
ar. Mig langar svo að fá að heyra
þig hlæja aftur og að fá að sjá þitt
yndislega fallega bros. Ég man
svo vel eftir þegar við sátum inni í
stofu hjá þér og vorum að rífast
um hvor væri betri helmingur
hvors og þú varst svo sannarlega
minn. Þegar þú fórst tókstu svo
mikinn hluta af mér með þér en
skildir samt eftir svo mikið. Ég
fæ að eiga allar þessu yndislegu
minningar um þig. Það er svo
sárt að hugsa til þess að ég fái
ekki að upplifa fleiri minningar
með þér, en hver og ein minning
um þig skiptir mig miklu máli og
ég veit að þær munu varðveitast
alla ævi. Þú varst minn besti vin-
ur og studdir mig í gegnum ótal-
margt, það var svo gott að eiga
þig að, þú varst minn klettur þeg-
ar eitthvað bjátaði á.
Ég var að hlusta á lögin okkar í
gær sem við skrifuðum niður á
blað fyrir nokkrum árum en náð-
um aldrei að skrifa diskinn, þetta
eru ómetanlegar minningar þeg-
ar við sátum inni í stofu í marga
klukkutíma og vorum að finna
góð lög. Þessi lög eru komin á
disk núna og þegar ég hlusta á
þennan disk mun ég alltaf hugsa
um þessar skemmtilegu stundir
sem við áttum saman. Það er svo
margt sem ég átti eftir að tala við
þig um en ég verð að reyna að
tala við þig á öðruvísi hátt núna.
En ég er mjög fegin að hafa feng-
ið að verja síðustu kvöldstundinni
með þér, þegar við sofnuðum
bæði í sófanum og þú varst að
gefa mér fótanudd eins og þú
varst vanur að gera. Þú varst allt-
af svo góður við mig og vildir
gera allt fyrir mig, ef mig vantaði
pössun varst þú alltaf til staðar
og þegar ég var hrædd hringdi ég
í þig og þú varst kominn strax til
mín til að hressa mig við. Þú
hjálpaðir mér alltaf þegar ég
þurfti hjálp og ég þurfti ekki einu
sinni að biðja um hjálp, þú varst
alltaf kominn til að skipta um
ljósaperu fyrir mig þegar ég gat
það ekki, eða tengja sjónvarpið.
Þetta var bara sjálfsagður hlutur
fyrir þig en ég er mjög þakklát
fyrir að hafa átt svona góðan vin
að.
Ég fann ljóð sem þú hafðir ort
til mín fyrir nokkrum árum og
mig langaði að deila þeim með
öðrum, þau hljóma svo:
Líf mitt var eins og vetur, kalt,
dimmt og einmanalegt.
Svo hitti ég þig í fyrsta sinn, og ég
varð var við einhvern hita og
bjarma
og það umlukti mig allan.
Síðan með hverju skiptinu sem við
hittumst aftur var eins og allur
kuldinn, myrkrið og ísinn væri að
hverfa burt.
Það var eins og það væri að vora
innra með mér.
Í dag er hásumar og sól hjá mér
alla daga.
Takk fyrir að koma inn í líf mitt og
verða svona góður vinur og láta allt
vera svona bjart og jákvætt.
Þetta ljóð mun ég ávallt eiga
eins og hverja og eina minningu
um þig. Ég sakna þín og elska
þig, elsku vinur minn.
Þín vinkona,
Kristín María.
Í dag kveðjum við góðan vin
okkar og félaga. Einar Trausti
var samferða okkur flestum allt
frá sex ára aldri og fram til 16 ára
er við útskrifuðumst úr Grunn-
skóla Borgarness. Við minnumst
góðs og hjartahlýs drengs sem
ætíð lumaði á brosi.
Mín fyrsta minning af Einari
Trausta var þar sem hann hjólaði
um bæinn á nýja hjólinu sínu,
honum þótti greinilega gaman að
hjóla og var hann ekkert lítið öf-
undaður af hjólinu á þeim tíma.
Einar Trausti hafði mikinn
áhuga á íþróttum og náði hann
mjög góðum árangri á þeim vett-
vangi. Það sannaðist best þegar
hann fór á ólympíuleika fatlaðra í
Sydney og stóð sig þar með mik-
illi prýði. Ég veit að einhverjir í
bekknum öfunduðu hann af að fá
að fara alla leið til Ástralíu en öll
vorum við ótrúlega stolt af hon-
um. Við árgangsfélagarnir hitt-
umst haustið 2009 og að vanda
var mikið glens og gaman. Einar
Trausti skemmti sér eins og flest-
allir vel þetta kvöld og talaði mik-
ið um það að við ættum að hittast
oftar. Ekki grunaði okkur að í
næsta sinn er við hittumst yrði
einum færra í hópnum. Það er
djúpt skarð höggvið í okkar hóp
en minning um ljúfan brosandi og
glaðan dreng fylgir okkur.
Fjölskyldu Einars Trausta
sendum við okkar dýpstu samúð-
arkveðjur. Hugur okkar er hjá
ykkur á þessum erfiðu tímum.
Farðu í friði vinur minn kær
faðirinn mun þig geyma.
Um aldur og ævi þú verður
mér nær
aldrei ég skal þér gleyma.
svo vöknum við með sól að
morgni.
(Bubbi Morthens.)
Fyrir hönd ’82 árgangsins úr
Grunnskóla Borgarness
Dagný Pétursdóttir.
Fyrstu kynnin mín af Einari
Trausta Sveinssyni voru þegar
ég kenndi bekknum hans leikfimi
í Grunnskóla Borgarness. Í hug-
anum er sérstaklega einn tími
eftirminnilegur. Ég var búinn að
ákveða tímatöku í 20 m hlaupi.
Allir voru spenntir og ákveðnir
að gera sitt besta. Á meðan börn-
in voru að hita upp varð ég dálítið
hugsi. Einn drengurinn í bekkn-
um hafði ekki jafna möguleika og
hinir. Hann á erfitt með hlaup því
ökklar hans eru bundnir – eru
spastískir. Ég kom með hug-
mynd sem börnin samþykkja og
drengurinn brosti. Hann þarf
ekki að hlaupa eins langt og hin.
Þau hlaupa þrjú og þrjú og sá
fyrsti kemst í lokahlaupið. Í lokin
hlaupa fjögur og einn þeirra er
Einar Trausti. Mikið siguróp
gellur við hjá börnunum þegar
hann er fyrstur yfir marklínuna.
Öll samgleðjast þau honum inni-
lega og andlit hans ljómaði af
gleði.
Þannig var Einar Trausti.
Virtist alltaf glaður og brosandi
og lagði sig að fullnustu fram við
allt sem lagt var fyrir bekkinn.
Gerði raunar miklu meira en
hægt var að ætlast til af honum
miðað við hans fötlun. Seinna
æfði hann af kappi botsía og aðr-
ar íþróttagreinar hjá Íþrótta-
félaginu Kveldúlfi í Borgarnesi.
Hann hóf að æfa frjálsar íþróttir
undir stjórn Írisar Grönfeldt og
náði frábærum árangri á alþjóða-
mótum fyrir fatlaða í kastgrein-
um. Átti til dæmis Norðurlanda-
met í spjótkasti í sínum flokki og
keppti á Ólympíuleikunum í
Sydney. Fyrir afrek sín var Ein-
ar Trausti kosinn Íþróttamaður
UMSB árið 2000.
Nú hefur þessi brosmildi og
elskulegi drengur verið kallaður í
annan heim allt of fljótt. Í hug-
anum situr eftir minning um ung-
an mann sem lagði sig fram við
allt sem hann gerði og kvartaði
aldrei. Blessuð sé minning hans.
Ég bið góðan Guð að styrkja ætt-
ingja og vini í sorg þeirra. Minn-
ing um góðan dreng mun lifa um
ókominn tíma.
Ingimundur.
Það er mjög erfitt að vita að þú
sért farinn. Þú varst svo hug-
rakkur og duglegur. Þér gekk
rosa vel í frjálsum, enda gafstu
aldrei upp, sama hvað. Og þú
kvartaðir aldrei yfir neinu, varst
alltaf bara ánægður. Er stolt að
geta sagt að þú hafir verið frændi
minn. Þú varst æðislegasti, já-
kvæðasti, brosmildasti, glaðleg-
asti frændi og alltaf hlæjandi. Þú
smitaðir alltaf frá þér brosi. Ég
er samt ánægð að vita til þess að
þú sért á svona góðum og hlýjum
stað. Ég veit að þér líður örugg-
lega bara mjög vel þarna uppi.
Ég á eftir að sakna þess að geta
talað við þig og knúsað þig. Þú
verður nú samt alltaf til staðar,
ég veit það. Mér líður betur að
hugsa bara um góðu stundirnar
og minningarnar sem við áttum
saman. Þær eru óteljandi. Ég hef
alltaf elskað þig og mun alltaf
gera. Ég mun hugsa um þig alla
daga. Þú varst frábær frændi og
góður vinur. Þín verður sárt
saknað. Hvíldu í friði, elsku Ein-
ar frændi.
Svanhildur frænka.
Frjálsíþróttamaðurinn Einar
Trausti Sveinsson er fallinn frá
aðeins 29 ára að aldri. Einar
Trausti skipaði hóp vaskra ungra
frjálsíþróttamanna úr röðum
fatlaðra sem gerðu garðinn fræg-
an í kringum aldamótin síðustu.
Sín fyrstu spor í þátttöku á al-
þjóðavettvangi steig Einar
Trausti, líkt og allir fremstu
íþróttamenn úr röðum fatlaðra, á
norrænum barna- og unglinga-
mótum. Árið 1998, þá aðeins 16
ára gamall, vann hann til brons-
verðlauna á heimsmeistaramóti
fatlaðra sem fram fór í Englandi
og ári síðar til silfurverðlauna á
Evrópumeistaramóti spastískra,
sem einnig fór fram í Englandi.
Árið 2000 var Einar Trausti með-
al sex keppenda frá Íslandi sem
þátt tóku í ólympíumóti fatlaðra
sem fram fór í Sydney. Meiðsli
höfðu þá um skeið háð honum
sem komu í veg fyrir að hann
væri þar í baráttu um verðlauna-
sæti. Einar Trausti, sem keppti í
fötlunarflokki F35, setti Íslands-
met í spjótkasti, kringlukasti og
kúluvarpi sem enn standa.
Margs er að minnast frá því
miður allt of stuttum íþróttaferli
Einars Trausta þar sem ávallt
var stutt í brosið þó að á móti
blési. Þannig var hann hvers
manns hugljúfi, glaðlyndur og
góður drengur.
Íþróttasamband fatlaðra færir
aðstandendum Einars Trausta
sínar innilegustu samúðarkveðj-
ur.
Fyrir hönd Íþróttasambands
fatlaðra,
Sveinn Áki Lúðvíks-
son formaður.
Elsku vinur. Kveðjustundin er
komin allt of snemma fyrir ungan
glaðlegan mann sem okkur þótti
öllum svo vænt um.
Þú varst ekki bara vinnufélagi
okkar, þú varst félagi og vinur í
leik og starfi, þú varst alltaf bros-
andi og tókst á móti öllum með
hlýju og fallegu brosi, þú hafðir
þessa fallegu útgeislun svo að
fólk laðaðist að þér. Skemmtileg-
ur húmor og hlátur þinn gerði
það að verkum að það var aldrei
leiðinlegt í vinnunni með þér.
Minningarnar um þig eru margar
og ljúfar, þær munum við geyma
í hjörtum okkar alla tíð, þakklát
fyrir þau forréttindi að fá að hafa
fengið að kynnast þér. Aðstand-
endum vottum við okkar dýpstu
samúð.
Samstarfsfólk á Olís, Borgar-
nesi,
Ólöf, Vigdís, Aðalsteinn,
Silvía, María, Lilja, Birkir,
Skúli, Maren, Auður, Elín,
Ólafur Magnús.
Morgunblaðið birtir minn-
ingargreinar endurgjalds-
laust alla útgáfudaga.
Skil | Greinarnar skal senda í
gegnum vefsíðu Morgunblaðsins.
Smellt á reitinn Senda inn efni á
forsíðu mbl.is og viðeigandi efn-
isliður valinn.
Skilafrestur | Ef óskað er eftir
birtingu á útfarardegi verður
greinin að hafa borist eigi síðar
en á hádegi tveimur virkum dög-
um fyrr (á föstudegi ef útför er á
mánudegi eða þriðjudegi).
Þar sem pláss er takmarkað get-
ur birting dregist, enda þótt
grein berist áður en skilafrestur
rennur út.
Lengd | Minningargreinar sem
birtast í Morgunblaðinu séu ekki
lengri en 3.000 slög.
Minningargreinar

Elskulegur sambýlismaður minn, fósturfaðir,
sonur, bróðir, mágur og frændi,
JÓHANN EINARSSON,
Blikastöðum 1,
Mosfellsbæ,
andaðist föstudaginn 25. febrúar.
Útförin fer fram í Fríkirkjunni í Reykjavík mánudaginn 7. mars
kl 15.00.
Vilborg Kristinsdóttir,
Kristinn Ingólfsson,
Svana Ingólfsdóttir,
Héðinn Þór Ingólfsson,
Þráinn Ingólfsson,
Einar Jóhann Jónsson,
Hans Ágúst Einarsson, Oddný Þóra Helgadóttir,
Ingólfur Kristinn Einarsson, Halldóra Tryggvadóttir,
Helgi Einarsson, Heiðrún Hauksdóttir
og aðrir aðstendendur.
✝
Elskulega eiginkona mín, móðir okkar,
tengdamóðir, amma og langamma frá
Nýjabæ á Seltjarnarnesi,
GUÐRÚN JÓNSDÓTTIR,
Lindarbraut 29,
(Nýlendu),
Seltjarnarnesi,
lést á heimili sínu þriðjudaginn 1. mars.
Útförin hefur farið fram í kyrrþey að ósk hinnar látnu.
Snæbjörn Ásgeirsson,
Bryndís Snæbjörnsdóttir, Mark Wilson,
Jón Snæbjörnsson, Soffía Guðmundsdóttir
Ásgeir Snæbjörnsson, Guðný Hreinsdóttir,
barnabörn, barnabarnabörn
og aðrir aðstandendur.
✝
Elskulegur eiginmaður minn, faðir okkar,
tengdafaðir, afi og langafi,
SNORRI ÞORGEIRSSON
frá Helgafelli,
Löngulínu 29,
Garðabæ,
fyrrum ökukennari og bílstjóri í Stykkishólmi,
lést á Landspítalanum í Fossvogi föstudaginn 25. febrúar.
Útförin fer fram frá Víðistaðakirkju, Hafnarfirði, þriðjudaginn
8. mars kl. 13.00.
Bjarnfríður Sverrisdóttir,
Steinar Þór Snorrason, Jóhanna Lára Óttarsdóttir,
Þorgeir Ingiberg Snorrason, Sörína Vilhjálmsdóttir,
Sigurborg Sóley Snorradóttir, Svavar Halldórsson,
Ólafur Sverrir Snorrason, Svandís Þrastardóttir,
barnabörn og barnabarnabörn.
✝
Ástkær eiginkona mín, móðir okkar,
tengdamóðir, amma og langamma,
GUÐFINNA ÓSKARSDÓTTIR,
Blómsturvöllum 8,
Grindavík,
sem lést miðvikudaginn 2. mars á Heil-
brigðisstofnun Suðurnesja,
verður jarðsungin frá Grindavíkurkirkju föstudaginn 11. mars
kl. 14.00. Þeim sem vilja minnast hennar er bent á
líknarsjóð Grindavíkurkirkju.
Guðmundur Ó. Ívarsson,
Magnús Guðmundsson, Hulda Halldórsdóttir,
Margeir Guðmundsson, Marisa S. Sicat,
María Guðmundsdóttir, Unnar Ragnarsson,
Guðný Guðmundsdóttir, Hersir Sigurgeirsson,
Bragi Guðmundsson, Valgerður Þorvaldsdóttir,
barnabörn og barnabarnabörn.
✝
Elskulegur sonur minn, faðir okkar, bróðir,
mágur og barnabarn,
KÁRI HALLSSON,
Krummahólum 6,
Reykjavík,
lést á gjörgæsludeild Landspítala, Fossvogi
þriðjudaginn 1. mars.
Útför hans fer fram frá Bústaðakirkju fimmtudaginn 10. mars
kl. 13.00.
Brynhildur Káradóttir,
Gabríel Víðir,
Sævar Freyr,
Brynjar Guðmundsson, Linda S. Guðmundsdóttir,
Fannar Ingi Guðmundsson,
Berglind R. Guðmundsdóttir, Hámundur Ö. Helgason,
Kolbrún Ingjaldsdóttir, Kári Snorrason.