Morgunblaðið - 05.03.2011, Blaðsíða 46

46 MENNING
MORGUNBLAÐIÐ LAUGARDAGUR 5. MARS 2011
Einar Falur Ingólfsson
efi@mbl.is
Á lokatónleikum tónleikaraðar
Tríós Reykjavíkur í Hafnarborg á
morgun verður frumflutt verkið
„Eflaust“ eftir Halldór Smárason
tónsmíðanema við Listaháskóla Ís-
lands. Tríóið er staðarkammer-
hópur skólans og í haust var efnt til
samkeppni meðal nemenda um verk
fyrir tríóið, þar sem Halldór bar
sigur út býtum.
„Þegar ég heyrði af samkeppn-
inni lagðist ég undir feld og fór að
semja,“ segir Halldór. Hann er 21
árs gamall, fæddur á Ísafirði þar
sem hann lauk framhaldsnámi í pí-
aníoleik samfara stúdentsprófi vorið
2009. Hann stefnir á að ljúka BA-
gráðu í tónsmíðum vorið 2012.
„Þetta var spennandi tækifæri og
mikilvæg hvatning fyrir mig, og ef-
laust einnig fyrir hina sem sendu
inn, til að búa til tónlist,“ segir Hall-
dór um samkeppnina. Hann vann í
nokkra mánuði að verkinu.
Þetta er fyrsta skipti sem Hall-
dór semur fyrir tríó í þessari mynd.
„Ég hef samið fyrir allrahanda
hljóðfæraskipan og stundum fyrir
söng; mér finnst gaman að prófa að
semja fyrir ólíkar hljóðfærasam-
setningar. Síðasta verk sem ég
samdi var kammerverk fyrir saxó-
fón, horn, slagverk, selló; fyrir ýmis
ólík hljóðfæri.
Þetta var líka viss áskorun að
semja fyrir píanótríó, því hvað
hljóðfærin eru fá gerir verkið að
vissu leyti erfiðara, að hafa tónefnið
áhugavert.“
Þegar Halldór samdi verkið hafði
hann í huga sögu pilts sem framdi
voðaverk.
„Ég var með vissan atburð í huga
og var undir miklum áhrifum frá
honum. Ég er þó ekki viss um að
áheyrandinn skynji það, enda býður
verkið upp á allrahanda túlkun.“
Tónsmíðanámið segir Halldór að
sé suðupottur hugmynda.
„Maður leyfir sér ýmislegt og
prófar allt sem kemur til greina;
þetta er mikil tilraunastarfsemi. Ég
er bæði að kynnast sjálfum mér og
tónlistinni. Þetta er virkilega
skemmtilegt nám og að fá tækifæri
til að vinna með fagfólki eins og í
Tríói Reykjavíkur er gullmoli í
reynslubankann,“ segir hann.
Morgunblaðið/Árni Sæberg
Tríó Reykjavíkur og tónskáldið Meter Máté, Guðný Guðmundsdóttir, Halldór Smárason og Gunnar Kvaran.
Samstarfið er gullmoli
í reynslubankann
 Halldór Smárason samdi verk fyrir Tríó Reykjavíkur
Á tónleikum Tríós Reykjavíkur í
Hafnarborg kl. 20 á morgun,
sunnudag, verður frumflutt
verkið „Efalaust“ eftir Halldór
Smárason, nema í tónsmíðum
við LHÍ. Á efnisskránni eru einn-
ig „Erkihertogatríóið“ eftir Lud-
vig van Beethoven og tríó nr. 2 í
e-moll eftir Dmitri Shostako-
vich.
Nýtt verk og
tvö klassísk
TÓNLEIKAR Í HAFNARBORG
Samsláttur leiklistar ogmyndlistar tekur á sigóvænta og skemmtilegamynd á sýningu Gunn-
hildar Hauksdóttur og Kristínar
Ómarsdóttur í Listasafni ASÍ, Ás-
mundarsal, sem lýkur nú um
helgina.
Gunnhildur og Kristín auglýstu
eftir fólki til að taka þátt í gjörningi
þar sem farið er með ákveðnar rull-
ur í breytanlegri leikmynd. Gjörn-
ingarnir eru nú sýndir á skjám og
varpað á vegg inni í leikmyndinni
og kemur það vel út í heildarmynd-
inni sem er einstaklega rík af fal-
legum leikmunum.
Leiksviðið og leikmunirnir eru í
þessari sýningu einnig myndlistar-
verk og myndlistarinnsetning. Þess
vegna er auðvitað út í hött að segja
að verkið sé of leikhúslegt eða eitt-
hvað á þá leið þó manni finnist það.
Samsláttur listgreinanna er vissu-
lega áhugaverður, sérstaklega þeg-
ar kemur að leikmynd sem innsetn-
ingu. Í dag er hægt að segja sem
svo að fyrstu landslagsmálverk
þjóðarinnar hafi verið máluð leik-
tjöld þótt leiktjöld hafi auðvitað lot-
ið öðrum lögmálum en málverk við
lok átjándu aldar. Í dag eru mynd-
list og myndlistarinnsetningar
miklu nátengdari hugmyndinni um
leikhús þótt það sé kannski meira:
hugmyndinni um leikhús lífsins.
Í listrýminu ægir saman hinum
furðulegustu hlutum innan um tvö
stór tré sem eru farin að laufgast
enda í vatnsbölum og jafnvel nær-
ingu í æð. Hér má sjá snöru og
slitna rólu, hvalskíði á skildi, út-
skorin bein, netakúlur og dekk
ásamt blöðum með textarullum sem
eru víða í rýminu. Textarullurnar
vísa ljóðrænt í gamla tíma, t.d. í
gömul tilfinningahlaðin réttlætismál
kvennabaráttunnar sem virðast út-
kljáð en eru það kannski samt ekki.
Sýningin er innileg, falleg og
upplífgandi, fer mjög vel saman
með sýningum Páls Hauks Björns-
sonar í Gryfju og Curvers Thorodd-
sens í Arinstofu þar sem heimspeki-
legur undirtónn og fjölskylduvænn
lífrænn samtónn óma saman.
Lifandi leikmynd
Morgunblaðið/RAX
Kristín og Gunnhildur „Sýningin er innileg, falleg og upplífgandi.“
Gjöf til þín, yðar hátign
bbbmn
Gunnhildur Hauksdóttir og Kristín Óm-
arsdóttir, innsetning og myndbönd
Listasafn ASÍ Freyjugötu 41
Sýningin stendur til 6. mars. Opið alla
daga nema mánudaga kl.13-17. Aðgang-
ur ókeypis.
ÞÓRA
ÞÓRISDÓTTIR
MYNDLIST
„Féþúfur og lásagrös“ er heiti sýn-
ingar sem Ólöf Nordal opnar í
Suðsuðvestur við Hafnargötu 22 í
Keflavík, klukkan 16 í dag. Á sýn-
ingunni er að finna fjögurra blaða
smára frá síðasta sumri og ljós-
myndir af fuglaþúfum.
„Ég sýni
myndir af fugla-
þúfum, sem sum-
ir kalla haugþúf-
ur,“ segir Ólöf.
„Þessar þúfur
myndast efst í
landslagi og
þarna sitja fugl-
ar og horfa yfir.
Þegar þeir fljúga
upp drita þeir
smá og smám saman byggjast þúf-
urnar upp, á hundruðum ára.“
Þúfurnar eru skúlptúrískar í eðli
sínu. „Þetta er þolinmóður skúlptúr
sem byggist upp á tíma,“ segir hún.
„Þetta er eins og hið þolinmóða
fjármagn.“
Heiti sýningarinnar, Féþúfur,
vísar í hina kunnu þjóðsögu um
marbendil þar sem bóndinn gefur
lítið fyrir féþúfuna í túninu heima.
„Þúfan heima reynist hin eigin-
lega gullnáma,“ segir Ólöf og vísar
á vissan hátt í atburði síðustu ára á
Suðurnesjum, meðal annars átök
um stefnu í atvinnuuppbyggingu.
Í hinum sal sýningarrýmisins eru
síðan 27 fjögurra og fimm laufa
smárar frá síðasta sumri, en þessir
smárar hafa ýmsar vísanir, meðal
annars í merki Sparisjóðsins í
Keflavík sem hefur siglt ólgusjó síð-
ustu misserin.
„Það eru ýmsar vísanir og teng-
ingar í þessum verkum,“ segir Ólöf.
„Þetta eru þurrkaðir og press-
aðir smárar. Með heiti þeirra, lása-
grös, er ég aftur komin inn í þjóð-
trúna. Í þjóðsögum Jóns Árnasonar
segir að það sé hægt að nota fjög-
urra laufa smára til að opna lása.
Lásagrös veita aðgang að öllum
læstum hirslum, fyrir utan að þau
láta óskir rætast.
Svo segir einnig: Nota bene, fjög-
urra laufa smárar eru ekki til, en
það gerir þá svo kraftmikla.“
efi@mbl.is
Sýnir féþúfur og
fjögurra laufa smára
Fuglaþúfa Eitt verka Ólafar Nordal
á sýningunni í Suðsuðvestur.
Ólöf Nordal
Háskólakórinn og Ungfónía – sinfóníuhljómsveit unga
fólksins, sameinast við flutning hins þekkta verks Carls
Orffs, Carmina Burana, nú um helgina. Verkið verður
flutt á þrennum tónleikum í Langholtskirkju, í dag,
laugardag, og á morgun, sunnudag, klukkan 17 báða
dagana, og á mánudagskvöldið klukkan 20.
Stjórnandi er Gunnsteinn Ólafsson. Gunnhildur Daða-
dóttir er einleikari á fiðlu en einsöngvarar eru þau
Bylgja Dís Gunnarsdóttir sópran, Hlöðver Sigurðsson
tenór, Jón Svavar Jósefsson baritón og Pétur Úlfarsson
drengjasópran sem er ellefu ára.
Alls koma um 150 ungmenni að flutningi verksins. Í
Háskólakórnum eru nemendur úr ýmsum menntastofnunum á háskólastigi
en Ungfónía er skipuð nemum úr tónlistarskólum hér á landi og erlendis.
Flytja Carmina Burana
Gunnsteinn
Ólafsson
–– Meira fyrir lesendur
:
Morgunblaðið gefur út glæsilegt sérblað
um HönnunarMars 23.mars.
Á HönnunarMars gefst tækifæri til að skoða úrval af
þeim fjölbreytilegu verkefnum sem íslenskir hönnuðir og
arkitektar starfa við.
Katrín Theódórsdóttir
Sími 569 1105
kata@mbl.is
NÁNARI UPPLÝSINGAR GEFUR:
PÖNTUNARTÍMI AUGLÝSINGA:
Fyrir kl. 16, FIMMTUDAGINN
17. MARS
Meðal efnis :
Hönnuðir,arkitektar og aðrir þátt-
takendur.
Ný íslensk hönnunn.
Húsgögn og innanhúshönnun.
Skipuleggjendur og saga hönnun-
arMars.
Dagskráin í ár.
Afrakstur fyrir hátíðinna.
Erlendir gestir á hátíðinni.
Ásamt fullt af öðru spennandi
efni um hönnun.
HönnunarMars
SÉRBLAÐ