Morgunblaðið - 03.09.2011, Side 4

4 FRÉTTIRInnlent
MORGUNBLAÐIÐ LAUGARDAGUR 3. SEPTEMBER 2011
BAKSVIÐ
Steinþór Guðbjartsson
steinthor@mbl.is
Bætt heilsa vegna heilsueflandi
íhlutunar getur haft áhrif á
námsframmistöðu, ekki síst hjá
börnum sem annars hreyfa sig
minna en önnur börn og stunda
lítið eða alls ekki frjálst íþrótta-
starf utan skóla. Þetta eru helstu
niðurstöður rannsóknarinnar
„The Effect of a Health Int-
ervention on Academic Achieve-
ment: A Study in 7-9 year old
Icelandic Children“ sem er loka-
verkefni Katrínar Gunnarsdóttur
í meistaranámi í heilsuhagfræði
við Háskóla Íslands.
Kynjamunur
Markmið rannsóknarinnar var
að skoða samband námsárangurs
og heilsu barna með áherslu á þá
tilgátu að bætt heilsa vegna
heilsueflandi íhlutunar gæri haft
áhrif á námsframmistöðu. Byggt
var á rannsókn HÍ um lífsstíl 7-9
ára barna, sem var framkvæmd
2006-2008. Upplýsingar um náms-
árangur fengust hjá Námsmats-
stofnun og var byggt á einkunn-
um úr samræmdum prófum í 4.
bekk í íslensku og stærðfræði.
Katrín segir að niðurstöðurnar
sýni að einkunnir í íslensku séu
töluvert hærri hjá börnum í íhlut-
unarhópi. „Það eru marktæk já-
kvæð áhrif af þessari íhlutun,“
segir hún en bendir á að sömu
niðurstöður hafi ekki verið í sam-
bandi við stærðfræðina. Það þurfi
að skoða betur. Hins vegar hafi
meiri menntun og auknar tekjur
foreldra líka jákvæð áhrif á
námsárangur. Hún segir athygl-
isvert að töluverður munur hafi
verið á námsárangri stráka og
stelpna hvað þetta varðar og hafi
menntun móður haft mun meiri
áhrif á námsárangur hjá strákun-
um. Þessi kynjamunur sé merki-
legur vegna þess að almenna
skólakerfið miði að því að strák-
ar og stelpur fái sömu meðferð í
skóla. „Það er vert að rann-
saka frekar þennan mun á
kynjunum og sérstaklega í
ljósi þess að strákar
standa sig verr í námi á
öllum skólastigum á Ís-
landi.“
Katrín er menntaður dans-
ari og danshöfundur frá
ArtEZ í Hollandi en
leiðbeinandi hennar í
rannsókninni er
Tinna Laufey Ás-
geirsdóttir.
Heilsueflandi íhlutun
og námsárangur
 Einkunnir í íslensku töluvert hærri í íhlutunarhópi
Morgunblaðið/Kristinn
Dansandi heilsuhagfræðingur Katrín Gunnarsdóttir er að leggja lokahönd á meistaraverkefni sitt.
„Stjórnvöld fóru að lögum við þessa
ákvörðun og við vísum fullyrðingum
um annað á bug,“ segir Gunnar Þ.
Andersen, forstjóri Fjármálaeftir-
litsins, um ákvörðun FME varðandi
stofnun SpKef sparisjóðs og ráðstöf-
un eigna og skulda sparisjóðsins.
Í Morgunblaðinu í gær kom fram
að Árný J. Guðmundsdóttir lögfræð-
ingur hjá Rökstólum ehf., fékk þau
svör frá FME að engin skrifleg gögn
lægju fyrir hjá stofnuninni um
hvernig FME komst að þeirri nið-
urstöðu að heimild til að stofna
SpKef sparisjóð og veita honum
starfsleyfi byggðist á lögjöfnun.
Afrakstur vinnu sérfræð-
ingahóps innan FME
„Þetta er komið út í einhverja smá
hártogun. Það er öllum frjálst að
hafa skoðun á hverju sem er en þessi
ákvörðun um ráðstöfun eigna og
skulda Sparisjóðsins í Keflavík var
tekin að vel athuguðu máli af stjórn
Fjármálaeftirlitsins,“ segir Gunnar.
„Það er meðal annars svo að það eru
tveir lögfræðingar í stjórn og [þetta]
var afrakstur vinnu sérfræðinga-
hóps innan Fjármálaeftirlitsins. Það
hafa engin rök komið fram sem hafa
hnekkt þessu áliti þeirra,“ segir
Gunnar.
Hann segir að FME geti eðli máls
samkvæmt ekki nema að takmörk-
uðu leyti staðið í skoðanaskiptum um
einstök mál eða um afmörkuð atriði
sem felast í ákvörðunum.
„Það eru heilmikil gögn“
Gunnar var spurður hvort engin
gögn væru til um þessa ákvörðun
eins og segir í svarinu til Árnýjar,
sem sagði í Morgunblaðinu í gær að
þetta benti ekki til að vandað hefði
verið til verks.
„Það eru heilmikil gögn. Það er
vönduð ákvörðun sem liggur fyrir og
það er afrakstur þessa hóps og lýsir
og rekur forsendurnar í ákvörðunar-
ferli stjórnar. Ég held að það sé al-
veg skýrt,“ segir Gunnar.
Segir ákvörðunina vel rök-
studda og birta á vefsíðu FME
Spurður hvort Árný hafi þá ekki
fengið öll gögn sem hún bað um segir
Gunnar að þessi ákvörðun sé á vef-
síðu FME „og er vel rökstudd þar.
Hún þekkir sjálf hvernig vinnu-
brögðin eru hér innan dyra því hún
var sjálf starfsmaður eins og komið
hefur fram í ykkar blaði og var
reyndar þar þegar þetta var gert.“
Árný hefur fært ítarleg rök fyrir
þeirri skoðun sinni að ekki hafi verið
lagaheimild fyrir því að stofna og
veita SpKef starfsleyfi með þeim
hætti sem gert var. Bæði fjármála-
ráðherra og FME hafa hafnað þessu
og fullyrt að ákvörðun um að stofna
sjóðinn hafi byggst á lögum, en einn-
ig lögjöfnun. omfr@mbl.is
Segir ákvörðun
FME tekna að vel
athuguðu máli
 Forstjóri FME segir engin rök hafa
hnekkt áliti sérfræðinga varðandi SpKef
Morgunblaðið/Eyþór
Fjármálaeftirlitið Forstjóri FME
segir stjórnvöld hafa farið að lögum.
Vísað í upplýsingalög
» Árný J. Guðmundsdóttir
óskaði eftir því við FME með
vísan til upplýsingalaga, að fá
að sjá þau gögn sem FME
byggði á þegar stofnunin skoð-
aði hvort hægt væri að stofna
SpKef og veita honum sjálf-
krafa starfsleyfi með lögjöfn-
un.
» Í svarbréfi FME til hennar
segir orðrétt: „Fjármálaeft-
irlitið hefur ekki undir höndum
gögn er varða stofnun SpKef
sparisjóðs með lögjöfnun.“
Baldur Arnarson
baldura@mbl.is
Af tæplega 4.000 umsækjendum um
greiðsluaðlögun veit umboðsmaður
skuldara um u.þ.b. tíu tilfelli þar sem
umsækjendur hafa ekki lagt fyrir
tekjur umfram nauðsynlegan fram-
færslukostnað.
Upplýstir um skyldur sínar
Svanborg Sigmarsdóttir, talsmað-
ur umboðsmanns skuldara, svarar
því aðspurð til að fátítt sé að umsækj-
endur virði ekki reglur.
„Það hefur því ekki verið mikið
vandamál til þessa að fólk leggi ekki
fyrir. Umboðsmaður skuldara hefur
lagt ríka áherslu á að upplýsa um-
sækjendur um
þessar skyldur
sínar, meðal ann-
ars með því að
senda umsækj-
endum í greiðslu-
skjóli bréf, þar
sem þessi skylda
er ítrekuð. Komi í
ljós að fólk er ekki
að leggja fyrir,
eins og það ætti að
geta gert miðað við tekjur, getur það
haft dýrar og alvarlegar afleiðingar.
Umsjónarmenn leggja þá til að
greiðsluaðlögunarumleitanir verði
felldar niður, þar sem umsækjandi
hafi brugðist skyldum sínum,“ segir
Svanborg og bendir á að frystar
greiðslur gufi ekki upp í kerfinu.
„Við það fellur greiðsluskjólið nið-
ur og umsækjandi verður þá að
greiða allar ógreiddu skuldirnar sem
voru í frosti á meðan frestun
greiðslna varaði. Þetta geta orðið
verulegar upphæðir, þrátt fyrir að
dráttarvextir leggist ekki ofan á
skuld á skjólstímabilinu, sérstaklega
fyrir þá sem ekki hafa greitt af hús-
næðislánum í einhverja mánuði.“
Verulegar afleiðingar
Hún varar við afleiðingunum.
„Ef ástæðan fyrir því að greiðslu-
aðlögun kemst ekki á er sú að fólk
lagði ekkert fyrir getur það lent í
verulegum erfiðleikum við að standa
skil á þeim skuldum.“
Langflestir umsækjendur
sýna ráðdeild og safna fé
Svanborg
Sigmarsdóttir
 Brotabrot fer ekki eftir skilyrðum greiðsluaðlögunar
Íhlutunarrannsókn Háskóla Ís-
lands og sex grunnskóla frá
hausti 2006 til vors 2008 er
viðamesta rannsókn sem gerð
hefur verið í íslenskum grunn-
skólum.
Erlingur Jóhannesson, pró-
fessor í íþrótta- og heilsufræði
við HÍ, hafði yfirumsjón með
rannsókninni, sem hafði það að
markmiði að auka hreyfingu
barna og stuðla að hollu og
góðu mataræði þeirra. Markmið
hreyfiíhlutunarinnar var að
auka vægi hreyfingar í almennu
skólastarfi. Næringaríhlutunin
fólst meðal annars í nær-
ingarfræðikennslu og
verklegum æfingum.
Jákvæð áhrif
hreyfingar
ÍHLUTUNARRANNSÓKN
Með breyttu hugarfari getur þú öðlast
það líf sem þú óskar þér.
NLP er notað af fólki um allan heim sem
hefur náð frábærum árangri í lífinu.
NLP er öflugasta sjálfstyrkingarnámskeið
sem völ er á.
Námskeið í NLP tækni verður haldið
23. - 25.sept. og 30.sept - 2.okt. 2011
www.karieythors.is; rosamatt@gmail.com; Sími: 894-2992
NLP Practitioner
„Hugurinn ber þig alla leið“
- Er sjálfstraustið í ólagi?
- Viltu betri líðan?
- Skilja þig fáir?
- Viltu vinna bug á einhverju í fari þínu?
- Gengur öðrum betur í lífinu en þér?
- Gengur illa að klára verkefni?
- Er erfitt að höndla gagnrýni?
© Kári Eyþórs.
Kári Eyþórsson MPNLP