Morgunblaðið - 03.09.2011, Blaðsíða 22

22 FRÉTTIRViðskipti | Atvinnulíf
MORGUNBLAÐIÐ LAUGARDAGUR 3. SEPTEMBER 2011
: : 535_1000.is
Grunnur að góðu lífi
: : 535_1000
EINSTÖK EIGN – MIKLIR MÖGULEIKAR
Vonarland við Sogaveg
Til sölu virðulegt 581 fm einbýlishús á stórri skógi vaxinni lóð með
skemmtilegri aðkomu miðsvæðis í borginni. Í húsinu eru nú stórar og
fallegar stofur, eldhús, 3 baðherbergi, fjölmörg herbergi, íþróttasalur,
heitur pottur, gufa, mikið geymslurými, þvottahús o.fl. Húsið stendur á
2.300 fm skógi vaxinni lóð og því fylgir einnig önnur samliggjandi 3.700 fm lóð, einnig skógi vaxin. Hægt væri að
skipta húsinu upp í nokkrar íbúðir. Lóðin er einstök með tilliti til staðsetningar og stærðar og býður upp á ýmiskon-
ar tækifæri til uppbyggingar. Hugmyndir að skipulagsbreytingum til að fá byggingarétt á lóðinni hafa fengið
jákvæðar undirtektir hjá skipulagsyfirvöldum borgarinnar. Eign sem býður upp á mikla möguleika, t.d. fyrir stórfjöl-
skylduna, fjárfesta, byggingaverktaka, félagasamtök, sendiráð o.fl.
Allar nánari upplýsingar á skrifstofu Stakfells.
Aðalheiður Karlsdóttir
lögg. fasteignasali
stakfell.is Fax 535 1009
Fasteignasala . Íbúðarhúsnæði . Skúlatún 2 . 105 Rvk
VIÐTAL
Örn Arnarson
ornarnar@mbl.is
Måns Höglund, stjórnarmaður í
Arion-banka, segir brýnasta verk-
efni íslenska bankakerfisins í dag
vera að endurreisa traust almenn-
ings á fjármálafyrirtækjum. Hög-
lund, sem tók sæti í stjórn bank-
ans fyrir fimm mánuðum, segir að
margt hafi áunnist í þeim efnum
en hinsvegar sé um að ræða mikið
verk sem muni taka nokkur ár að
ljúka við. Hann segist hinsvegar
sannfærður um að Arion-banki
verði vel í stakk búinn til að styðja
við bakið á íslensku efnahagskerfi
þegar það loks tekur að rétta úr
kútnum.
Höglund hefur starfað sem
bankamaður á alþjóðavettvangi í
tæpa fjóra áratugi. Hann þekkir
vel til á Íslandi en hann var svæð-
isstjóri fyrir Ísland, Danmörku og
Færeyjar fyrir breska bankann
Hambros á árunum 1980 til 1983.
Höglund segist eiga góðar minn-
ingar frá þeim tíma en Hambros
var þá umsvifamikill í viðskiptum
við íslensk fyrirtæki. Meðal verk-
efna sem hann kom að var fjár-
mögnun fjárfestinga íslensku sölu-
samtakanna í fiskiðjuverum í
Bretlandi og Bandaríkjunum, fjár-
mögnun skipakaupa og lánveiting-
ar til íslensku bankanna en auk
þess var Hambros í miklum við-
skiptum við Samband íslenskra
samvinnufélaga eða Sambandið
eins og það var einatt kallað.
Í ljósi þessarar reynslu blasir
við að fá álit Höglunds á stöðu ís-
lenska bankakerfisins í dag og
getu þess til þess að styðja við at-
vinnulífið. Þrátt fyrir bankahrunið
er íslenska bankakerfið enn þá
stórt miðað við landsframleiðslu,
sé litið til hefðbundinna mæli-
kvarða, en að sama skapi hefur
starfsemi þess ekki einkennst af
mikilli útlánastarfsemi til fjárfest-
ingar, enda hefur verið bent á að
þar sem íslensku viðskiptabank-
arnir séu fyrst og fremst fjár-
magnaðir með óbundnum innlán-
um þá búi þeir yfir takmarkaðri
getu til langtímafjármögnunar á
fjárfestingaverkefnum í atvinnulíf-
inu.
Bankarnir verða að fylgja at-
vinnulífinu en ekki öfugt
Höglund hefur um þetta að
segja að mestu máli skipti að eft-
irspurn eftir lánum í hagkerfinu sé
lítil, eins og sjáist í lítilli fjárfest-
ingu. Því sé afar mikilvægt að
bankarnir séu í stakk búnir að
styðja við bakið á efnahagslífinu
þegar eftirspurnin eykst á ný sam-
hliða vaxandi slagkrafti í hagkerf-
inu. Hann segir stjórn Arion hafa
einsett sér að bankinn verði í for-
ystu í þeirri þróun.
Höglund segir í þessu samhengi
það reynslu sína að farsælast sé að
bankakerfið vaxi í takt við efna-
hagslífið en ekki öfugt. Hann hafi
upplifað fleiri en eina fjármála-
kreppu í störfum sínum sem
bankamaður á Bretlandi og í Sví-
þjóð og segir þær eiga það sam-
merkt að rótina megi finna í út-
lánaþenslu sem óðavöxtur banka-
kerfisins leiddi til. Höglund segist
telja að það sama hafi gerst hér á
landi í aðdraganda hrunsins. Að-
spurður hvort stærð bankakerfis-
ins í dag bjóði ekki hættunni heim
þegar fram í sækir svarar Höglund
því til að bregðast verði við þessu
verði reyndin sú en leggur samt
áherslu á að bankakerfið verði að
hafa nægan styrk til að vera reiðu-
búið til að styðja við efnahagslífið
þegar hjól atvinnulífsins fara að
snúast á ný með fullum þunga.
Efasemdir um að evran henti
Svíum um þessar mundir
Höglund er búsettur um þessar
mundir í heimalandi sínu. Sem
kunnugt er hefur sænska hagkerf-
ið staðið að mestu leyti af sér þær
efnahagsþrengingar sem flest hag-
kerfi Vesturlanda hafa gengið í
gegnum á undanförnum árum.
Segja má að sænska hagkerfið
ásamt því tyrkneska séu þau hag-
kerfi Evrópu sem þar hafa skarað
fram úr. Hann segir að þakka
megi styrkri stjórn ríkisfjármála í
Svíþjóð þann árangur en bendir á
að sjálfstæð peningastjórn hafi
einnig stutt við bakið á sænskum
útflutningi. Þrátt fyrir það segir
hann vandann á meginlandinu ekki
stafa af tilvist sjálfrar evrunnar
heldur megi rekja vanda verst
stöddu evruríkjanna til mistaka við
stjórn efnahagsmála fremur en
hinnar sameiginlegu peningamála-
stefnu. Aðspurður um skoðun hans
á hvort Svíar ættu að taka upp
evru segist hann hinsvegar ekki
vera sannfærður um gildi þess.
Hann segist hafa stutt upptöku
þegar gengið var til þjóðaratkvæð-
isgreiðslu árið 2003 en mikið vatn
hefur runnið til sjávar síðan og
hann er ekki viss hvort hann
myndi greiða atkvæði með evrunni
ef um það væri kosið í dag.
Brýnast að endurheimta traustið
Morgunblaðið/Sigurgeir S.
Höglund Måns Höglund hefur starfað sem bankamaður á alþjóðavettvangi í tæpa fjóra áratugi.
 Måns Höglund, stjórnarmaður í Arion, sá um umsvifamikil viðskipti Hambros á Íslandi á níunda ára-
tugnum Atvinnulífið verður að ráða stærð bankanna  Efasemdir um að evran henti Svíum
Sviðsstjóri Hambros
» Måns Höglund starfaði hjá
breska bankanum Hambros á
áttunda og níunda áratugn-
um.
» Hann var sviðsstjóri fyrir
Ísland, Danmörku og Færeyjar
hjá Hambros frá árinu 1980
til 1983.
» Þar sá hann um viðskipti
bankans hér á landi sem
meðal annars fólust í fjár-
mögnun fjárfestinga sölu-
samtakanna erlendis, lánveit-
ingum til Sambandsins og til
íslenskra banka.
Gamli Landsbanki hefur krafist
gjaldþrotaskipta á búi Eignarhalds-
félagsins ISP ehf., sem er í eigu Ingi-
bjargar Stefaníu Pálmadóttur. Kraf-
an er gerð vegna ógreiddrar kröfu
upp á rúmlega 2,2 milljarða króna.
Þetta kemur fram í Lögbirtinga-
blaðinu, en fyrirtaka málsins hjá
héraðsdómi Reykjavíkur verður 5.
október næstkomandi.
Samkvæmt heimildum Morgun-
blaðsins er ekki talið vera mikið af
eignum í félaginu. Sem kunnugt er á
Ingibjörg og eignarhaldsfélög henn-
ar nærri því allt hlutafé í 365 miðlum
ehf., sem reka m.a. Stöð 2 og Frétta-
blaðið. Samkvæmt því sem Morgun-
blaðið kemst næst er Eignarhalds-
félagið ISP ehf. ekki eitt af þeim
eignarhaldsfélögum.
Hagnaðist á
gjaldeyrisviðskiptum
Um Eignarhaldsfélagið ISP ehf.
segir í skýrslu Rannsóknarnefndar
Alþingis að félagið hafi keypt 62,8
milljónir evra í framvirkum viðskipt-
um við Kaupþing í janúar 2008 eða
fyrir um 6 milljarða íslenskra króna
á þáverandi gengi. „Í júní sama ár
selur félagið svo megnið af þeim
gjaldeyri sem keyptur hafði verið
eða jafnvirði um 61,7 milljóna evra, í
stundarviðskiptum við sama banka.
Þar sem gengi krónunnar hafði þá
fallið verulega var mikill hagnaður af
viðskiptunum í íslenskum krónum en
stundarviðskiptin voru upp á um 7,9
milljarða króna. Því metur rann-
sóknarnefnd Alþingis hagnað Eign-
arhaldsfélagsins ISP ehf. af um-
ræddum viðskiptum á um 1,9
milljarða íslenskra króna,“ segir í
skýrslu nefndarinnar.
ivarpall@mbl.is
Krafist gjald-
þrotaskipta á
ISP ehf.
Reuters
ISP ehf. Hagnaðist um 1,9 milljarða
króna á gjaldeyrisviðskiptum 2008.
 Skuldaði Landsbanka 2 milljarða króna