Birtingur - 01.01.1955, Side 6

tekið afstöðu en þurfi ekki að hafa rætið umtal óvandaðra atvinnusnakka. Það veldur
mörgum íslendingi sem um skeið hefur dvalizt í heimsborg vonbrigðum er heim kem-
ur hversu einangraðiy landar hans eru í menningarmálum og ófróðir um ýmsa þá hluti
sem dýpst spor hafa markað í nútímann og kunnir eru hvarvetna með siðuðu fólki.
Það er ætlun okkar að hafa samband við gáfaða námsmenn og lista sem sitja við brunn
heimsmenntanna og í listamiðsetrum og birta reglulega fregnir úr menningarlífi meg-
inlandsins, þangað sem menning okkar hlýtur að sœkja nýjan þrótt.
í fjórða lagi viljum við vekja endurmat og nýjan skilning á okkar eigin gömlu menn-
ingu sem að áliti okkar er engan veginn sýnd sú rœktarsemi sem vera ber. Má
nefna það að þeim blekkingum er mikið dreift að gullöld íslenzkrar menningar hafi
risið af þröngri dreifbýlismenningu með fólki sem hafi stytt sér stundir við skepnu-
hirðingu með því a& skapa heimsbókmenntir í huganum. þar sem sannaya virðist að
ekki hafi íslendingar í aðra tíð verið meiri heimsmenn en í þann tíma og íslenzk menn-
ing hafi dregið sér afl úr fjarlœgustu hlutum Evrópu allt til Byzans, en það mál er enn
lítt kynnt og viljum við vekja máls á ýmsum atriðum í því sambandi með styrk ungra
frœ&imanna sem leggja á ný mið.
í stuttu máii vakir fyrst og fremst fyrir okkur að létta af þeim doða og hugsanaleti
sem hefur heltekið margan ágætan mann í seinni tíð, og með ofurtrausti á andlegan
kraft sem býr með alþýðu þessa lands ýtum við úr vör og treystum að hafa byr á sigl-
ingu.
Ýmsir sem að riti þessu standa hafa lengi alið þann draum að hleypa af stokkum
tímariti til a& gegna svipuðu hlutverki sem þessu er ætlað. En allar þœr tilraunir
hafa strandað á því að við erum ekki ráðandi gildum sjóðum sem til þessa fyrirtœkis
þarf. Við heitum því á þá sem vilja leggja okkur lið að efla okkur fjárhagslega með því
að senda okkur sem flesta áskrifendur. Við höfum ekki fjárráð til að rísa undir töp-
um af kostnaðarsömu fyrirtœki en í trausti þess að fá þann stuðning frá almenn-
ingi sem þarf og við teljum okkur vísan leggjum við okkur í hættuna og sjáum hverju
vindur fram.
Einar Bragi,
Hörður Ágústsson,
Hannes Sigfússon,
Thor Vilhjálmsson.
Geir Kristjánsson,
Jón Óskar,
2