Birtingur - 01.01.1960, Page 22

ÚNG STÚLKA YFIR GLASI AF VÍNI
Hvers vegna falla tár þín í glasið án þess að frjósa
eru þau ekki ísmolar af hafi dauðans
Tóbaksgulir fíngur leita að brjóstum þínum
gulltentur kjaftur leitar að vörum þínum
Þú situr við borðið og skilur ekki tárin sem falla
í glasið eins og regndropar á hausti
Einu sinni rigndi leingi og snjórinn
bráðnaði og það voru græn grös undir snjónum
Þá réttirðu hvítar hendur móti grösunum
og þau réttu grænar hendur sínar móti þínum
Hvers vegna ertu hér hvar eru þín fjöll
stöðug ósigrandi fjöll þótt vindurinn gnauði
20 Birtingur