Birtingur - 01.01.1961, Síða 54

kampavín af mikilli rausn. Tóku menn
þá saman tal og báru saman bækur sínar
um reimleika fyrr og nú. Konan lá allan
tímann kyrr í glerskápnum. Var hún
kannski unnusta Mormónabiskupsins sem
varð eftir í eyðimörkinni meðan hjólböru-
prósessían sótti fram milli kaktusanna til
fyrirheitna landsins? Hún sneri sér til
veggjar. En veizlugestir spegluðust í
glerinu, og mannlaus ræðupontan.
Rithöfundasjóður útvarpsins er stofnað-
ur af þeim rithöfundalaunum sem Ríkis-
útvarpið átti vangoldin rithöfundum
landsins. Ríkisútvarpið hefur gert mikið
til að efla bókmenntir í landinu með því
að veita verðlaunaþega kr. 17.000,00 —
sautján þúsund krónur —. Mun það duga
fyrir fargjaldinu hálfa leiðina til Ind-
lands og aðra leiðina til Teheran. Aldrei
verða allir á eitt sáttir væntanlega um
slíka verðlaunaveitingu og er það mjög
að vonum eftir atvikum. En það mun þó
mála sannast að dómnefndarmenn geta
ekki betur gert en gera alþjóð kunnugt
um sinn bókmenntasmekk.
Hugsjónamjöður.
Aftur er öld hugsjónanna runnin upp.
ídealistarnir spretta fram í annarlegu
sviðsljósi á ólíklegustu stöðum, spýtast út
úr myrkrinu einsog falleraðar píur öng-
strætanna sem gegna kalli stórtrumbunn-
ar þegar hún býður tækifæri til að vitna
um hið lostsæla líf í voðalegri synd þegar
freistingunum fækkar í framboði. Jafnvel
í slenfúsustu klíkum háskólaæskunnar þar
sem framandi viðhorf trufla sjaldan hið
andlega atburðaleysi, þar spretta nú allt
52 Birtingur