Birtingur - 01.01.1961, Side 75

Nicanor Parra:
EINTAL EINSTAKLINGSINS
Ég er Einstakiingurinn.
í fyrstu bjó ég í hamri
(Þar risti ég nokkrar myndir)
Síðan leitaði ég mér að hentugri stað
Ég er Einstaklingurinn.
Fyrst var brýnast að afla vista
Leita að fiski, fuglum, afla eldiviðar
(Um hitt skal ég hugsa seinna)
Kveikja eld
Við, við, hvar skyldi ég geta fengið ofurlítið af viðí
Ofurlítið af eldiviði til að kveikja bál
Ég er Einstaklingurinn.
Á sama tíma spyr ég sjálfan mig:
Ég gekk að hyldýpisbarmi
Og rödd svaraði mér
Ég er Eínstaklingurinn.
Þá var mál að flytja í annan hamar
Þar risti ég einnig nokkrar myndir
Risti fljót, sauðnaut
Risti eiturslöngu
Ég er Einstaklingurinn.
Æi nei. Ég var leiður á því sem ég var að gera
Eldurinn ergði mig
Ég þráði að sjá fleira
Ég er Einstaklingurinn.
Ég fór niður f dal þar sem á flæddi um grundir
Þar fann ég það sem mig vantaði
Þar fann ég villimannaþorp
ættflokk einn
Ég er Einstaklingurinn.
Sá að þar var gert eitt og annað
Þeir ristu myndir á klettana
Þeir kveiktu sér eld, einnig þeir kveiktu sér eld
Ég er Einstaklingurinn.