Birtingur - 01.06.1966, Side 40

MORTON FELDMAN: GAMUT OF LOVE
Morton Feldman er, ásamt John Cage, Chris-
tian Wolff og Earl Brown einna mestur fram-
úrstefnumaður bandarískra tónskálda. Sagt
hefur verið um tónlist hans að hún sé too
beautiful. Verk hans eru að mestu leyti hljóm-
ar á stangli, algengustu hraða- og styrkleika-
forskriftir Feldmans eru: „hægt“ „eins veikt
og unnt er“, „láta hljóminn deyja út og halda
síðan áfram“. Verk hans eru keimlík, varla er
unnt að þekkja þau í sundur, þegar maður
hefur heyrt eitt virðist maður hafa næstum
heyrt þau öll. En Feldman er ólíkur öllum,
sérlega þeim sem reynt hafa að stæla hann en
það mætti virðast auðvelt í fljótu bragði. Verk
hans heyrast sjaldan og kemur það tæplega að
sök, því annars yrðu þau sennilega óþolandi
og hættu að vera jafn mikil snilldarverk og
þau eru. I mínum augum er Feldman stór-
kostlegt tónskáld meðan ég heyri verk hans
jafn sjaldan og ég geri. Mér finnst þau teljast
til þeirra hluta sem eiga gildi sitt því að þakka
hvað þeir eru sjaldgæfir. Ég hef orðið fyrir
mikilli reynslu við að hlýða á verk Feldmans,
reynslu sem ég vil ekki láta endurtaka sig,
sem ég veit að getur í rauninni ekki endurtek-
ið sig, heldur hlýtur að geymast í óljósu minni
mínu.
Grein sú sem hér fer á eftir túlkar vel skoðanir
Feldmans og hugsunarhátt. Erfitt var að snara
henni á íslenzku því höfundurinn notar mjög
háspekileg orð og þankagang. Oft grillir mað-
ur varla í hvað hann er að fara. Feldman er
nefnilega alltaf að reyna að segja það sem
tæplega er unnt að koma orðum að. Og þess
vegna biðjum við, sem berum ábyrgð á þess-
ari þýðingu, lesendur að taka viljann fyrir
verkið.
A. H. S.
BIRTINGUR