Vera - 01.05.1983, Page 23

'
Tölvan tekur völdin
Viö höfnum alfarið rckstri þessara tækja með því sniði
sem hann er í dag. Þaö að peningar ráði gangi leiksins,
hvort sem það cr með því sniði að um mögulegan gróða
er að ræða eða einungis sem skilyrði fyrir því að leikur
getur hafist, á skv. rannsóknum stóran þátt í myndun
þeirrar spilafíknar sem við höfum áður talað um. Sú
staðreynd gerir það að verkum að við getum ekki fallist
á rekstur lciktækja sem svo augljóslega hefur skaðvæn-
leg áhrif á börnin okkar. Þó áðurnefnt innihald spilanna
geti vart talist uppbyggilegt og þurfi þar af leiðandi
endurskoðunar við þýðir ekki að við setjum okkur upp á
móti öllum tölvuvæddum leiktækjum. Tölvuvæðingin er
í algleymingi og einmitt þess vegna er það mikilvægt að
við veljum og höfnum og látum hana ekki stjórna okkur.
Tölvuspilafíkn er glöggt dæmi um það þegar tölvan hef-
ur tekið völdin.
Nýjar leiðir
í staö núverandi fyrirkomulags mælunt við með því að
þessi tæki verði í eigu bæjar- og sveitarfélaga og til dænt-
is staðsett innan félagsmiðstöðva. Að afnot af þeim væru
jafnframt ókeypis og undir eftirliti á sama hátt og önnur
spil, eins og töfl, teningar o. 11. sem hingað til hafa talist
eðlileg tómstundatilboð.
Kvennaframboðið leggur á það ríka áherslu að öll
framþróun á sviði tækni og vísinda verði í þágu mann-
kynsins alls, en stjórnist ekki af gróðasjónarmiðum ein-
stakra aöila eins og dæmin um rckstur leiktækja- og
spilakassa sýna okkur.
Ciudrún Jónsdóttir
Asta Ragnarsdóttir
Snjólaug Stefánsdóttir
Guðlaug Magnúsdóttir
Helga Thorberg
23 $