Vera - 01.12.1983, Blaðsíða 27

Mynd 2: 1 grein eða fleiri (fer eftir stærð og
þykkt) er lögð til skiptis á innri og ytri hlið
hringsins, einnig ofaná ef þarf. Hvert
greinabúnt er fest með því að vefja vírnum
neðst um stilkana (þann hluta greinarinnar
sem hefur verið næst stofni trésins.) Næsta
greinabúnt er svo lagt til hálfs yfir það, sem
fyrir er o.s.frv. Stilkar síðustu greinanna
fara svo undir toppana á þeim fyrstu og er
þá hringnum lokað.
Mynd 3: Öðrum enda borðans er brugðið
utan um kransinn og bundinn hnútur. Fram-
hald borðans er svo borið upp að toppi
,,statífsins“ (sem reist hefur verið inni í
hringnum). Þá er mælt niður að kransinum
aftur og utan um hann, gert ráð fyrir hnút og
nú má klippa. Þessi borði er 9vo strekktur
yfir toppinn, niður hinum megin og bundinn
utan um kransinn. (Ath. að hann lyftist að-
eins frá borði.) Endurtekið.
Mynd 4: Þá eru það fimm slaufur: ein á
toppinn og ein þar sem borðarnir frá statíf-
inu tengjast kransinum. Haldið um borðann
milli vísifingurs og þumalfingurs (ca. 8 cm
endi snýr að ykkur) og með hinni hendinni
er tekið um borðann ca. 12-15 cm ofar, lyft
upp og sett í ,,geymslu“ milli fingranna fyrr-
nefndu. Þá er aftur tekið um borðann, sem
nú snýr að ykkur, lyft upp og sett í geymsl-
una góðu. Þannig myndast lykkjurnar í
slaufunni, hæfilegt er að þær séu tíu. Vírbút
er svo brugðið utan um miðjuna og endan-
um stungið í kransinn.
Mynd 5: Og þá er bara að skreyta eftir því
sem andinn býður. Vírbút er brugðið neðar-
lega um könglana og snúið upp á. Eins ef
nokkrar kúlur eru settar saman í knippi, þá
er best að vefja vír á endana áður en stung-
ið er í kransinn.
Jólaborðskreyting:
Efni: Tréplatti, leir, mosi, greni, silkiborði,
stórir könglar (6-8 stk.), 6-8 skrautkúlur, 6
þurrkaðar rósir, 1 kerti, vír.
Aðferð: Leirklumpur settur í miðju tré-
plattans, leirinn þakinn mosa og fest með
vír, sem lagður hefur verið saman likt og
hálfopin hárspenna. Kertinu stungið i miðj-
una. Síðan eru grenigreinunum (neðstu
nálarnarfjarlægðar) og könglunum (vírfest-
ingar neðst) stungið í leirinn líka. Kúluknippi
og slaufu (sjá aðventukransaleiðbeining-
arnar) komið fyrir á sama hátt. Að lokum eru
það þurrkuðu rósirnar, sem eru punkturinn
i yfir i-ið í þessari skreytingu. Þær eru hafðar
misstórar og bara efstu 2-3 laufblöðin
með. Sköpunarþráin kallar á svona skreyt-
ingu!!
Galf.