Vera - 01.12.1983, Blaðsíða 2

Lögum samkvæmt ber yfirvöldum heilbrigðis- og
menntamála skylda til að sinna fræðslu og fyrir-
byggjandi starfi í kynferðismálum, m.a. í skólum
landsins. Þessa skyldu sína rækja þau með hang-
andi hendi. Á fjárskortur þar stóran hlut að máli en
hann hlýtur líka að skrifast á reikning þessara sömu
yfirvalda. Þau geta bætt um betur ef þau hafa viljann
til þess.
Það er mikill ábyrgðarhluti að sinna ekki kyn-
fræðslu meðal unglinga. Velferð margra einstaklinga
er undir þessari fræðslu komin. Árlega verða tugir
ungra stúlkna undir 16 ára aldri barnshafandi og
neyðast annað hvort til að leita sér fóstureyðingar,
eða basla með börn sín áður en þær hafa þroska og
aðstæður til þess. Hlutfallslega verða mun fleiri
unglingsstúlkur barnshafandi hér á landi en á hinum
Norðurlöndunum. í þeim löndum er kynfræðslu líka
mun betur sinnt en hér á landi og má leiða að því
líkum að sú fræðsla skili sér í færri þungunum.
í umræðum um kynfræðslu og fóstureyðingar hér
á landi ríkir mikil þversögn. Fram koma ályktanir og
frumvörp um að endurskoða lögin um kynfræðslu og
fóstureyðingar, og þrengja til muna þann rétt sem
konur nú hafa til fóstureyðinga. Þeir sem slík frum-
vörp flytja, og hinir sem þeim samsinna, hafa engu
að síður látið það óátalið að undirstöðuþáttur nú-
gildandi laga, fræðslumálin, hafa verið sniðgengin í
8 ár. í áróðri sínum bera þeir fyrir sig manngæsku og
ótta við að þjóðin hætti að fjölga sér. En varla getur
það talist manngæska að dæma kornungar stúlkur til
ótímabærrar ábyrgðar á öðru lífi? Varla getur það
verið ætlun manna að láta unglingsstúlkur sjá um
fjölgun þjóðarinnar?
Konur úr öllum pólitískum samtökum hér á landi
hafa mótmælt því að núgildandi lög verði þrengd og
VERA tekur heilshugar undir þau mótmæli. Við vilj-
um ekki hverfa aftur til ólöglegra fóstureyðinga eða
löggjafar sem sjálfkrafa mismunar konum eftir efn-
um og aðstæðum. Við mótmælum því að sá réttur
sem konur nú hafa verði skertur. Jafnframt hljótum
við að krefjast þess að yfirvöld ræki lagalega skyldu
sína og veiti þá kynfræðslu sem þeim ber. Þá fyrst er
von til þess að ótímabærum þungunum fækki.
VERA
6-7/1983 Desember
Útgefandi:
Kvennaframboðið í Reykjavík
Hótel Vík
Sími 22188 og 21500
Ritnefnd:
Guörún Jónsdóttir
HelgaThorberg
Magdalena Schram
Ingibjörg Sólrún Gísladóttir
Steinunn Hjartardóttir
Útlit:
Kicki Borhammar
Helga Thorberg
Magdalena Schram
Ingibjörg Sólrún Gísladóttir
Ábyrgðarmaður:
Helga Thorberg
Forsíðumynd:
Anna Gyöa Gunnlaugsdóttir
Auglýsingar og dreifing:
Guörún Alfreðsdóttir
Setning: GuðjónÓ hf.
Filmuvinna: Prentþjónustan hf.
Prentun: Solnaprent hf.
Ath. Greinar í Veru eru birtar á ábyrgð
höfunda sinna og eru ekki endilega
stefna Kvennaframboðsins í
Reykjavík.
Vera kostar kr. 100 í lausasölu.
Áskriftarsímar:
22188 og 21500