Vera - 01.01.1984, Side 14

hlytist af íbúðabyggð þarna, t.d. í samgöngum, bensíni, þjónustu
o.fl.?
Guðrún: Þetta er auðvitað geysilega flókið mál og erfitt úr-
lausnar. Engu að síður er nauðsynlegt að velta þessu fyrir sér og
hugleiða hvort reikna á með þessari eyðu í borgarmyndinni til
frambúðar. Hvað kostar brú yfir á Álftanes og hvaða vanda gæti
hún leyst, þetta þyrfti t.d. að kanna. En í öllum tilvikum þarf að
reyna að ná meira jafnvægi milli íbúðabyggðar og atvinnustaða
í borginni og á nýjum svæðum þannig að dragi úr þessu gífurlega
umferðaálagi sem áður var minnst á.
Ragnheiður: En hefur það ekki verið reynt? Hafa skipu-
leggjendur ekki reiknað með atvinnufyrirtækjum í tengslum við
íbúðabyggð en það síðan verið þurrkað út á síðari stigum og at-
vinnulóðirnar verið teknar undir íbúðir?
Guðrún: Jú, það má segja að það hafi verið gert á einstökum
svæðum. Breiðholtið byrjaði upphaflega sem hrein íbúöabyggð,
síðan reyndu skipuleggjendur að koma með tillögur um atvinnu-
svæði þar og voru þær samþykktar, en svo dregst það að menn
sýni þessum atvinnusvæðum áhuga og þá er þeim breytt í íbúðar-
lóðir aftur. Það er eins og menn standi þetta ekki af sér, þegar eft-
irspurnin eftir íbúðarlóðum er til staðar.
Göturnar hafa
forgang
Auður: Ég held að málin séu komin á það stig að við þurfum
að fara að líta á aðra hluti í uppbyggingu nýrra hverfa heldur en
lóðirnar, gatnagerðargjöldin og göturnar. Til þess þarf ákveðna
hugarfarsbreytingu hjá þeim sem taka ákvarðanir. Það þarf að
veita fjármagni í okkar nánasta umhverfi. Þó það gefi ekki af sér
beinharðan arð þá skilar það sér t.d. í andlegri vellíðan. Það þýðir
náttúrulega ekki að setja fjármagn í fáranlega hluti eins og gervi-
gras o.fl. þegar það væri hægt að gera alveg gífurlega margt gott
fyrir þessa upphæð innan borgarkerfisins.
Sólrún: Já, ég held einmitt að það skipti alveg gífurlega miklu
máli fyrir andlega vellíðan og heilbrigði aö lifa í góðu umhverfi. í
umh verfi sem er gefandi. Og slík vellíðan er ómetanleg verðmæti.
Ragnheiður: En af hverju borgar fólk gatnagerðargjald en ekki
t.d. umhverfisgjald? Af hverju borgar fólk frekar fyrir götur en það
umhverfi sem það býr í?
Guðrún: í rauninni væri kannski betra að gjaldið héti öðru nafni
og rynni til framkvæmda á sviði umhverfismála þar á meðal
gatna. Göturnar hafa vissulega haft forgang. Þetta er mjög áber-
andi þegar á hinn bóginn er litið til útivistarsvæðanna og aðstöðu
gangandi fólks.
Gamli bærinn malbiksauðn
Sólrún: En hvernig er hægt að gera úthverfin lífvænlegri?
Guðrún: Það er t.d. hægt að gera með því að notfæra sér það,
sem hverfin hafa þó upp á að bjóða, varðandi útivistarmöguleika
svo dæmi sé nefnt. Það þarf að leggja áherslu á að ganga frá úti-
vistarsvæðum þannig að umhverfið verði aðlaðandi. Leggja þarf
áherslu á að skapa fjölbreytta útivistarmöguleika í hverfunum,
mörgum gæti t.d. hentað mun betur að geta farið á skíði með
börnum sínum eða einir í næsta nágrenni við heimilið, en fara upp
í Bláfjöll eða Hveradali.
Auður: Ég held einmitt að þetta sé mjög nauðsynlegt. Það þarf
að koma í hvert hverfi svæði sem hægt er að nota jafnt að sumri
sem vetri, svæði þar sem hægt er að vera með börn. Þetta er t.d.
sérstaklega brýnt í Gamla bænum því það er í rauninni alveg
ömurlegt að þurfa að horfast í augu við að geta ekki búið þar með
börn. Það er illmögulegt ef börnin eiga að geta verið úti. Þessi
svæði þurfa ekki endilega að vera stór, en þar þarf að vera ein-
hver aðstaða. í dag er þetta malbiksauðn. Skólavörðuholtiö hefði
t.d. verið alveg „ídealt” sem útivistarsvæði fyrir þennan bæjar-
hluta. Ég vil í rauninni líta á umhverfi okkar sem keðju af stærri
og minni útivistarsvæðum sem hafa mismunandi hlutverkum að
gegna. Þessi keðja á að hlykkjast um hverfin og tengja saman
hina ýmsu borgarhluta. Ég held að það sé einmitt mikilvægt að
gera sér grein fyrir þessari keðju en líta ekki á einn og einn hlekk
einangrað. Þetta byrjar við húsið, tengist í götuna og svo í leik-
svæðið og stærri útivistarsvæði. )
Sólrún: En svo við víkjum aðeins að öðru. Við vitum að karl-
menn hafa lengst af verið algerlega ráðandi í þessum skipulags-
og umhverfismálum. Haldið þið að konur hafi aðra sýn á þessi
mál en karlmenn?
Framhald á bls. 24
Aukin þátttaka kvenna
nauðsynleg
14