Vera - 01.01.1984, Qupperneq 22

„Meðallaun kvenna eru lægri en
meðallaun karla en það ræðst af því,
að konur voru fleiri en karlar í þeim
störfum, sem hafa verið flokkuð til
lægri launa”. Úr bókum Sjálfstæðis-
manna.
LA UNAMÁL KVENNA
Á borgarstjórnarfundi þann 2. febr. sl. fluttu borg-
arfulltrúar Kvennaframboðs og Alþýðuflokks eftir-
farandi tillögur:
„Borgarstjórn samþykkir að beina því til launa-
málanefndar borgarráðs, að hún í væntanlegum
kjarasamningum við Starfsmannafélag Reykjavík-
urborgar leggi m.a. áherslu á eftirfarandi:
a. Að koma sem mest til móts við kröfur láglauna-
fólksins um verulegar kjarabætur því til handa.
b. Að tryggja í sem ríkustum mæli, að meðallaun
kvenna nái meðallaunum karla í borgarkerfinu.
Greinargerð:
Kjör láglaunahópa hafa verið mikið rædd undanfarið
og öllum ætti að vera Ijóst, að núverandi laun þeirra
hrökkva hvergi nærri fyrir brýnustu nauðsynjum. Borg-
aryfirvöldum ber því skylda til að haga samningagerð í
komandi samningum í samræmi við þessa staðreynd.
Konur eru fjölmennasti láglaunahópur landsins.
Samkvæmtskýrslunni „Vinnumarkaðurinn 1982” voru
meðallaun karla 52% hærri en meðallaun kvenna það
ár. í sömu skýrslu kemur einnig fram, að meðallaun
karla I opinberri þjónustu voru 49% hærri en laun
kvenna í þessum starfshóp árið 1982. Ekkert bendir til,
að þessar tölur hafi breyst konum í hag á s.l. ári.
í Starfsmannafélagi Reykjavíkurborgar eru 2202 fé-
lagsmenn, að undanskildum þeim, sem einnig eiga
aðild að BHM. Af þessum 2202 félagsmönnum eru
62.1% konur. Samkvæmt lauslegri könnun, sem gerð
hefur verið um grunnflokkaröðun þessara félags-
manna, kemur í Ijós, að 94.4% kvenna í félaginu er
grunnraðað í Ifl. 6—15. Aðeins 5.6% kvenna í St.Rv. er
grunnraðað í 16. Ifl. eða ofar. Sambærilegar tölur um
grunnflokkaröðun karla í félaginu eru, að 75.8% karla
er grunnraðað í Ifl. 5—15, en 24.2% í 16. Ifl. og ofar.
Launamisrétti kynjanna blasir hvarvetna við, iíka í borg-
arkerfinu. Fyrsta skrefið til að afnema það er að breyta
grunnflokkaröðun kvenna í komandi samningum borg-
arinnar við Starfsmannafélag Reykjavíkurborgar.”
Tilgangur okkar með tillöguflutningnum var að fá
fram stefnuyfirlýsingu borgarstjórnar í komandi kjara-
samningum. Við lögðum því áherslu á að greidd yrðu at-
kvæði um tillöguna á fundinum. Ekki treysti meirihlut-
inn sér til þess.
Formaður launamálanefndar, Markús Örn Antons-
son lagði til fyrir hönd meirihlutans að tillögunni yrði vís-
að til launamálanefndar ásamt bókun frá borgarfulltrú-
um Sjálfstæðisflokksins. Þetta samþykktu allir borgar-
fulltrúar meirihlutans að Margréti Einarsdóttur undan-
skyldri, en hún sat hjá.
Ljósmyndir: Artna Gyöa Gunnlaugsdóllir
22