Vera - 01.07.1988, Blaðsíða 4

1. Ef samkomulag er meö ykkur
hjónum um eignaskiptin þá tilkynnið
þiö borgardómara (sýslumanni/bæjar-
fógeta) hvers efnis þaö samkomulag er.
Er þá skráö hvaö þiö eigið og hvaö þiö
skuldið og síðan hvað hvort ykkar fær í
sinn hlut og hvaða skuldir hver tekur að
sér að greiða.
Rétt er að taka fram að ráðlegt er, ef
þið eigið einhverjar eignir að ráði, að
hafa sett á blað hverjar eignir eru í bú-
inu og hvaða skuldir og nákvæmar
skýringar á því hvaða eignir og skuldir
koma í hlut hvors ykkar og með hvaða
hætti. Sérstaklega á þetta við ef ein-
hver skilyrði eru fyrir yfirtöku eignarinn-
ar eða hún miðist við að ákveðnar
skuldir, sem hvíla á hlutum, séu jafn-
framt yfirteknar.
Að hafa skýran og afmarkaðan
samning um eignaskiptin getur sparað
mikil leiðindi og e.t.v. málaferli sem
sprottið geta af óljósum og ónákvæm-
um samningi.
Oft er æskilegt, ef um yfirgripsmikil
fjármálauppgjör er að ræða, að leitað
sé sérfróðs aðila og fá aðstoð við samn-
ingsgerðina og uppgjöriö.
2. Ef þið hjónin getið ekki orðið á eitt
sátt um skiptingu eignanna þannig að
bæði geti við unað, þá vísar borgar-
dómari (bæjarfógeti/sýslumaður) máli
ykkar til skiptaráðanda en hann er
borgarfógetinn í Reykjavík, annars
bæjarfógeti/sýslumaður. Tekur skipta-
ráðandi þá eignir ykkar og skuldir til
uppskriftar og opinberra skipta.
Rétt er aö benda á að til mikils er að
vinna fyrir ykkur að ná samkomulagi
um eignaskiptin. Opinber skipti geta
tekið langan tíma, verið slítandi og leið-
inleg og síðast en ekki síst, þá eru per-
sónuleg og viðkvæm málefni ykkar og
hlutir orðin ópersónulegur hluti af starfi
embættismanns. Einnig er sú leið dýr
því skiptalaun eru nú V/2% af öllum
eignum ykkar án tillits til skulda.
3. Hvaða hlutir teljast eignir og
hvaða aðstæður geta skipt máli í þessu
sambandi?
Venjulegar spurningar sem vakna
þegar hér er komið eru: Hverju er svo
verið að skipta? Hvaða reglur gilda um
sjálfa skiptinguna? Hvenær er sameig-
Veru hafa borist 3 bréf. Þessi bréf eiga
það sammerkt að óskað er eftir upplýs-
ingum um eignaskipti við skilnað. Við
teljum ekki rétt að fara hér í einstök mál,
en birtum þess i stað kafla úr bæklingi
Kvennaráðgjafarinnar um skilnað. Ef
frekari aðstoðar er þörf, er rétt að
benda á Kvennaráðgjöfina, en hún er
opin á þriðjudagskvöldum frá kl. 20—
22 í Hlaðvarpanum, síminn er 21500.
Þar má einnig fá umræddan bækling
um skilnað. Við vonum að þessar upp-
lýsingar komi að góðum notum.
Kveðjur
Guðrún og Brynhildur.
inlegum fjárhag hjóna slitið? Geta að-
stæðurfólks í hverju einstöku tilviki haft
áhrif á skiptareglurnar?
Hér skal leitast við að svara þeim at-
riðum sem reynt getur á og fólk al-
mennt þarf að vita um. Verður einkum
miðað við það sem algengast er en ekki
fjallað um þau atriði er sjaldnar reynir á.
í lögum er talað um að þegar maður
og kona giftast þá komi þau með það
sem hvort um sig á í heild. Við gifting-
una er farið að tala um þessar eignir
sem hjúskapareign hvors um sig.
Þessa eign má eigandinn nota og ráð-
stafa eins og hann vill, þó með vissum
hömlum er lög setja með hliðsjón af
hagsmunum hins makans og barna
þeirra. Þessi lagaákvæði miðast helst
við það að hindra að hægt sé að selja
eða veðsetja íbúðina sem fjölskyldan
býr í án samþykkis hins makans. Einnig
getur fólk gert með sér kaupmála, feng-
ið arf eða gjöf, þar sem kveðið er á um
að ákveðnar eignir verði séreign við-
komandi eða þær eignir sem það tók
með sér í hjúskapinn séu séreignir
hvors um sig.
Þegar hjón síðan skilja er farið að
tala um að hjúskapareign hvors um sig
skiptist í tvo jafna hluta sem kallast bús-
hlutar. Hvort heldur þá helming frá sér
og fær helming frá hinum þegar búið er
að draga frá allar skuldir. Þetta skilst
best með eftirfarandi dæmi, en athuga
ber að séreignir koma ekki inn í skipti
bús heldur standa fyrir utan það eigna-
uppgjör.
4. Þegar einhverjar eignir eru til.
Hjón sem búa í íbúð sem metin er á
markaðsverði 3 milljónir króna. Hún er
þinglýst eign mannsins. Á íbúðinni
hvíla lán samtals krónur 1 milljón. Einn-
ig á maðurinn bifreið sem metin er á
gangverði 400 þúsund krónur. Hann á
ógreidd meðlög með börnum 200 þús-
und krónur. Ógreiddir skattar hans frá
fyrra ári eru 100 þúsund krónur. Konan
á bifreið sem metin er á 250 þúsund
krónur. Á henni hvíla ógreiddar eftir-
stöðvar 50 þúsund krónur. Einnig á
konan 80 þúsund krónur á bankabók.
Ennfremur á konan föðurarf sinn inni í
óskiptu búi móður sinnar 400 þúsund
krónur. Innbú á heimilinu er séreign
konunnar samkvæmt kaupmála.
Hjúskapareign mannsins er þannig:
íbúð 3.000.000
Áhvílandi skuld 1.000.000
Bifreið 400.000
Ógreidd meðlög 200.000
Ógreiddir skattar 100.000
Samtals 2.100.000
Þessi hreina eign mannsins skiptist
til helminga. Hann fær 1.050.000 krón-
ur og konan fær 1.050.000 krónur.
Hjúskapareign konunnar er:
Bifreið 250.000
Bifreið 50.000
Ógr. eftirst. 50.000
Bankainnistæða 80.000
Samtals 280.000
Þessi hreina hjúskapareign konunn-
arskiptist síðan til helminga, þannig að
hún fær 140.000 og hann fær 140.000.
í þessu sambandi athugast að arfur
sem stendur inni f óskiptu búi kemur
ekki með í eignaskiptunum. Ef aftur á
móti arfurinn hefði staðið inni í dánar-
búi sem er undir skiptum, arfurinn ekki
kominn til greiðslu en væntanlegur, þá
hefði hann reiknast með í eignaliðnum
og komið til skipta. Konan hefði þá
fengið í sinn hlut af arfinum krónur
200.000 og maðurinn 200.000.
Innbúið er séreign konunnar og sam-
kvæmt framansögðu og kemur því ekki
til skipta.
í lokauppgjöri skipta verður staðan
þá þannig:
Konan fær 140.000 búshluta úr sinni
hjúskapareign.
Konan fær 1.050.000 búshluta úr hjú-
skapareign mannsins.
Samtals 1.190.000
Maðurinn fær 140.000 búshluta úr
hjúskapareign konunnar.
Maðurinn fær 1.050.000 búshluta úr
hjúskapareign sinni.
Samtals 1.190.000
Helmingaskiptareglan er hin al-
menna regla við skipti bús milli hjóna
þó svo að lagareglur og uppgjör virðist
flókin. Þegar litið er á tölurnar hérna að
framan sést að þær eignir sem voru í
búinu skiptast til helminga þegar skuld-
ir hafa verið dregnar frá.
Framhald í næstu Veru.
1