Vera - 01.07.1988, Blaðsíða 37

Hálfnað er verk. . .
Nú er kjörtímabilið hálfnað og þá er fróðlegt að líta á hvað áunnist hefur. Hér verður stikl-
að á stóru um nokkur þau mál sem okkur finnst mikilvæg.
Dagvistarmál
Mikill skortur er á dagvistarplássum fyrir börn hér á
Selfossi. Dagheimilispláss eru aðeins fyrir 15 börn. 135
fá inni á leikskólum en dagmæður leysa vanda um þaö
bil 100 barna og foreldra þeirra. Til skamms tíma áttu
aðeins einstæðir foreldrar og námsmenn kost á að
koma börnum á dagheimili en nýlega var reglum breytt
þannig að 5. hluti barnanna kemur frá heimilum þar
sem foreldrar eru í sambúð.
Haustið 1986 var tekið á leigu húsnæði til bráða-
birgða til að koma af stað skóladagheimili fyrir 12 börn.
Eftir áramót 1987 var opnuð leikskóladeild fyrir 10 börn
þar sem áður var gæsluvöllur. Þar hefur siðan starfað
leikskóli fyrir hádegi en gæsluvöllur seinnipart dags.
Síðastliðinn vetur var hafist handa við að reisa 1. áfanga
nýs dagvistarheimilis. Stefnt er að því að taka það í notk-
un 1. október 1988. Þar verður þá rými fyrir 20 börn í
dagvistun og 20 börn á skóladagheimili.
Skólamál
í Barnaskóla Selfoss eru börn á aldrinum 6 til 12 ára.
S.l. vetur voru 506 börn í skólanum, nemendur í Gagn-
fræðaskólanum voru 284. í Fjölbrautaskóla Suðurlands
voru á vorönn 443 nemendur í dagskóla, 127 í öldunga-
deild og 18 í útibúi skólans á Litla-Hrauni. Húsnæðismál
Barnaskólans hafa verið talsvert áhyggjuefni enda býr
hann við mikil þrengsli og hefur gert um árabil. Ekki hef-
ur verið mörkuð ákveðin stefna um framtíðarskipun
grunnskólans á Selfossi. Skólanefnd telur að reisa skuli
nýjan skóla. Heppilegt er talið að hver skóli sé ekki of
fjölmennur. Gamli skólinn stendur í miðjum bænum þar
sem umferð er mest. Það yrði því til að draga úr slysa-
hættu ef börn í nýjum hverfum sunnar í bænum gætu
sótt skóla í sínu hverfi. Undir þessi sjónarmið taka bæði
foreldrafélag barnaskólans, kennarar og skólastjóri.
Síðan þessi bæjarstjórn tók til starfa hefur verið unnið
nokkuð að endurbótum í barnaskólanum. Lokið var við
bókasafnsaðstöðu í skólanum fyrir nýliðinn vetur. For-
eldrafélag skólans á þó mestan heiður af þeim fram-
kvæmdum. Brunastigi var settur upp við skólann. Að-
staða til handmenntakennslu var endurbætt svo sem
kostur var, en hún hafði verið mjög bágborin. Smíða-
kennsla fer fram í kjallara þar sem lágt er undir loft en
þar telst þó viðunandi aðstaða nú og hannyrðastofan er
orðin fyrsta flokks.
Á húsnæði Gagnfræðaskólans hafa einnig verið
gerðar endurbætur, ný efnafræðistofa var innréttuð og
heimilisfræðistofa stækkuð og lagfærð.
Sex ára börn hér hafa aðeins fengið tveggja kennslu-
stunda skólatíma á dag. Forskólinn hefur haft eina
kennslustofu til afnota og í hana hefur verið fjórsett. Eins
°g allir sjá er ein og hálf klukkustund stuttur tími í skól-
anum og samræmist illa nútímasamfélagi þar sem al-
gengast er að báðir foreldrar vinni utan heimilis. í vetur
komu upp umræöur um það að lengja þyrfti skóladag
sex ára barnanna, en vegna þrengsla í skólanum var
Það ógerlegt. Hingað til hefur skólinn alltaf lagt kapp á
að leysa húsnæðisvandann meö því að þrengja enn
frekar að, sem auðvitað kemur niður á störfum skólans.
En nú var mælirinn fullur og því var lýst yfir af skólans
hálfu að líklega yrði að fella kennslu sex ára barna niður
ef ekki fengist aukið húsnæði.
Lausn áþessu máli er nú sem beturferfundin. Bæjar-
ráð hefur ákveðið að Ijúka síðari áfanga nýja dagheimil-
isins í sumar og nýta það til kennslu sex ára barna
næsta vetur.
Félagsmiöstöö
Seinni hluta vetrar 1986 hófst starf félagsmiðstöðvar
fyrir unglinga í Tryggvaskála. Þá hafði verið unnið að því
að þessi starfsemi gæti verið í kjallara Gagnfræðaskól-
ans en á því urðu nokkrar tafir. Fyrri áfangi félagsmið-
stöðvar var opnaður í desember s.l. og áætlað að Ijúka
verkinu á þessu ári.
Þjónusta viö aldraða
Á vegum félagsmálastofnunar bæjarins fer fram þjón-
usta við aldraða. 54 heimili hafa undanfarið notið heimil-
ishjálpar og matur er sendur til 25 heimila. Hjúkrunar-
fræðingur á vegum Heilsugæslustöðvarinnar fer einnig
heim til fólks, sem þarf á hjúkrun og umönnun að halda.
í gamla sjúkrahúsinu starfar öldrunardeildin Ljós-
heimar en plássið þar hrekkur hvergi nærri til og í undir-
búningi er bygging langlegudeildar við Sjúkrahús Suð-
urlands. Hjá félagsmálastofnun eru um 20 manns á bið-
lista eftir að komast í leiguíbúðir fyrir aldraða, en trúlega
er þörfin mun meiri. Nú eru 16 þjónustuíbúðir i leigu við
Grænumörk. Verið er að undirbúa byggingu söluíbúða,
þar sem veitt verður svipuð þjónusta. Þær íbúðir verða
byggðar í samvinnu við Alþýðusamband Suðurlands.
Eldri borgarar á Selfossi halda uppi fjörugri félags-
starfsemi af ýmsu tagi. í sumareru fyrirhugaðar margar
ferðir bæði innanlands og utan. Ætlunin er að fara m.a.
vestur á firði, austur að Eiðum, til Færeyja og Suður-
Englands.
Þátttaka í ferðalögum og annarri starfsemi er mjög
góð. Félagsstarfið er á vegum Styrktarfélags aldraðra
og fær aðstoð hjá starfsmönnum félagsmálaráðs.
Skipulagsmál
Nýtt aðalskipulag Selfosskaupstaðar fyrir tímabiliö
1987—2007 liggur nú frammi til kynningar. Óskað er eft-
ir að athugasemdir frá íbúum bæjarins berist fyrir 24.
júní n.k. Þegar aðalskipulagið hefur verið samþykkt
verður efnt til hugmyndasamkeppni um deiliskipulag
miðbæjarins.
Gróðursetning
Það er sannarlega að mörgu að hyggja í bæjarmálum
og þó fátt sé enn talið verður nú að slá botninn í þennan
pistil. Okkur er Ijóst að mörg málefni bíða úrlausnar og
verkefni eru óþrjótandi. Að endingu langar okkur að
segja frá síðasta verkefni umhverfisnefndar. Laugar-
daginn 4. júní gegnst hún fyrir gróðursetningu á trjá-
plöntum á útivistarsvæði í bænum. Undirbúningur er í
fullum gangi. Vonast er til aö bæjarbúar kunni vel að
meta þessa nýbreytni og hafi áhuga á að vera með. Slík-
ur útivistardagur yrði þá væntanlega árlegur viðburður.
Efni í bæjarmálasíður unnu Sigrun Ásgeirsdóttir og
Rannveig Óladóttir.