Vera - 01.07.1988, Blaðsíða 27

Þetta er synd, því á sama tíma er hvarvetna verið að berjast fyrir
minni stofnunum og heimilislegri. Það þarf ekki sjúkradeildir fyrir
allar fæðandi konur, enda var það ekki það sem konur börðust fyr-
ir þegar þær knúðu á um Kvennadeildina, heldur fullkomin kven-
sjúkdómadeild, sem var gífurleg þörf fyrir. Ég er hrædd um að ef
við missum Fæðingarheimilið alveg, verði erfitt að fá aftur aðra
hliðstæðastofnun. Fæðingarheimilið hefur lengi átt undir högg að
sækja. Fyrir nokkrum árum voru ýmsir sem vildu setja Fæðingar-
heimililð undir Landspítalann. Baráttan var í raun hörð og skaðaði
Fæðingarheimilið án efa. Til eru þeir enn i dag sem halda að þá
hafi verið lokað hér.
Hvernig er hægt að snúa þessari þróun við þ.e.a.s. að fá konur
til að koma hingað?
Ég veit það ekki, en það er svo skrítið að þegar eitthvað á að
fara að hrófla viö Fæðingarheimilinu þá rís upp stór hópur velunn-
ara. Eins og um árið þegar það kom til tals að selja ríkinu það. Þá
ruku konur upp til handa og fóta og söfnuðu 5000 undirskriftum
á nokkrum dögum. Það eru konur sem ekki mega til þess hugsa
að það verði lagt niður.
Það eru þá konursem hafa kynnst heimilinu af eigin raun og eru
kannski margar hverjar hættar að eiga börn. Þarf ekki að kynna
Fæðingarheimilið betur fyrir konum?
Jú sjálfsagt þarf að gera það, það er verið að prenta bækling um
starfsemina, sem meiningin er að liggi frammi á Heilsugæslu-
stöðvunum.
Og ennþá eruð þið i nýjungunum, voruð þið ekki að fá ný full-
komin fæðingarrúm?
Jú, jú, alveg það fínasta sem hægt er að fá. Mjög góð rúm sem
hægt er að breyta á ýmsa vegu. Þetta var náttúrlega óskapleg
bjartsýni, við fengum ekki krónu frá borginni. Ég fótbraut mig hér
fyrir utan húsið einn daginn fyrir tveimur árum og gat ekkert hopp-
að um gangana og þá datt mér í hug að nota tímann til að safna.
Það gekk svona vel að við gátum keypt tvö rúm af fullkomnustu
gerð.
Konur fá ekki þá þjónustu sem
þær eiga rétt á
En nú á að loka í 6 vikur i sumar i sparnaðarskyni um leið og
fæðingum er að fjölga og ekki er fyrirsjáanlegt að fæðingardeildin
geti annað þeim, eða hvað?
Nei ekki með þeirri þjónustu sem konur eiga rétt á. Þær eru
jafnvel sendar heim á þriðja degi, sem segir sig sjálft að er ekki
nógu gott. Það kom mér á óvart að þessi lokun skyldi vera sam-
þykkt. Mér skilst að karlarnir tali um tilfinningasemi og haldi því
fram að Fæðingardeildin geti alveg staðið undirálaginu. Viðvitum
betur. Þetta er auðvitað ekki bara spurning um 6 vikur því að þó
að við séum tilbúin til að taka á móti konum fram á síðasta dag,
er ólíklegt að þær vilji fæða hér og flytjast svo á milli. Eins tekur
alltaf tíma að komast í gang eftir sumarfríið. Þannig að í raun er
hér um 8 vikna röskun að ræða. Þessi lokun er mjög neikvæð fyrir
stofnunina því konur verða að geta gengið að henni sem vísri
hvenær sem er.
Að þessum orðum sögðum, kvöddum við Huldu og þökkuðum
henni fyrir spjallið. Við tökum heilshugar undir þá ósk Huldu að
Fæðingarheimilið verði áfram valkosturfyrir konur um langafram-
tíð. Við hvetjum allar konur sem eru eða verða barnshafandi að
kynna sér hvað er í boði þegar til fæðingar kemur og taka sjálfar
afstöðu út frá því, við hvaða aðstæður þær kjósa að fæða.
isg.K.BI.
Sími 21500
Ojoin kl. B~10 d J)ridjudagskvöIdum
HLAÐVARPANUM, VESTURGÖTU 3
Hugsaðu vcl um Veruna þína. Nú er hægt að fá möppu á
300 kr, merkta Veru í Kvennahúsinu, Hótel Vík. Þá er líka
hægt að fá Veru frá upphafi, ef þig vantar í safnið. Hafðu
samband, síminn er 22188.
Bestu kveðjur,
)
27