Vera - 01.07.1988, Blaðsíða 39
nota umbúðir en meðflutningsmenn með Kvennalistan-
um voru úr öllum flokkum nema Borgaraflokki. Tillagan
er stutt og laggóð og hljóðar svo:,,Alþingi ályktar að fela
ríkisstjórninni að undirbúa frumvarp til laga um fram-
leiðslu, innflutning og notkun einnota umbúða hér á
landi “
Hin tillagan sem var samþykkt er eins og fyrr segir um
könnun á launavinnu framhaldsskólanema. Meðflutn-
ingsmenn að henni voru úr öllum flokkum. Smávægi-
legar breytingar voru gerðar á tillögunni og var hún
samþykkt svohljóðandi. „Alþingi ályktar að fela
menntamálaráðherra að láta kanna í náinni samvinnu
við framhaldsskólana hvernig háttað sé vinnu fram-
haldsskólanema með námi. Kannaður verði vinnutími,
kjör og réttindi, ástæður þess að nemendur taka að sér
launuð störf með námi og hugsanleg áhrif vinnu á
ástundun og námsárangur."
Loks er það tillagan um þjónustumiðstöð fyrir heyrn-
arskerta sem var vísað til rikisstjórnarinnar, en þá tillögu
fluttu Kvennalistakonur einar og er hún svohljóðandi.
„Alþingi ályktar að fela félagsmálaráðherra að koma á
fót þjónustumiðstöð fyrir heyrnarskerta þar sem veitt
væri textasíma- og túlkaþjónusta." Þá höfum við farið
stuttlega yfir þær tillögur sem Kvennalistinn fékk af-
greiddar á þinginu í vetur. Þetta eru reyndar ekki margar
tillögur og hefðu að sjálfsögðu átt að vera fleiri, en það
er ekki sama hvaðan gott kemur og oft er viðkvæðið hjá
ráðherrum að það sé verið að vinna í málinu og því ekki
tímabært að samþykkja tillögur um málið.
Beöiö um skýrslur
Kvennalistakonur lögðu fram þrjár skýrslubeiðnir sl.
vetur í fyrsta lagi um kostnað við byggingu Flugstöðvar
Leifs Eiríkssonar, í öðru lagi um félagslega þjónustu við
foreldra vegna barneigna, uppeldis og umönnunar
I
barna og í þriðja lagi um stöðu list- og verkmennta-
greina, heimilisfræða og íþróttakennslu í skólum lands-
ins og menntun kennara í þessum greinum. Aðeins
einni skýrslu af þessum þrem var skilað í vetur en það
var skýrsla um kostnað við byggingu Flugstöðvar Leifs
Eirikssonar. Von er á hinum tveim í sumar.
Fjölbreyttar fyrirspurnir
Að síðustu eru það fyrirspurnirnar en Kvennalistakon-
ur lögðu fram 39 fyrirspurnir í vetur um hin ýmsu mál.
Þær snertu hina ýmsu málaflokka eins og t.d. launa-
stefnu ríkisins, barnaefni í fjölmiðlum, heildarendur-
skoðun sóttvarnarlöggjafarinnar, útsendingar rásartvö,
tekjur kvenna og karla 1986, rikisfjármál og heilbrigðis-
áætlun, jarðakaup, fullvirðisrétt, hlunnindatekjur o.fl.
Flestum fyrirspurnunum var svarað eins og þingsköp
gera ráð fyrir, en hlutfall fyrirspurna af þingmálum hefur
verið að aukast töluvert á undanförnum árum.
Að lokinni þessari yfirferð yfir þingmál Kvennalistans
sl. veturvil ég ítrekaað Kvennalistakonur voru meðflutn-
ingsmenn að allnokkrum þingmálum sem þingmenn
flokkanna á Alþingi lögðu fram. Það er ekki rétt sem
sagt var í sjónvarpi í vetur að þingkonur Kvennalistans
væru einangraðar inni á þingi og vildu ekki vinna með
öðrum þingmönnum.
Svo að þið ágætu lesendur hafið nú sem besta yfirsýn
yfir starfið í vetur er rétt að geta þess hér að fjórar vara-
þingkonur komu inn í vetur, en það voru þær Sigríður
Lillý Baldursdóttir, Guðrún Halldórsdóttir, Ingibjörg
Daníelsdóttir og Anna Ólafsdóttir Björnsson. Alls hafa
því 10 Kvennalistakonur setið á Alþingi í vetur, en aldrei
nema 6 í einu eins og niðurstöður kosninganna segja til
um.
39