Vera - 01.10.1989, Síða 16

Elsku ritnefnd!
Hér er viðtalið sem ég lofaði ykkur við
fulltrúa Afríkanska þjóðarráðsins sem
ég kynntist í Kanadaferðinni í vor. Mér
reyndist alveg ómögulegt að taka við
hana spurningar og svör viðtal og
skrifa eitthvað hefðbundið. Þið skiljið
kannski hvers vegna þegar þið lesið
þetta.
Kveðjur, Ms.
EITTHVAÐ
SKYLDI
KOMA FYRIR
Það var ekki fyrr en sfðasta kvöldið
okkar Rebeccu í Kanada að hún
sagði frá því hvernig hún flúði frá
Suður-Afríku. Þetta síðasta kvöid
bauð Marj okkur báðum í mat heim
til sín og hafði eldað kjúkling í
hnetusmjörssósu. Við sátum allar
þrjár við borðið og borðuðum og þá
sagði Marj allt í einu: Rebecca, mig er
búið að langa til að spyrja þig allan
tímann — hvernig eiginlega gerirðu
hárið á þér svona?!
Þetta kvöld vorum við búnar að vera
saman næstum daglega í þrjár vikur.
Marj var einkabílstjórinn okkar fyrir
hönd gestgjafanna. Hún keyrði okkur
á milli funda og heimboða í ekta
amerískri drossíu sem rúmaði okkur
allar þrjár í framsætinu ásamt með
nesti og nýjum skóm. f aftursætinu
voru ferðatöskurnar okkar, áróðurs-
bæklingar frá Kvennalistanum,
Afríkanska þjóðarráðinu og Jafnréttis-
ráði Saskatschewan, teppi til að verj-
ast kuldanum, tómar gosdollur og
plastdiskarnir undan kvöldmatnum
síðan í gær, kassi með bolunum sem
ekki seldust á síðustu ráðstefnu. Við
veltum því einu sinni fyrir okkur
hvort við ættum ekki að gera þetta af-
tursæti íbúðarhæft en ákváðum að við
hefðum annað betra við tímann að
gera. Auk þess, sagði Marj, hafa aftur-
sæti í amerískum drossíum ímynd,
sem sjálfsagt er að endurskoða í
nafni feminisma og með þá pottþéttu
afsökun héldum við áfram hvert það
nú aftur var sem við þurftum að fara
þann daginn. Við fórum á fundi, í
kokkteilboð, í opinberar móttökur, á
hamborgarastaði, í stórmarkaði (þar
sem Rebecca gat keypt sér peysu og
síðbuxur því hún var alls ekki undir
kanadfsku vetrarkuldana búin), í
Indíánabúð (þar sem við keyptum
okkur allar eyrnalokka). Einn daginn
ókum við í sex klukkustundir beint í
norður til Prince Albert-borgar til að
fara þar á ráðstefnu. Við sáum ekkert
alla leiðina annað en slitendalausar
sléttur Norður-Ameríku, kornbirgða-
turnana sem setja allan svip á
Saskatschewan og — á klukku-
tímafresti — bensínsölu sem líka bauð
upp á steik og franskar og djúkbox
með Presley. í Prince Albert mátuð-
um við David Crockett húfur í, ,,The
Huclson Bay“, búðinni og utan á
félagsheimilinu lásum við auglýsingu