Vera - 01.10.1999, Blaðsíða 37

legum umbótum og markvissum vinnubrögðum.
Flest sakamálin sem biðu Janet í embætti voru
morðmál, sakamál vegna barnamisnotkunar, eit-
urlyfjasölu, smygls og nauðgana en eftir veru
hennar í embættinu mátti sjá verulegar breyting-
ar. Síbrotamenn voru í fyrsta sinn með skipulögð-
um hætti aðskildir frá nýliðum og ungu fólki hvað
refsingar varðaði og Janet gekk auk þess sérstak-
lega hart að þeim glæpamönnum sem skulduðu
barnameðlög. Sérstakt forvarnastarf var unnið
sem unglingarefsingar tóku mið af og með sam-
vinnu við sveitarstjórnir og alríkislögregluna náði
Janet fleiri „hákörlum" en fyrirrennarar hennar
höfðu látið sig dreyma um. Með kraftmiklum og
vel úthugsuðum vinnubrögðum vann Janet sér
þannig inn virðingu og athygli helstu ráðamanna
landsins sem völdu hana í kjölfarið til að sinna
dómsmálum landsins. Janet Reno hafði skilað
Flórída fylki mun fátækara af vandamálum en það
var áður og sérstakur eiturlyfjadómstóll sem Janet
kom á í Miami, sem felur m.a. í sér meðferðarvist
fyrir eiturlyfjaneytendur, varð fyrirmynd að sams-
konar refsi- og dómskerfi í öðrum fylkjum Banda-
ríkjanna.
Líkt og segja má um fleiri
stjórnmálakonur getur Janet Reno
líklega að miklu leyti þakkað
velgengnina þeirri hvatningu sem
hún fékk í bernsku frá foreldrum
sínum og þá sérstaklega frá móður
sinni sem hún var mjög náin.
Líkt og segja má um fleiri stjórnmálakonur
getur Janet Reno líklega að miklu leyti þakkað vel-
gengnina þeirri hvatningu sem hún fékk í bernsku
frá foreldrum sínum og þá sérstaklega frá móður
sinni sem hún var mjög náin. Þær mæðgur
bjuggu alla tíð saman í húsi fjölskyldunnar í Flór-
ída og það var ekki fyrr en Janet var skipuð dóms-
málaráðherra 1993 - árið eftir lát móður sinnar -
að hún flutti af æskuheimili sínu. Meðal annars
vegna þessa hefur almenningur átt erfitt með að
skilja hvaða konu Reno hefur að geyma og einnig
hefur útlit hennar, sem er ekki heldur dæmigert
fyrir konu, ruglað fólk í ríminu. Janet, sem er tæp-
lega 190 sentímetrar á hæð, fellur ekki inn í neina
fyrirfram gefna staðla um bandaríska framkomu.
Hún er lítt upptekin af fágaðri framkomu og útliti
og myndi að eigin sögn fremur vilja komast í
hressilega fjallgöngu með fáum vinum en að
mæta á dansleik í Hvíta Húsinu og hún er enn
með gömlu, þykku gleraugun sín é nefinu. Hún
virðist hins vegar lifa af í bandarískum stjórnmál-
um vegna þess að hún er raunverulega heiðarleg
og áhugasöm um að bæta kjör almennings og
sérstaklega ungmenna. En fyrri afrek Janet Reno
vitna ekki bara um mikinn metnað I starfi heldur
einnig að hún virðist taka samfélagslegan ávinn-
ing framyfir sinn eigin, eitthvað sem ætti að verða
flestum á leið í Hvíta Húsið að falli.
©
Husqvarna
Þegar Husqvarna var að þróa Designerl
spurðu þeir rétta fólkið hvernig saumavél ætti að vera.
- Fólk sem eyðir miklum tíma við saumavélina-
©

37
VER A •