Ljósmæðrablaðið

Volume

Ljósmæðrablaðið - 01.08.1987, Page 4

Ljósmæðrablaðið - 01.08.1987, Page 4
4 LJÓSMÆÐRABLAÐIÐ MINNING Ragnheiður Brynjólfsdóttir Fædd 3.10. 1930 — Dáin 16.10. 1986. í fáeinum fátæklegum orðum, ætla ég að minnast Röggu ,,ljósu“ og þakka um leið kynnin við þessa góðu konu. Hún vann hjá okkur á Sjúkrahúsi Skagfirðinga síðustu fjögur árin og mætti síðast til vinnu 23. júlí ‘86, þá sárþjáð orðin af veikindum þeim, sem á hana höfðu herjað mánuðina á undan. Daginn áður tók hún á móti í síðasta sinn litlum dreng, sem örugglega hefur fengið í veganesti hja henni góðar bænir um bjarta framtíð. Engum duldist, síst henni sjálfri, hve mikið var af henni dregið, samt kom með henni geislandi líf og gleði, en lífsgleði Röggu og hennar jákvæða viðhorf til lífsins var með eindæmum, því var alltaf spenna og tilhlökkun í loftinu þegar von var á Röggu í vinnuna. Þennan síðasta dag hennar í vinnunni, fengum við okkur tesopa í borðstofunni við dvöldum þar lengi, spjölluðum eins og svo oft áður, en einhver dulinn ótti kom fram hjá okkur báðum og seinna vissan um þennan síðasta fund okkar í heimi hér. Ég gekk með henni út að bflnum, við kvöddumst, hún bað fyrir kveðju til allra, sérstaklega minntist hún á vinkonu okkar sameiginlega, sem var kominn á tímann og Ragga hafði áhyggjur af fæðingunni, sem átti sér svo stað næsta dag og allt gekk þar vel. Röggu sá ég ekki oftar, en heyrði í henni í síma, alltaf var baráttuandinn sá sami, hún skyldi standa sig og berjast á meðan einhverjir kraftar væru. Ragga valdi sér að ævistarfi að vera ljósmóðir og fór það henni ein- staklega vel — og hún var dugleg, samviskusöm og ósérhlífin í vinnu, var vakandi um velferð mæðranna og litlu barnanna, og konurnar báru til hennar ótvírætt traust. Hún var ljósmóðir í Keflavík í mörg ár, naut þar trausts og virðing- ar, því var það henni mjög sárt að hverfa þaðan, alltaf var viss sárs- auki og söknuður sem kom fram þegar Keflavflcurárin voru til um- ræðu. En það var okkar happ, því hún kom til okkar í júlí ‘82, og nutum við krafta hennar eftir það.

x

Ljósmæðrablaðið

Direct Links

If you want to link to this newspaper/magazine, please use these links:

Link to this newspaper/magazine: Ljósmæðrablaðið
https://timarit.is/publication/862

Link to this issue:

Link to this page:

Link to this article:

Please do not link directly to images or PDFs on Timarit.is as such URLs may change without warning. Please use the URLs provided above for linking to the website.