Ljósmæðrablaðið - 01.08.1987, Blaðsíða 8
8
LJÓSMÆÐRABLAÐIÐ
Að námi loknu verða nemar að hafa gert og (helst) saumað 5 episio-
tomiur, vag. skoðað 5 sinnum, skoðað 100 konur á göngudeild og 100
í sængurlegu og fengið 40 fæðingar.
Yfirleitt heyrðist manni að nemar fengju ekki mikið að meta konur
í fæðingu (sbr. 5 vag. sk.) og það væri jafnleg undir lækninum komið.
Þeim nemum sem ég talaði við kom saman um að skólarnir væru
strangir og gerðu miklar kröfur. Á R.M.H. þurfa þær a.m.k. að
standast próf í hverri viku bóklegra námskeiða auk prófa í lok þeirra.
Þeim er líka mjög vel fylgt eftir á deildunum þar sem eru kennarar.
Þær fá umsagnir eftir hverja deild og ef þær standast ekki vissar
kröfur verða þær að vinna upp allan tímann aftur.
Hvað líður sjálfri fæðingahjálpinni standa íslenskar ljósmæður þeim
skosku síst á sporði og líklega eru þær íslensku sjálfstæðari í starfi.
Mér skildist t.d. að það væru læknar sem skoðuðu konurnar við komu
á fæðingardeild og í Dundee eru það í flestum tilfellum læknar sem
sauma episiotomiur svo dæmi séu tekin. Þar blanda læknar syntocin
dreypi, ljósmæður mega það ekki. Hitt er svo annað mál að á öllum
spítölum var aðstaða fyrir konur til þess að fæða í öðru umhverfi en
í sterílli nútíma fæðingarstofu. Það voru setustofur og hægindi þar
sem þær geta varið tíma sínum á fyrsta stigi og böð þar sem þær geta
slakað á. Virtist mér af samræðum við ljósmæður á öllum sjúkrahús-
unum að það færist í vöxt að konur komi inn til þess að fæða með
ákveðnar skoðanir á því hvemig þær vilja hafa hlutina. Á R.M.H. hafa
ljósmæður útbúið bækling um kosti þá sem konan hefur um að velja
í fæðingunni. Mér sýndist á öllu að konur í Skotlandi hafi miklu
ákveðnari skoðanir á því hvernig þær vilja fæða heldur en stallsystur
þeirra á íslandi sem mér finnst alltaf leggja sig og sinn kropp í hendur
ljósmóður og lækni og eru upp frá því skoðanalausar nteð öllu. Hvað
ætli veldi þessu sinnuleysi íslenskra kvenna þegar á fæðingardeild er
komið? Er fræðslu ábótavant eða er almenn untræða um þessi mál á
öðru stigi en annars staðar? En nóg um það. — Ef konurnar hafa sér-
stakar óskir er reynt að fara eftir þeim og virðast ljósmæður mjög
mótiveraðar til slíks. Þær sögðust vera opnar fyrir nýjungum og breyt-
ingum en lögðu jafnframt áherslu á að vanalega kæmi slíkt frá kon-
unum sjálfum sem hefðu átt drjúgan þátt í að fæðingar gengu nú oft
mun eðlilegar fyrir sig en fyrir nokkrum árum.
Ein tegund fæðinga ef hægt er að kalla svo verður nú æ vinsælli hjá
skoskum konum en það eru svonefndar ,,domino“ fæðingar. Slíkar