Ljósmæðrablaðið - 15.06.2007, Blaðsíða 42

við sitt hæfi og geti þannig verið lengur
virk í starfi. Verkefnið hefur verið metið
og talið spara samfélaginu gríðarlegt fé
og þykir afar vel heppnað.
Norskar unglingsstúlkur 16-20 ára
fá getnaðarvamarpillur ókeypis og ljós-
mæður geta gefið þeim lyfseðil fyrir
þeim. í ljósi þess að fóstureyðingartíðn-
in er hæst í aldurshópunum 20-25 ára
vinnur norska ljósmæðrafélagið að því
að útvíkka leyfi sitt til að gefa út lyf-
seðla handa þessum hópi einnig.
Haldnir eru árlegir ljósmæðradagar
með fræðslu og skemmtidagskrá. Hægt
er að sjá hvað um er að vera á heimasíðu
félagsins www.jordmorforeningen.no.
Norska ljósmæðrafélagið verður 100
ára árið 2008 og verður það haldið
hátíðlegt í september 2008 í Osló. Fram
að því er búið að ganga frá sjónvarps-
þætti í sex þáttum um lífið á fæðing-
ardeild í Noregi þar sem á að kynna
daglegt líf ljósmæðra.
Svíþjóð
Anna Nordfjall flutti skýrslu sænska
ljósmæðrafélagsins. Ný lýsing á því
hvað ljósmóðurstarfið felur í sér í
Svíþjóð hefur litið dagsins ljós.
Fóstureyðing með lyfjum fyrir 9.
viku ryður sér til rúms og er gert ráð
fyrir að Ijósmæður annist um þær. Það
krefst þess að þær geti staðfest þung-
un nákvæmlega þar sem heppilegast er
að ná til þessa hóps við ca. 5-6 viku.
Ljósmæður þurfa því að geta metið
meðgöngulengd með vaginal ómskoð-
un. Umræður fara nú fram milli ljós-
mæðra og kvensjúkdómalækna um
framkvæmd þessa.
Áfram er unnið með að aðlaga ljós-
mæðranám að Bologna samþykktinni
og engin umræða er í Svíþjóð um að
hjúkrunamám verði ekki skilyrði fyrir
því að komast í ljósmóðurnám eins og
er í hinum löndunum.
Haldin er ljósmæðraráðstefna árlega
og er sú næsta í Stokkhólmi í nóvember
n.k.
Unnið er með að þróa ýmis þjónustu-
form ljósmæðra og það seinasta er one-
to-one support, þar sem höfuðáhersla er
á að konan hafi sömu ljósmóður eftir
að hún er komin í aktivan fasa fæðing-
arinnar. Ennfremur er sumstaðar verið
að reyna að fara heim til kvennanna
þegar þær telja sig vera að byrja í fæð-
ingu og skoða þær og vera hjá þeim og
meta ástandið í einhvern tíma. Bæði
þessi verkefni eru rannsóknarverkefni.
Nokkur umræða varð um fóstureyð-
ingar, þar sem á döfinni er að Svíar
leyfi frjálsar fóstureyðingar til 18 viku.
Danski fulltrúinn sagði að í Dannrörku
væri umræðan sú að halda sig við 12
vikur nema í undantekningartilvikum
eins og til dæmis vegna alvarlegs fóst-
urgalla þar sem fóstri er ekki hugað líf.
Sama er í hinum löndunum.
Önnur mál.
• Finnsku fulltrúarnir upplýstu um ráð-
stefnuna sem 510 ljósmæður hafa
skráð sig á. 100 abstraktar bárust og
voru 68 valdir til flutnings. Notaðir
eru 4 ráðstefnusalir (sessionir) og 3
vinnusmiðjur eru fyrirhugaðar.
• Færeysku Ijósmæðurnar óskuðu eftir
umræðu um hvernig hægt væri að
halda úti dreifðri fæðingarþjónustu.
Nokkur umræða varð um þetta og
Noregur kynnti vel hvernig er staðið
að þessu hjá þeim og við sögðum frá
því að væntanlegar væru opinberar
leiðbeiningar urn val á fæðingarstað
sem gerir ráð fyrir því að konur geti
fætt á smærri stöðum og jafnvel í
heimahúsum, en þetta er ekki ólíkt
norska kerfinu.
• Ákveðið var að á næsta stjórnarfundi
verði fjallað sérstaklega um ýmis
þjónustuform í fæðingarþjónustu.
• Finnsku ljósmæðurnar ræddu og
kynntu hugmyndir um sérstakar ráð-
gjafastofur fyrir konur og er gert ráð
fyrir að meðgönguvernd verði þar og
ljósmæður sinni henni. Þessar hug-
myndir og útfærsla þeirra eru byggð-
ar á rannsóknarniðurstöðum sem hafa
verið birtar.
• Svíþjóð óskaði eftir umræðum um
hnakkaþykktarmælingar. Umræða er
í Svíþjóð um hvort eigi að innleiða
þær. Rannsóknir sýna að mælingin
er hvorki röng eða rétt og umræð-
an er fyrst og fremst siðfræðileg og
snýst þá um skimun í þeim tilgangi
að hindra að ákveðnir einstaklingar
fæðist í stað þess að lækna sem er jú
megintilgangur skimunar. Síðan er
umræðan auðvitað um rétt konunnar
og fjölskyldunnar til þess að vita!
Reiknað hefur verið út að það muni
kosta Svía um 75 milljónir sænskra
króna að innleiða þessa tækni sem
talin er verða úrelt innan 3-5 ára með
tilkomu blóðprófa sem hægt verði
að gera í greiningarskyni og greini
öll litningafrábrigði mjög snemma
á meðgöngu. Bent er á að pink-blue
prófin svokölluðu eru nú þegar til og
greina kyn við 9 vikna meðgöngu.
• í Danmörku er verið að rannsaka
áhrif ómskoðana á fóstur (sérstak-
lega á cerebral virkni) í ljósi þess að
aðferðir hafa breyst þ.e. meira er gert
af vaginal ómskoðunum en áður og
verið er að nota mun sterkari og öfl-
ugri tæki en áður.
• Einnig var sagt frá nýjum rannsókn-
um á sama sviði.
• Danskar ljósmæður hafa áhyggjur af
þróuninni íþessum efnum í Danmörku
og harma að hnakkaþykktarmælingar
hafi ekki verið felldar undir lækn-
isfræðilegar ábendingar.
• I Finnlandi er mjög mismunandi
hvaða rannsóknir standa konum til
boða en áberandi er að finnist einhver
litningagalli t.d. Tumer’s syndrome,
hvað þá alvarlegri frávik, vilja konur
fara í fóstureyðingu og gera það.
• Ennfremur var bent á að í Svíþjóð
eru lög sem banna ómskoðanir án
læknisfræðilegra ábendinga.
• Sagt var frá því að sænska ljós-
mæðrafélagið hefur verið að vinna
að úgáfu á nýju tímariti; Sexual and
reproductive health og er fyrsta tölu-
blaðið tilbúið í Glasgow, en Francis
og Taylor munu sjá um útgáfu þess.
Áætlað er að 4 tölublöð verði gefin út
á ári. Ritstjórn mun verða alþjóðleg-
Varðandi íjármögnun mun sænska
ljósmæðrafélagið leggja ákveðna
upphæð á öll ráðstefnugjöld hjá sér
og leita fleiri leiða til fjármögnunar.
Eins og áður hefur komið fram verður
næsta ráðstefna NJF í Kaupmannahöfn
dagana 3.-5. júní 2010. Yfirskrift ráð-
stefnunnar verður Practice and science
eða Praksis og videnskab
Næsti stjórnarfundur verður í Noregi
7. og 8. mars n.k. norska ljósmæðra-
félagið verður 100 ára á næsta ári og
verður efnt til hátíðahalda dagana 18-
19 september. Island verður svo með
stjórnarfundinn árið 2009 en þá er 90
ára afmæli félagsins.
Sænska ljósmæðrafélagið bar fram
þá tillögu að næsti forseti NJF yrði
Hildur Kristjánsdóttir frá Islandi og var
tillagan samþykkt með lófataki. Hildur
tók svo við embættinu formlega í lok
ráðstefnunnar.
Finnska ljósmæðrafélaginu var að
lokum þakkað fyrir vel heppnaðan
fund.
Fundi var slitið síðdegis fimmtu-
daginn 3 maí 2007.
Reykjavík 20. maí 2007
Hildur Kristjánsdóttit’■
42 Ljósmæðrablaðið júní 2007