Ljósmæðrablaðið - 15.06.2007, Blaðsíða 44

hafandi fjölskyldna. Áhersla var lögð á
að styrkja fræðimennsku innan félags-
ins, kjarabaráttu og samstöðu. Fundirnir
voru gagnlegir og skemmtilegir og ekki
leynir sér að það er hugur í ljósmæðr-
um að styrkja stéttina bæði fræðilega
og ekki síður með virðingu fyrir starfi
okkar og hver annari sem ljósmæðra.
Við sköpum orðræðuna um starf okkar,
ljósmæður og Ljósmæðrafélagið og það
er því mikið undir okkur komið hvaða
stefnu sú orðræða tekur.
Fagmál
Á síðasta ári sendi Landlæknisembættið
frá sér drög að klíniskum leiðbeiningum
á meðgönguvernd heilbrigðra kvenna
í eðlilegri meðgöngu. Leiðbeiningarnar
eru unnar í samvinnu við Miðstöð
mæðraverndar og byggðar á breskum
leiðbeiningum frá National Institute for
Clinical Exellence (NICE). Almennt
hefur verið gerður góður rómur að
leiðbeiningum þessum en heyrst hafa
óánægjuraddir um fækkun skoðana, en
ítrekað hefur verið að leiðbeiningarnar
skuli nýtast til hliðsjónar en eftir sem
áður meti ljósmóðir þörf fyrir tjölda
skoðana sem annað. Tilkomu leiðbein-
ingana bar upp á sama tíma og aðrar
brey ti ngar í mæðravernd, þegar starfsemi
Miðstöðvar mæðraverndar var stokkuð
upp og mæðravernd jókst á heilsugæslu-
stöðvum á höfuðborgarsvæðinu. Á sama
tíma hafa heimilislæknar sýnt meiri
áhuga á aðkomu lækna að mæðravernd
heilbrigðra kvenna. Ljósmæður verða
að vinna saman í að fóta sig í nýju
umhverfi mæðraverndarinnar og í að
móta nýjar hefðir.
Námskeið á vegum Fræðslu-
og endurmenntunarnefndar
Ljósmæðrafélagsins
Nálastungunámskeiðin eru sívinsæl og
hafa nú nálægt 120 íslenskar ljósmæð-
ur sótt þau. Næsta námskeið verður í
ágústlok og eru enn laus nokkur pláss
á því sem ljósmæður eru hvattar til að
nýta sér.
I janúar var haldin eins dags vinnu-
smiðja um vatnsfæðingar á vegum
fræðslunefndar LMFÍ. Vatnsfæðingar
hafa verið stundaðar hér á landi síðast-
liðinn áratug og byggst upp mikil og
góð reynsla af þeim. Keflavfk, Selfoss
og Akranes hafa þar verið fremst í flokki
fæðingadeilda, auk þess sem vatnsfæð-
ingar eru algengar meðal heimafæðinga.
T.d. voru vatnsfæðingar á síðasta ári
15% fæðinga í Keflavík, 11% fæðinga
á Selfossi og stór hluti heimafæðinga
voru einnig vatnsfæðingar eða allt að
60% hjá liðtækustu heimafæðingaljós-
móðurinni, Áslaugu Hauksdóttur. Svo
mikill áhugi var fyrir vinnusmiðjunni
að yfirfullt var þennan dag. Ethel Bums,
ljósmóðir sem starfar sem fyrirlesari
og rannsakandi við Oxford Brookes
University, var gestur vinnusmiðjunn-
ar og kenndi ljósmæðrum sitthvað um
vatnsfæðingar auk þess sem ljósmæð-
ur miðluðu reynslu og þekkingu sín á
milli. Ethel er í samstarfi við Sheilu
Kitzinger sem er íslenskum ljósmæðr-
um vel kunnug af bókum hennar og
rannsóknum, auk þess sem hún var gest-
ur Ljósmæðrafélagsins á ráðstefnu þess
árið 1998. Saman hafa þær gefið út klín-
iskar leiðbeiningar um notkun vatns við
fæðingar, byggðar á víðtækri reynslu og
rannsóknum. Ljósmæðrafélag Islands
færði öllum fæðingardeildum landsins
þessar leiðbeiningar að gjöf og eru ljós-
mæður hvattar til að kynna sér þau fag-
legu rök sem þarna liggja að baki. Með
tilkomu innra nets heimasíðu félagsins
hefur verið stofnaður umræðuhópur um
vatnsfæðingar sem gerir Ijósmæðrum
auðveldara fyrir að ræða þessa vinsælu
aðferð í fæðingarhjálp.
í apríl var haldið þriggja daga nám-
skeið á vegum fræðslunefndar LMFI
í notkun ilmkjamaolía við ljósmóð-
urstörf. Kennari var Denise Tiran, ljós-
móðir og ilmkjarnaolíufræðingur og var
námskeiðið fullbókað og gerður góður
rómur að. Ljósmæðrafélagið gat boðið
ljósmæðrum þátttöku í námskeiðnu á
meira en helmingi lægra verði en sama
námskeið kostar í Bretlandi. Denise var
mjög ánægð með móttökurnar sem að
sjálfsögðu voru í anda íslenskrar gest-
risni og aldrei að vita nema fleiri ilm-
kjarnaolíunámskeið verði á döfinni.
Fyrir utan námskeiðin sem haldin
hafa verið, hefur fræðslunefnd staðið
fyrir mánaðarlegum hringborðsumræð-
um sem framhald verður á næsta vetur.
Sú nýbreytni hefur verið tekin upp
varðandi innritanir á námskeið á vegum
Ljósmæðrafélagsins að þær fara nú fram
með umsóknum. Með þessu móti er leit-
ast við að þær ljósmæður sem ætla má
að mesta notagildið hafi af námskeiðinu
í starfi, hafi forgang en ekki einungis sú
fyrsta sem skráir sig.
Orlofsmál
Ljósmæður hafa nú verið í Orlofssjóði
BHM í hálft annað ár. Eins og kosið
var um, gengu ljósmæður punktalaus-
ar inn í sjóðinn en fengu þess í stað
loforð um þriggja ára orlofskost frá
Ljósmæðrafélaginu. I fyrra leigðum
við sumarbústað í Skorradal sem mikil
ánægja var með. Þetta árið bauð félagið
upp á orlofsstyrki. Tæplega sextíu
umsóknir bárust og var sem fyrr úthlut-
að eftir punktafjölda.
Vegna ágóða af sölu sumarbústaðar
félagsins á síðasta ári, ákvað stjórn að
styrkja sjóði félagsins, Rannsóknasjóð
ljósmæðra um 400.000 kr og Minn-
ingasjóð ljósmæðra um 300.000 kr.
Erlent samstarf
Norðurlandaráðstefna ljósmæðra er nú
nýafstaðin og sóttu hana 30 íslenskar
ljósmæður. Sex íslenskar Ijósmæður
héldu þar fyrirlestra og ljóst að rann-
sóknarstarf í ljósmóðurfræðum fer vax-
andi hér á landi.
Fyrirlesararnir voru:
- Dr. Ólöf Ásta Ólafsdóttir: Deve-
lopments of dijferent types of inner
knowing in midwifery practice.
Fyrirlesturinn var unninn úr doktors-
rannsókn Ólafar Ástu.
- Jónína Salný Guðmundsdóttir:
Women 's birth stories and their
experiences of giving birth away
from their families and home comm-
unity. Fyrirlesturinn var unninn úr
lokaverkefni Jónínu Salnýjar til emb-
ættisprófs í ljósmóðurfræðum undir
leiðsögn Ólafar Ástu Ólafsdóttur.
- Valgerður Lísa Sigurðardóttir: Ice-
landic midwives 'perceptions ofintra-
partum risk and safety: a qualita-
tive study. Fyrirlesturinn var unn-
inn úr meistararannsókn Valgerðar
Lísu undir leiðsögn Ólafar Ástu
Ólafsdóttur.
- Stefanía Guðmundsdóttir og Helga
Sigurðardóttir: The effects of acup-
uncture on pelvic pain during pregn-
ancy and women 's experience of
the treatment. Fyrirlesturinn var
unninn úr lokaverkefni Stefaníu og
Helgu til embættisprófs í Ijósmóð-
urfræðum undir leiðsögn Helgu
Gottfreðsdóttur.
- Helga Gottfreðsdóttir hélt tvo fyr-
irlestra: Should all pregnant women
have nuchal translucency screen-
ing?og To accept or refuse: how do
prospective parents deal with the
offer of nuchal translucency screen-
ing? Fyrirlestramir voru unnir úr
doktorsrannsókn Helgu.
Stjórn Ljósmæðrafélagsins ákvað að
styrkja þessa fyrirlesara í viðurkenning-
arskyni fyrir að gera íslenskar ljósmæð-
ur sýnilegri í Norðurlandasamstarfinu.
Á stjórnarfundi NJF sem hald-
44 Ljósmæðrablaðið júní 2007