Ljósmæðrablaðið - 15.12.2007, Blaðsíða 4

Ritstjóraspjall
Fyrir 85 árum voru uppi stórhuga og
metnaðarfullar ljósmæður sem voru
tilbúnar til að stíga skref inn í framtíð-
ina. Það væri óskandi að hægt væri að
ferðast með tímavél aftur í tímann til
þess að silja fund Ljósmæðrafélagsins
með þessum kjamorkukonum sem voru í
forystu fyrir ljósmæðrastéttina á þessum
tíma og fá að vera þátttakandi í umræðu
um útgáfumál félagsins. Ef marka má
orð Þuríðar Bárðardóttur þáverandi for-
manns Ljósmæðrafélagsins var í huga
þeirra um það tvennt að velja að sækja
fram og byggja upp fag- og stéttarvit-
und Ijósmæðra eða hokrast þögular
hver í sínu homi (sjá tilvitnun á bls.
32). Forysta Ljósmæðrafélagsins tók
þann pólinn í hæðina að sækja fram
og erum við í ritnefndinni stoltar af að
taka þátt í að fylgja eftir þeirri ákvörðun
að gefa út svo metnaðarfullt blað sem
Ljósmæðrablaðið er. Blaðið hefur vaxið
í tímans rás og þjónar enn því hlut-
verki sem upphaflega var ætlast til, þ.e.
að fræða, upplýsa og efla stéttarvitund
íslenskra ljósmæðra. Ritrýndar fræði-
greinar hafa nánast verið fastir liðir und-
anfarin ár þar sem meirihluti höfunda er
úr röðum ljósmæðra.
í tilefni þessara tímamóta ákvað rit-
nefnd blaðsins að fá nokkrar ljósmæður
til að gefa lesendum mynd af störfum
ljósmæðra frá ýmsum tímum. Það er
óhætt að segja að Ijósmæður hafi brugð-
ist vel við og er einstaklega ánægjulegt
hve margar úr röðum þeirra sem hætt-
ar eru störfum, voru tilbúnar að deila
reynslu sinni og sögum með lesendum.
Þökkum við þeim kærlega fyrir skrifin.
Tímarnir breytast og viðfangsefnin
með - þau málefni sem fjallað er um
á síðum blaðsins í dag hefðu líklega
þótt meira en lítið furðuleg fyrir 85
árum! Væntanlega hefur ekki verið
mikil þörf t.d. fyrir túlkaþjónustu á
þeim tíma en það er hins vegar mjög
mikilvægt fyrir nútímaljósmóður að
hafa aðgang að túlki í því alþjóðaum-
hverfí sem við lifum í nú. Anna Sigríður
Vernharðsdóttir fjallar um tungumála-
örðugleika og hvernig hægt er að bæta
úr þeim með góðri túlkaþjónustu.
Valgerður Lísa Sigurðardóttin
Ijósmóðir
Bergrún S. Jónsdóttir;
Ijósmóðir
Neysla ólöglegra vímuefna hefur
áreiðanlega ekki heldur verið algengt
vandamál á tímum formæðra okkar en
það er því miður reyndin í dag. Ahrif
neyslu slíkra efna á meðgöngu og hlut-
verk Ijósmæðra við umönnun kvenna
með vímuefnavanda eru einmitt við-
fangsefni Ijósmóðurnemans Sigrúnar
Rósu Vilhjálmsdóttur í grein sem hún
vann upp úr ritgerð í upphafi náms í
ljósmóðurfræði.
Líklega hefur mæðradauði verið
algengari á upphafstímum blaðsins
heldur en í dag, a.m.k. í okkar sam-
félagi. En það má ekki gleyma því að
við hér á okkar litla landi erum hluti af
stærri heild í heimi sem alls ekki hefur
búið þegnum sínum jöfn lífskjör að
búa við. Skrif Jennýjar Ingu Eiðsdóttur
verða vonandi til að opna augu lesenda
fyrir þessari stöðu og hvetja ljósmæður
til að axla ábyrgð og taka þátt í þróun-
arstarfí, stefnumótun og bættri menntun
ljósmæðra um heim allan
Hverjum hefði komið til hugar fyrir
85 árum þegar það var bara stórmál
að komast yfir lækinn til næsta bæjar
að íslensk Ijósmóðir myndi starfrækja
ljósmæðraþjónustu í Hong Kong? Það
má segja að hún Hulda Þórey Garðars-
dóttir hafí svo sannarlega skroppið yfir
lækinn til að stunda ljósmóðurstörf,
en hún segir frá starfi sínu í Hong
Kong í máli og myndum hér á síðum
Ljósmæðrablaðsins.
Fræðigrein blaðsins að þessu sinni er
um mjaðmagrindarverki á meðgöngu en
það er fylgikvilli sem telst vera algeng-
ur hjá konum í dag. Þó svo að við höfum
ekki vitneskju um hvernig það var hér
áður fyrr, er líklegt að slíkir verkir séu
ekki nýtt fyrirbæri en kannski þótti ekki
ástæða til að nefna, hvað þá að skrá þá
í þá daga. Hver veit? Höfundur grein-
arinnar er Erna Kristinsdóttir sjúkra-
þjálfari ásamt fleirum.
Ekki má gleyma stéttarvitundinni sem
var og er mikilvægur drifkraftur í starf-
semi Ljósmæðrafélagsins. Sú umræða
verður ávallt fyrirferðarmeiri og heitari
þegar nær dregur samningaviðræðum.
en samningar eru lausir í vor. í grein
Báru Hildar Jóhannsdóttur, formanns
kjaranefndar Ljósmæðrafélagsins ber
hún saman launakjör hefðbundinnar
kvennastéttar, sem stétt ljósmæðra hlýt-
ur að teljast og kjör lögfræðinga, sem er
gömul karlastétt, og verður að segjast
að sá samanburður er fjarri því að vera
okkar stétt í hag.
Ljósmæðrablaðið er 85 ára. Fyrir hönd
ritnefndar færum við lesendum ham-
ingjuóskir í tilefni afmælisins með von
um frið og gleði á jólum og nýju ári.
4 Ljósmæðrablaðið desember 2007