Almanak Hins íslenska þjóðvinafélags - 01.01.1955, Side 86

ing félagsheimilis knattspyrnufélagsins Vikings.
Unnið var að stórhýsi Morgunblaðsins. Unnið var
að byggingu matvælamiðstöðvar S. í. S. í Rvik.
Mikið var unnið að gatnagerð í Rvik, og voru reistir
allmargir nýir götuvitar. Ráðinn var þýzkur sér-
fræðingur til leiðbeiningar um gatnagerð í Rvík.
Nýjar vatnsæðar voru lagðar í hafnarhverfið í Rvík
Og nokkur svæði í Vesturbænum. Sjálfvirkum út-
búnaði var komið fyrir í dælustöðinni í Reykjahlíð
í Mosfellssveit. Mikið var og unnið að skrúðgarða-
gerð í Rvik. Hallargarður við Fríkirkjuveg var opn-
aður almenningi. Unnið var að iþróttasvæðinu í
Laugardal í Rvík. Ríkisstjórnin lét reisa Sveinbirni
Sveinbjörnssyni tónskáldi minnisvarða á gröf hans
i Rvík. Minnisvarðar um þá Kristján Skagfjörð og
L. H. Möller voru reistir í nánd við skiðaskálann á
Hellisheiði.
Unnið var af kappi að áburðarverksmiðju ríkisins
í Gufunesi, og var hún langt komin í árslok. Enn var
unnið að ýmsum framkvæmdum á dvalarheimili
berklasjúklinga á Revkjalundi. Fávitahælið í Kópa-
vogi tók formlega til starfa i maí, og hafin var bygg-
ing annarrar deildar fávitahælis þar. Bessastaða-
tjörn var lokað með sjóvarnargarði. Lokið var
byggingu sundhallar Hafnarfjarðar, og var hún vígð
í júní. Einnig var lokið bygging'u elliheimilis í
Hafnarfirði, og var það vígt í nóvember. Olíustöð
var reist í Hvaleyrarholti við Hafnarfjörð. Borað
var eftir neyzluvatni í Keflavik. Vandað bifreiða-
stöðvarhús var reist í Keflavík. Umbætur voru
gerðar á sundhöll Keflavíkur. Margvíslegar fram-
kvæmdir voru á Keflavíkurflugvelli. Iðnaðarbanki
íslands hóf byggingu útibúshúss á flugvellinum.
Unnið var að byggingu fiskmjölsverksmiðu i Sand-
gerði. Unnið var að viðbótarbyggingu við frystihúsið
í Höfnum. Rafmagn var leitt um þorpið frá ljósavél
frystihússins. Unnið var að vatnsveitu í Grindavík.
(84)