Almanak Hins íslenska þjóðvinafélags - 01.01.1978, Page 112

in kvödd út úr íslenskri landhelgi, og hófust þá samning-
ar í Osló milli utanríkisráðherra og sjávarútvegsráðherra
íslands og breskra ráðherra. 1. júni tókust bráðabirgða-
samningar, sem voru undirritaðir í Osló. Skyldu þeir
gilda til 1. desember. Var þar ákveðið að 24 breskir tog-
arar mættu dag hvern stunda veiðar á ákveðnum svæðum
innan íslenskrar fiskveiðilögsögu. Bretar lofuðu að virða
friðuðu svæðin við Island. Löndunarbanni á íslensk fiski-
skip í breskum höfnum var aflétt. Tollalækkanir á ís-
lenskum sjávarafurðum í löndum Efnahagsbandalags
Evrópu skyldu koma til framkvæmda 1. júlí. Margir
töldu að með þessum samningum viðurkenndu Bretar
200 mílna fiskveiðilögsögu við ísland, en orðalag um
þetta var þó óljóst. 2. júní var stjórnmálasamband aftur
tekið upp milli íslands og Bretlands. í apríl voru gerðir
samningar við Norðmenn og Færeyinga um veiðiheim-
ildir innan íslenskrar fiskveiðilögsögu. 28. apríl runnu
út samningarnir við Vestur-Þjóðverja án þess að samn-
ingar íslands við Efnahagsbandalag Evrópu tækju gildi.
Samningunum var þó ekki sagt upp af íslendinga hálfu.
1. desember sigldu bresku togararnir brott af íslands-
miðum. I desember fóru fram viðræður um fiskveiði-
mál milli íslendinga og Efnahagsbandalags Evrópu, en
ekkert samkomulag náðist fyrir árslok. — Alþjóðaráð-
stefna um hafréttarmál var haldin í New York um
vorið og aftur um haustið. Árangur af henni varð ekki
mikill, en mörg ríki fóru að búa sig undir að koma á
200 mílna fiskveiðilögsögu, m. a. Bandaríkin. Dr. Björn
Þorsteinsson prófessor ritaði á árinu bók um landhelgis-
mál íslendinga að fornu og nýju og nefnist hún „Tíu
þorskastríð“.
Náttúra tslands.
Enn var mjög mikið um jarðhræringar. Jarðskjálft-
arnir í Þingeyjarsýslu héldu áfram í janúar og fram í
miðjan febrúar. 13. janúar kom mjög harður jarð-
skjálftakippur á Norðausturlandi, og mældist hann um
(110)