Almanak Hins íslenska þjóðvinafélags - 01.01.1978, Page 114
Mikil flóð komu í Jökulsá i Öxarfirði um 20. febrúar
og aftur seint í apríl. Hlaup kom í Súlu í ágústbyrjun.
Um og eftir miðjan september kom mikið hlaup í Skeið-
ará.
15. febrúar olli ofviðri tjóni á húsum, símalínum og
raflínum á landinu vestanverðu. 20. febrúar ollu stór-
rigningar og rok tjóni á húsum, bátum og vegum víða
um land. 3. mars olli fárviðri nokkru tjóni í Vestmanna-
eyjum. 6. mars olli ofviðri tjóni á Norður- og Austur-
landi, einkum í Eyjafirði, þar sem miklar skemmdir urðu
á raflínum. 10. mars olli ofviðri enn nokkrum skemmd-
um á Suður- og Vesturlandi. 4. júlí olli geysimikið þrumu-
veður rafmagnstruflunum víða á Suðurlandi. Laust þá
eldingu niður í sumarbústað í Staðarhverfi í Grindavík,
og brann hann. 4. ágúst gekk enn mikið þrumuveður
yfir Suður- og Suðvesturland. 27. ágúst ollu stórrigning-
ar miklum skemmdum á vegum og brúm á norðan-
verðu Snæfellsnesi. 18. og 19. nóvember ollu stórrigningar
miklum vegaskemmdum á Vestfjörðum. Þá féll mikil
aurskriða á Bíldudal og olli þar talsverðu tjóni. 20. nóv-
ember olli fárviðri nokkru tjóni í Eyjafirði. 30. nóvem-
ber féll snjóflóð í Ólafsfjarðarmúla, og bjargaðist maður
þar nauðuglega. — Leyft var að skjóta 1115 hreindýr.
Þrír háhyrningar, sem veiddust hér við land, voru fluttir
lifandi á sædýrasöfn í Frakklandi og Hollandi. Tvö ná-
hveli rak á Geldinganesi við Reykjavík, en náhveli hafði
þá ekki rekið hér á landi í rúma hálfa öld. Ernir voru
taldir hér á landi og reyndust vera 122 alls (80 fullorðn-
ir, 31 ungir og 11 ungar). Hvítendur sáust á nokkrum
stöðum á landinu, en þær hafa ekki þekkst hér áður.
Um haustið og fram á vetur sást mikið af bláhröfnum
og dvergkrákum, en þetta hafa verið mjög sjaldgæfir
fuglar hér. Störrum hefur á undanförnum árum fjölgað
gífurlega hér á landi, einkum á Reykjavíkursvæðinu.
Rjúpnastofninn virtist fara minnkandi. Um haustið var
hafin útrýmingarherferð gegn svartbak og hrafni. Bjallan
maríudepla fannst hér á landi (óþekkt hér áður). Hala-