Almanak Hins íslenska þjóðvinafélags - 01.01.1978, Síða 141

tekin í notkun 6. nóvember. Heilsugæslustöð tók til
starfa í Grindavík, og unnið var þar að kirkjubyggingu.
Unnið var að undirbúningi að byggingu skólahúss. Mörg
íbúðarhús voru byggð í Grindavík. Unnið var að heima-
vistarskóla í Krýsuvík.
Árnessýsla. Um 50 íbúðarhús voru í smíðum í Þor-
lákshöfn. Byggt var þar stórt fiskverkunarhús. í Hvera-
gerði voru rúmlega 60 íbúðarhús í smíðum, og unnið
var þar að hitaveituframkvæmdum og gatnagerð. Unnið
var þar að íþróttahúsi og stækkun heilsuhælisins og elli-
heimilisins Áss. Nokkur orlofshús voru byggð í Ölfus-
borgum. íþróttabandalag Reykjavíkur vann að undir-
búningi að byggingu æfingastöðvar í Grímsnesi. Sund-
laug var tekin í notkun í Reykholti í Biskupstungum.
Unnið var að skólahúsum í Hrunamannahreppi og
Hraungerðishreppi. Umbætur voru gerðar á hitaveitunni
í Hraungerðishreppi og dælustöð tekin í notkun. Borað
var eftir heitu vatni við Laugardæli vegna hitaveitu Sel-
foss. Mörg íbúðarhús voru í smíðum á Selfossi. Unnið
var þar að sjúkrahúsi, íþróttahúsi, félagsheimili, skóla-
húsum og kaupfélagshúsi. Nokkur íbúðarhús voru í
smíðum á Eyrarbakka og Stokkseyri. Hafin var bygg-
ing nýs sjóvarnargarðs á Eyrarbakka, og unnið var að
endurbyggingu frystihússins. — Unnið var að sögualdar-
bæ í Þjórsárdal. Byggt var nýtt sæluhús við Hvítárvatn
°g undirbúin bygging nýs sæluhúss á Hveravöllum.
RangárvaUasýsla. Unnið var að vatnsveitu í Holta-
hreppi og Ásahreppi. Á Hellu voru um 30 íbúðarhús í
smíðum, og unnið var þar að gatna- og holræsagerð og
að byggingu elliheimilis. Á Hvolsvelli voru um 25 íbúð-
arhús í smíðum, og mikið var unnið þar að gatnagerð
°g vatnsveituframkvæmdum. Unnið var þar að bygg-
mgu steypustöðvar og að stækkun húss Húsgagnaiðjunnar.
Unnið var þar að sláturhússbyggingu. Tvö sæluhús voru
reist við leiðina milli Þórsmerkur og Landmannalauga.
Vestmannaeyjar. Rúmlega 100 íbúðir voru í smíðum
1 Eyjum. Mikið var unnið þar að gatna- og holræsagerð
(139)