Litli Bergþór - 01.12.1988, Qupperneq 16

Baldursbrárvísur
Þórður:
Skeytið harla þurra þá
þanka hitti mína,
er Viktoría Baldursbrá
búa vildi sína.
Viktoría:
Það var dögg sem þörf var á
í þessum fáu línum,
því krónu fékk mín Badlursbrá
af bragaróði þínum.
Þórður:
Væri hægra í veröld þá
vonadjúpið kanna.
Ef ei um meira en Baldursbrá
beiddu hugir manna.
Viktoría.:
Allir vonir eiga og þrá
auðnu gengis njóta.
En fæstir meira en Baldursbrá
af borði lífsins hljóta.
Þórður:
Þegar sumars maður má
mætra daga sakna,
væri gott sem Baldursbrá
blunda og aftur vakna.
Viktoría:
Lífsins vetur enda á,
ei mun ég hans sakna.
En þroskameiri en Baldursbrá
bið ég um að vakna.
Þórður:
Nú er ekki neitt að sjá
nema ffam á hallann,
því að andans Baldursbrá
brestur gróður allan.
Viktoría:
Frægan sigur fékk ég þá
fyrst á ævi minni,
þegar andans Baldursbrá
banað gat ég þinni.
ÞórÖur Kárason.
Viktoría Guðmundsdóttir.
Baldursbrárvísur, kveðskapur
Viktoríu og Þórðar, munu
hafa birst íBaldri, 1. tbl. 10..
árgangs.
Þórður:
Hér er ljótt að heyra og sjá
huga lýsir þröngum.
Sé þín andans Baldursbrá
beygð af afturgöngum.
Viktoría:
Hvert með sigri hólmi frá
heldur veit ég eigi,
en afturgengna Baldursbrá
buga held ég megi.
Þórður:
Þótt að sætum sigri ná
sýnist takast megi.
Fyrir hægu- Baldursbrá
blikna - kuli eigi.
Viktoría:
Karlmanns reynir kjarkinn á,
kólgu Frón er lostið,
en máske þína Baldursbrá
bíti ekki frostið.
Þórður:
Hauðrið allt er hulið snjá,
hylja elfur skarir.
Einhver innri Baldursbrá
bjargast þó og hjarir.
Viktoría.
Heilsar vorið hauðri og sjá,
hríðar sporin fækka.
Mun þó hvorug Baldursbrá
blómin þora að stækka.
Kuldi bítur aldrei á
eða hríðarbylur,
þann er innri Baldursbrá
í brjósti sínu dylur.
Þórður:
Náttúrunnar nú má sjá,
nægt ei gæða dvínar.
Sóley út og Baldursbrá
breiða krónur sínar.
m
Litli Bergþór
16