Árbók VFÍ - 01.06.1992, Side 22

20 ÁrbókVFÍ 1991/92
það sem þeim tilheyrir, en þó lítið sé, förum við jafnan reynslunni ríkari heim í Verkfræðinga-
hús. Jón Ingimarsson fyrrum formaður VFI var fulltrúi VFI í þessu samstarfi, en gat ekki sinnt
starfinu lengur vegna anna og komst því ekki til Oslóar. Eins var kostnaður VFI ofviða.
Frændþjóðimar buðu þá framkvæmdastjóra VFI (flug og hótel) að sækja fundinn og var það
þegið. Þórarinn Magnússon fráfarandi formaður hefur nú verið skipaður fulltrúi VFÍ í sam-
starfshópnum.
Verkfræðingafélag Eistlands var endurreist fyrir um tveimur og hálfu ári. I samvinnu við
Háskóla Tallinborgar gekkst félagið fyrir um 300 manna ráðstefnu í maí 1991. Formanni VFÍ
var boðið að sækja ráðstefnuna og hafði hann með sér gjöf frá Verkfræðingafélagi Islands.
VFÍ barst síðan þakkarbréf og heiðursskjal frá vinum sínum í Tallin. Heiðursskjalið er búið að
ramma inn og setja upp á vegg á skrifstofu VFI.
8.2 FEANI
FEANI samtökin héldu hátíðlegt 40 ára afmæli sitt í haust er leið. Formönnum FEANI-sam-
takanna í aðildarlöndunum var boðið til hátíðarfundar þar sem framtíðarstefna og staða FEANI
í Evrópu var rædd. Einnig var haldinn fundur í s.k. „Skráningarnefnd" (Register Commission),
en sú nefnd hefur að undanförnu unnið mikið starf við að skilgreina og flokka tækniháskóla í
Evrópu. Oddur B. Bjömsson fulltrúi VFÍ í íslandsnefnd FEANI sótti fundinn, ásamt tveimur
fulltrúum frá TFÍ.
Eins og áður var sagt þá er það eftirlitsnefnd FEANI sem hefur yfirumsjón með afgreiðslu
EUR ING starfsheitisins. Jón Vilhjálmsson formaður nefndarinnar hefur unnið gríðarlega
mikið starf í sambandi við FEANI og gætt hagsmuna verkfræðinga bæði í mennta- og atvinnu-
legu tilliti. Jón hefur unnið störf sín úr fjarlægð sem er erfitt til Iengri tíma litið, en VFÍ hefur
ekki haft ráð á að senda fulltrúa á FEANI fund. I haust er leið var þess óskað eindregið, að
formaður eftirlitsnefndar FEANI á íslands mætti og var Jóni falið að sækja fund í Stokkhólmi,
rétt fyrir jólin. Skýrsla eftirlitsnefndar liggur hér frammi.
Erlent samstarf er kostnaðarsamt og engin ástæða til að sinna því í óhófi eða senda fulltrúa
VFI á allt sem býðst. En ef við ætlum ekki að einangrast þá dugar heldur ekki að spara um of
segir framkvæmdastjórinn okkar og tek ég undir það.
9 Starfsemi VFÍ og stefna 1991/1992
Framkvæmdastjórn er umhugað um að starfsemi félagsins sé í senn fagleg og félagsleg. Verk-
fræðingafélagið standi vörð um starfsheiti verkfræðinga og að félagar hafa í senn gagn og
ánægju af því að vera í félaginu og taka þátt í starfsemi þess.
í upphafi starfsársins setti framkvæmdastjórn sér það sem meginverkefni að byggja upp inn-
viði félagsins. Aðaláhersla skyldi lögð á félagafjölgun og leitast við að markaðssetja félagið á
þann hátt, að verkfræðingar og verkfræðinemar teldu hag stéttarinnar best borgið í öflugu
félagi. Kynningarstarfsemi félagsins út á við átti að vera leið að því marki. Kynningarbækling-
ur, vinnustaðafundir, talsmannakerfi, afmælisráðstefna og 80 ára afmæliskynning voru leiðir
sem nýta skyldi, til viðbótar úttekt á námi við Háskóla Islands, útgáfustarfi, endurmenntunar-
samstarfí o.fl.
9.1 Félagafjölgun
Útskrifaðir verkfræðingar gengu nær undantekningarlaust til liðs við félagið hér áður fyrr.
Arið 1976 sækja 50 manns um starfsheitið verkfræðingur, þar af ganga 49 í félagið. Sá eini sem